Josua 8:23 - Godigo dwagi yai po buku

²³ Te Ai hanu tuni bidi deli digi agaduba naga bidai. Tama Israel dabego aga pageabi elama, tama Josua bidibo madi odasa pai.

Josua 8:23 Referans Kwoze

1 Samuel 15:8

Tama agai te Agak nogo pageabi yali, te Amalek dabe augwa king bidi da. Tama te Israel dabego te gasa tigidali Amalek dabe ela muani.

Kraisgo Geme Dualali Sę Pedelabo Po Jonbolo Ola Mani 19:20

Tiali goli agai te dwai hudigi ebo hasa dali, te ili po wabo po ola mabo bidi dali, augwali si kalabus ilai. Te tibo po wabo sę ebo bidi agai te bidigo isiąwai bomo yai sę hauwa te hudigi ebo hasago gedude te sę yai, tama agai te tebo kolesagade te bidi tibo po ola mayu, augwali te hudigi ebo hasago dąį augwa tigide selama, te hudigi ebo hasa nomade lotu po omainogo yai. Te hudigi ebo hasa dali te tibo po ola mabo bidi augwali si te bidibadi, tama augwaligo te bidi si te genuai bagua si dedage pageba aiyaba mu sąwai dao. Tama te dedagede te posolo yai sia dabo masigi salfa elalubao.

Josua 10:17

Tama bidi mebago augwali dualalubo sulama, tama augwaligo Josuabolo te augwali dualalubo pesage te po wai.

Josua 8:29

Tama Josuago te Ai tuni bidi te ni me delide walama, tama aga elalubadi te be pio igi pai. Tama pio Josuago po olama, tama te bidi dabego te tigi aiyaba sela dulama, tama augwaligo te hanu tomoba pabo genuai sunumiba sąwai. Tama augwaligo masigi hauwa aga tigi daiba ugwadu pesage holai. Te masigi pesage holali te e po asębo sogo me elalubo dao.

Josua 8:22

Tama te hanu tomoba pali te Israel dabe te buluba ma aselama, tama te Israel hani si augwaligo te Ai bidi bagua selama, tama te tigidali augwaligo ela muai. Te me deli wi me pabe, te me deli me bidibeo.

Josua 8:24

Te Israel dabe augwaligo te augwa boi bidi dabe tigidali te augwali pobeasa asali, te kemi tǫ bulude ela silai. Nosali augwali te Ai hanuba ma pelama, tama augwaligo te hanu tomode bidali we bidi tigidali ela muai.

Josua 10:22

Nosali Josuago po ma wali, “Te masigi ola be paliali po dala sąnama, tama te a naga tuni bidi te ena bidiboba odasa asao,” te po wai.