Josua 7:2 - Godigo dwagi yai po buku2 Josua te Jerikode bidiyu, tama bidi meba te bulu nogi Ai teba tagala palai, te hanu me deli te giliga pedalubo badu te Betel badu, te Betaven pąde elaluai. Agai augwalibolo te hanu susa biligi pao po wai. Tialima, te bidi dabe augwali pelama, tama tiwai igi pai. Gade chapit la |
“Dage Israel we bidi te penani we tiwai elama, tama dagego ena tagalalio. Tiali goli, tiyu dage te Juda we bidigo te tobage kolesaga tiwai igimio. Dage munu me te tibo lotu te Gilgalba ma te Betelba me wagi pelamuo. Dagego te tebo kolesagago te Betel te dwai pesage pedalubo tiwai ebao. Tama teyu, te eno be tiwai ąǫ me egobeo. Tama te bulu pesage side, dagego te po dąų walobo po te eno nogide me wagio, ‘Genuai Bidi te sesemane bidada pabo dao.’
Tama te sogo te Filistia dabe hauwa sisinagaselama, te Israel dabe dali hwįainu yali. Augwaligo boi hwįabo karis te bidi sese umabo mu, te 3,000 elaluali, tama te ami bidi 6,000 te hosde duayabo elaluai, tama tǫdu pabo ami bidi umabo mu, te nambisde masigi sane kemi tiwai elaluai. Te ami bidi dabe te Mikmas, te giliga pedalubo pedai badu, te Betaven te badu pelama, tede te augwa bidabo pesage nigilama bidai.
“Odao, eno dage te sipsip tiwai te uni yowi augwali tomoba tagala palobao. Tama tibaso dagego te hasamanigo ebo kolesaga tiwai wali peyu, tama hasia bolo dagego yabo sę bolo homugo kone palao. Tama dagego te ba higo ebo nagamea pai kolesaga tiwai wali peyu, tama dwai sę me deli yabo homu kolesaga egimio.
Nosali Abramgo te More bulu tagalama, ma pelama, tama dolo nogo pedai badu, te saut wabo, te badu peyu, tama te bulu du elalubo buluba sabolali. Te bulu du dabe elalubo badu te sia ge pedalubo pedai badu, te Betel hanu pąde elalubo madi, te badu bidigi pai. Tama agai te pesage me deli te Betel de Ai hanu si tomode aga ugwa be dabe dodolama, muani. Te hanu Ai te giliga dulubo badu elaluali, te Betel hanu te giliga pedalubo pedai badu elaluali. Tama Abramgo alta sai te bulude me nigilama, te Yawe nogi weyu, agabolo lotu po wai dao.
Te Israel dabe augwali te bulu Sitimde bidalubadi, tama Josuago te moni tǫ Kenanba sa pabo bidi si tagala palali, tama agai augwali sibolo te po wai, “Dage si pelama, te moni tǫ Jeriko genuai hanu me, te pąde elalubo tǫ me, bugagia suao.” Tialima, te bidi si te Jeriko hanu tǫba pelama, tama te penani we me deligo beba sabolali, te we aga nogi Rahap. Tama augwali si agai bede bidai.
Nosali augwali ma asu, Josuabolo te tiwai po wai, “Nago te tigidali bidi pomainu mu elamuo. Te bidi sese sigo te umabo bidi hauwa mu 2,000, ma te bidi sese sela wabogo te umabo hauwa 3,000 bidi naga pelama, te Ai hanuba hwįgi pomainu tagala palao. Nago te tigidali bidi mu tagala palama, te hwįgi pomainogo me elamuo. Te genuai hanu menio,” te po wai.
“Dage Hesbon hanu Amon hani we bidi dabe, dagego bomonama gela wao, magi baso meni, te taun Ai dolalio. Dage Raba taun we bidi dabe, dagego gela waiyąo, dagego te hobede ebo ugwa gudama, te hobede ebo tęąbi wao. Te dage wi painogo, me badu udayu, gelama, gasa badu udayu yao. Magi baso meni, te boi bidi dabego Molek saibao, duga te tibo god, te gasa kantriba sela pelama, kalabus igi paibao, te aga pris dabe dali me, dage Amon tobolu bidi dabe me, te kalabus paibao,” te po wali.