Josua 8:15 - Godigo dwagi yai po buku

¹⁵ Josua me, te aga ami bidi dabe dali, te augwali tibo digi te augwali te kemi tǫ buluba wi soai.

Josua 8:15 Referans Kwoze

Josua 18:12

Te not pedai badu te augwaligo tǫ sabo dąį gagali, te wę Jordande gagalasa pelama, te dwasianu bulu duba holama, te not pedai badu te bulu Jerikoba sabolali. Tama dąį pali, te giliga dega sigi pabo te bulu dude begelalima, te masigi kemi olo tǫ badu te Betaven, teba dąį igi pali.

Te Israel Tobolu Bidi Dabe 20:36

Tama te Benjamingo hani dabego koneani, te hwįanigo augwali aiyaba elaluali. Te Israel dabe te Benjamin dabede wi pela wali, magi baso meni, augwaligo koneani, te Gibea hanu pąde te gasa Israel bidi dabe geme dualalubo homu yalio.

Josua 16:1

Te augwaligo Josepgo wąį dabego tǫ dąį nigilibo gagalali, te wę Jordan te Jeriko hanu pąde gagalasa pelama, te giliga pedalubo badu te Jeriko wę ulu pedalubo pąba sabolalima, tama te masigi kemi olo tǫ tomoba saboligi pali. Tama dąį tedu pelama, tama te bulu duba sabaligi palima, te Betel buluba dąį igi pali.

Josua 15:61

Te masigi kemi olo tǫde te e tama bulu elaluali, Betaraba, Midin, Sekaka, elalubadi yali,

Josua 8:14

Te Ai hanu tuni bidigo te Josuago ami bidi dabe bidibo suali sogo, kigamu digi mu aga te aga bidi dabe tigidali dali asesa polo te Jordan odogo buluba dulama, te Israel dabe dali hwįainogo yali. Te bulu odogode te augwali polobadu hwįai madi. Tiali goli, te Ai gavman tuni bidigo te nǫ muani hwįbo bidi tudi badu asabo te agai munu me konebeo.

Te Israel Tobolu Bidi Dabe 20:42

Tama augwali te Israel dabede wi peyu, tama augwali te masigi tǫ kemi buluba pelawali. Tiali goli, augwali wi pabo sunumi meni yanio. Te geme dualaluali bidi dabe te hanu tagalama pali, tama te Israel ami bidi hani sigo augwali pobeasa pelama, tama augwali ela silalio.