Josua 8:18 - Godigo dwagi yai po buku

¹⁸ Tialima, Genuai Bidigo Josuabolo te po wai, “Te nago sesemone ene ugwaba selama, tama te Ai hanu usu sao. Megi eno te hanu nage nogoba mawaibao,” wali. Tama Josuago te Genuai Bidigo wali po tiwai gilama yai.

Josua 8:18 Referans Kwoze

Josua 8:26

Josua agai sesemone ene te Ai hanuba ponama tolaluali usu nama, tigidali te badu bidali we bidi tigidali isai.

Jopgo Po Asęani Elalubo Buku 15:25

“Te dwai sogo te dwai bidi dabeba pedalaibao. Magi baso meni. Augwaligo homugo God tigidali bomo elalubo bidide genina mu da homu yaibao. Tama augwaligo tobolu gagea pelama, Godigo bomo usu sabo dao,

Jopgo Po Asęani Elalubo Buku 39:23

Augwaligo te ami bidi augwali tigide dulalumainu ebo dao. Tama augwali udabo sogo da, te hwįbo bidi dabego ene beledi kidagalo wabo dao. Tama te ami bidigo sesemone ene poa pali da, te giligade ula ebo dao.

1 Samuel 17:45

Tama Devitgo po wei ponoyu, te po wai, “Nago te bainat me sesemone dabe tolasa asu, ena dali hwįagasainu ebao. Tiali goli, eno nageba hwįagasainu ebo te Tigidali Bomo Elalubo Genuai Bidi, te da Israel ami dabe tonalubo Godigo nogide, te eno nage dali hwįagasobao. Te God agaba nago hagoma elama, tama agabolo te dwai posobo po wali dao.

1 Samuel 17:41

Tama Goliatgo Devit suali, tama aga asu, te agaba gesabidi deli ununama asali. Tama te Goliatgo hwįbo sabele tolasa bilibo bidi, aga te polasa asali. Tialima, Goliat asu, te Devit pąba aselama,

1 Samuel 17:6

Tama aga sągą te bras dagego haluai. Tama agai te brasgo nigai sesemone te aga nagede tolasa bilali.

Josua 8:7

Dagego te tiwai ebo subaso da, teda dage te dualaluali pesage tagalama, tama te hanu tomoba pedela sigi pao. God, dago Genuai Bidigo, te hanu dagego nogoba mawaibao.

Ma Dobola Sali 14:16

“Tama nago dono ugwaba selama, tama te tamu ąį usu sao. Tama te wę si badu peda pelama, tama wa pai tǫ pedelama, tama Israel dabe augwali te tomodu pelama, te u badu pedalomainao.

Ma Dobola Sali 8:5

Tama tibaso, Genuai Bidigo Moses dali te po wai, “Aronbolo po olama, te aga nogo dodolama, tama agai dono ugwaba selama, nogogo tuao, tama te wę dabe, me ąį gamia dabe, me te sigi ąį ge, tede te gedeli dabe pedelama, tama te Isip bidi dabego tǫ pągąna somainao,” wali.

Josua 8:17

Megi da, te Ai hanu dali Betel hanu si ami bidi dabe tigidaligo te Israel dabe pobeasa pelama silai. Tama te hanu tomoba pabo genuai sunumi te olo dalaluali, tama te tonaluabo bidi me meni yanio.

Josua 8:19

Agai te sesemone ene ugwaba sobaso, tama polo mu, te ami bidi dabe geme dualaluali augwali hogodaluama, tama augwali udada peyu, te hanu tomoba pai. Augwaligo te hanu pedela sigi pelama, tama polo augwaligo te hanu siago ulalio.

Esekiel 30:25

Mu tamao, eno agai bomo sela sąnama, tama eno Babilon king bidigo bomo emainu ilaibao. Eno ena bainat te Babilon kingbolo mawaibao, tama agai Isip bidi dabe elama isilaibao. Tama te sogo te Isip dabe augwaligo bugagia koneaibao, ena deli naga ena Genuai Bidi da olama, koneaibao.

Ma Dobola Sali 8:1

Tama nosali Genuai Bidigo Moses dali te po wai, “Nage tuni bidi pageba pelama, aga dali eno te po wao. ‘Genuai Bidi Yawe agai te po wai, “Eno we bidi augwali enaba lotu po wagasiyu asomainogo, augwali sula tagalao.