Josua 8:35 - Godigo dwagi yai po buku

³⁵ Megi da, Josuago te Mosesgo asęani bomai po tigidali mu nedama, tama tigidali Israel we bidigo odai. Te we dabe sibi me, te wai puluba me, te gasa buludu aselama augwali dali bidibo we bidi, augwaligo me te nedali po odai.

Josua 8:35 Referans Kwoze

Bomai Po 31:12

Te bidi, me we, me wai, me gasa bulu bidi dagego hanude bidalubo sese tama i olama, tama dage sese tama aselama, te po odagameo. Augwaligo odama, tama Genuai Bidi dago God wi eyu, aga dologode bidimainao, tama agai tigidali bomai po bugagia wali pomainogo tama tiao.

Jeremaia 26:2

“Ena Genuai Bidi, eno po obao, nage te eno be mesalo obo tomoba pelama, te bidi sisinibo pesageba doligi pelama, te Juda taun we bidi dabe tigidaliba po pusao, augwali te eno be tomoba lotu wainogo asaibao. Eno nagebolo mani po tigidali, te nago augwaliba pusao. Nago po deli me tagalamu dao.

Godigo Sęba Tagala Palai Bidigo Po 21:5

Tiali goli, da tede bidali sogo sia selama, da te bulu tagalama, moni gebaba ma pali. Te Jisasgo po wali pabo we bidi, wai puluba me, augwali da hodobo pelama, tamu ąį sesegeba sabolali. Te kemi tǫde da sisinama, kidu sugunama, Godibolo gedu haluasa po wali.

Dwagi Yai Gesi Po Makgo Asęani 10:14

Jisasgo te tebo sulama, tama agai homu dwai yai. Agai augwalibolo te po wai, “Dagego te dwasianu wai puluba augwali enaba asomainu emainao. Dagego augwali panigimio. Te Godigo bomo dologoba peyu tede bidabo we bidi, augwaligo homu kolesaga te e wai pulubago homu kolesaga tiwai si dao.

Joel 2:16

Tigidali we bidi sisinama, te augwali genuai lotu omainu sisinao. Te tigidali monu dabe, mosi dabe me, tigidali wai puluba me, te idago ame tubo dwasianu wai bǫų dabe me, sela asiąo. Te tamadi gesi selama bidibo we bidi dabe me, tigidali we bidi te be tagalama, asiąo wai dao.

Esra 10:1

Esra te Godigo be sunumi pąba pelama, tama aga digi te tǫba degasa dulama, tama aga gela weyu, tama te dwai sę yali sęgę sela sąbo po pusalio. Agai te tama tidubadi, tialima te genuai hani Israel we bidi wai puluba te aga pąba sisinagaselama, tama augwali me te dwai homu dene ebo gela mu walio.

Bomai Po 29:11

te we dabe sibi me, wai puluba me, te gasa bulu bidi dabe dage tomode bidibo me, te augwali dage dali bidiyu, dagego isi bagala mayu, me wę tula mayu eyu bidibo.

Bomai Po 4:2

Te God dago Genuai Bidigo megi agai e mabo bomai poba dagego duga gesi noma bomai po me teba daganamuo, te megi eno dagebolo e mobao. Tama dagego te Godigo bomai po me deli sela sąnamuo. Dagego te bomai po tigidali tama wali piąo.

Ma Dobola Sali 12:38

Tama te Israel hani isiąwai we bidi hani hauwa, me te bulmakau, me sipsip, me meme dabe hauwa, te augwali dali pai.

Sekaraia 8:23

Te sogo te nogo si bidi, te haniani po wabo bage, te digibulu dabedu asama, te Juda bidi me deli pageabi elama tolalu, tama augwaligo te tiwai po waibao, ‘Dago te tiwai odali, te God dage dali bidibao wali. Tibaso, da me dage Juda bage dali deli hani pedelaibao homu ebao,’ te po waibao,” Genuai Bidigo te po wali.

Bomai Po 29:9

Tama Mosesgo te po me wali, “Tigidali sogo dagego te dąų wali po wali pao. Tama eyu da, dagego tigidali ebo sę dabe wiegi yai pedalaibao.

Bomai Po 29:10

Megi dage Genuai Bidi dago Godigo gedude dolalubao, dage me, te tobolu bidi dabe me, haniani ofisa dabe me,

Nehemia 8:3

Tama aga dolugulama, te bomai po te we bidiba te kigamu mu nedada pidubadi, te belo giliga tomo yagasobadi, te nai tubo siba usu nigi pai. Tama augwa te Esrago poba olo bugagia muai. Tama te olo bugagia munama, te po selama, koneabo usu ebo wai dabe, augwali me te sisinibo madide bidai dao.