Josua 8:28 - Godigo dwagi yai po buku

²⁸ Josuago te Ai hanu siago ulama mu dolali, te megi tama e po asębo sogo me te tiwai dwai elalubao.

Josua 8:28 Referans Kwoze

Bomai Po 13:16

Tama dagego te we bidi dabe doado bage dabe sese selama, tama hanu tomoba sisinao. Tama dagego te hanu, me te bagego hanude elaluali nai dabe sese tama isi ulao. Te da, te dago Godigo ofa tiwai ulao. Tama te hanu da, te dolai tama elaluaibao. Tama te hanu munu me ma nigigobeo, te habu mu dao.

Maika 3:12

Tialima, te tobolu bidi dabe me, pris me profet, te duga yali sęde naga te Godigo Jerusalem dolaibao wali. Te Jerusalem tigidali nai doado bage te dolama, tama te pobele bage hogomu pesage holobo tiwai yaibao wali. Tama Saion te olo tǫ pedelama, te bidi dabego tede te gi nai bulaibao wali. Tama te bulu dude te dasu nosai pedelaibao, te Godigo be elalubo madi tiaibao wai dao.

Jeremaia 50:26

Dage tigidali pedai badu bidibo boi bidi dabe, dagego te Babilonba hwįagasiąo. Dagego te wit nai mubo be dabe tigidali aluao. Tama te Babilongo nai doado bage tigidali selama, te bidigo wit dabe pesage du holobo tiwai gilama yao. Tama te nai dabe dagego mu dolao. Dagego te bidi deli me elalumainogo me sula tagalamu dao.

Jeremaia 49:2

Ena Genuai Bidi, eno te po obao, mu tama eno bodolu muani sogo me deli elalubao, tama te sogo eno te boi bidi dabego te taun Raba teba hwįgi pomainogo tagala palaibao, te kantri Amongo genuai taun dao. Augwaligo te taun dolama, te olo pobele bage du holali tiwai elalueibao. Te boi bidi dabego te genuai taun pąde elalubo bulu dabe siago ulaibao. Tama nosali, te Israel dabego te Amon dabego sali tǫ ma saibao. Te Genuai Bidi, eno po dao.”

Jeremaia 9:11

Genuai Bidigo te po wali, “Te eno Jerusalem dolama, te masigi pesage holali naga elalueibao. Tama te uni yowi dabego pesage pedelaibao. Tama eno te Judago taun tigidali dolama, te taun dabe olo elalu, te bidi meni yaibao.”

Aisaia 25:2

Nago te genuai hanu dabe te pobele bage pesage holai dao. Tama te bomai obo dabe elaluai hanu dabe sese dola silai dao. Tama te Israel hani isąwai bagego bomai hanu dabe te boi bidi dabego sese mu dola silai dao. Tama augwaligo ma hodolobo usu egobeo.

Aisaia 17:1

Genuai Bidigo te hanu Damaskus dolaibao po mani. Agai e tama po wali, “Te boi bidi dabego te Damaskus dolaibao, te Siria dabego genuai hanu, tama olo pobele bage pesage naga pesage holaluaibao.

Te Israel me Juda Hani Sigo Tuni Bidigo Po Elalubo Buku Si 19:25

“‘King Senakerip, nago konebeo, polobadu digi eno nage tama sę emainu dąį ilai dao. Ena digi nagebolo tama bomo menama, tama nago te bomai obo elalua pabo taun dabe dolomainu bomo eno nage mawai dao. Tama nago eno homu kolesagadu wali peyu, tama nago te taun dabe dolama, tama augwali te moni masigi pesage tiwai nigilama, tama te moni pobele bage tiwai pesage holao, eno te homu polobadu elama, tama nago tama tiai dao.

Josua 4:9

Tama Josuago te gasa masigi dabe te nogo si olama, sągą badu si masigi te pris dabego te dąų wali po muani halobage tolaluyu dolaluali madi, te Jordan ąį tomode te sesege badu te masigi dabe dodolai. Tama te masigi dabe me elalubo dao.

Josua 8:29

Tama Josuago te Ai tuni bidi te ni me delide walama, tama aga elalubadi te be pio igi pai. Tama pio Josuago po olama, tama te bidi dabego te tigi aiyaba sela dulama, tama augwaligo te hanu tomoba pabo genuai sunumiba sąwai. Tama augwaligo masigi hauwa aga tigi daiba ugwadu pesage holai. Te masigi pesage holali te e po asębo sogo me elalubo dao.

Bomai Po 13:17

Dagego te hanude nai deli me selamo dao. Te isigo sese dela silimainogo sula tagalao. Tama tiyu da, Genuai Bidigo sębę tagalama, dage hobede yaibao. Tama agai dage hani genuai mu pedalomainogo yaibao, te agai dagego wąį dabe dali polobadu po dąų walali gilama tiaibao.