Josua 5:14 - Godigo dwagi yai po buku

¹⁴ Te bidigo te po wei ponai, “Ena te ami bidi meni, tama ena te boi menio. Ena te Genuai Bidi Godigo ami kepten bidi dao,” wai. Te Josua aga tobolu te tǫba aiyaba mu pogulama, tama agabolo lotu po weyu, te po wai, “Ena nago sę bidi dao. Nago homugo eno mena sę emainogowe?” te po wai.

Josua 5:14 Referans Kwoze

Aisaia 55:4

Konea sao, eno aga genuai bidi pedalumainu ilama, te agai gasa bulu tǫ kantri tonalumainu yai. Te agade, te eno bomo augwaliba ola mawai dao.

Tigidali Nai Gagalama Nigali Side 17:3

Tialima, Abram aga basi giluama, tama aga gesabidi tǫba pubaligiluali. Tama Godigo agabolo tama tiwai po wai,

Dwagi Yai Gesi Po Lukgo Asęani 20:42

Buku me nogi Sam, te lotu tęąbi po wabo buku tomode te bidi Devitgo te po asęani, ‘God agai eno Genuai Bidibolo te po wai, “Nage eno dolo nogo badude duayao.

Daniel 12:1

Tama te bidi te da tǫde bidi tiwai, agai te Danielba te tama po ma wali, “Te sogo te polalubo ensel Maikel te pedelaibao, te dage Israel dabe tonalubo ensel dao. Te sogo te genuai sęgę mu pedelaibao. Polobadu te tobage sęgę tiwai te bulu tǫ kantri me delide pedalubeo. Te sęgę pedalubo sogo, teda te Godigo dage te Israel we bidi tigidali dobola ma saibao, augwali nogi te agai bukude elalualio, tama te augwali bugagia bidaibao.

Daniel 10:13

Ena polo asainu homu yai, tiali goli te bulu tǫ kantri Persia tonalubo dwai enselgo te ena geąlubadi, te dei tolaluai. Agai te tama tiali, tama te polalubo ensel me deli, Maikel, te ena tau sagasu asainu yali, magi baso meni, agai te enaduba deli naga te bulu tǫ kantri Persia king dabe dali bidibo suali, tama ena tau sabo bidi me meni yai.

Kraisgo Geme Dualali Sę Pedelabo Po Jonbolo Ola Mani 12:7

Tama te sogo dagalude genuai wąbi hwįai. Tama te ensel mobo bidi dabego augwa polalubo bidi te Maikel aga dali, te aga tonalubo ensel bidi dabe dali, augwaligo te genuai hasamani dali hwįai. Tama te hasamani aga dwai ensel mobo bidi dabe dali augwaligo te wąbi wei augwali dali ponainogo yai.

Dwagi Yai Gesi Po Jongo Asęani 20:28

Tomasgo aga dali po wei ponoyu te po wai, “Nage eno Genuai Bidi dao, tama nage eno God nage dao,” Tomasgo te po Jisas dali wai.

Matyu 22:44

‘Genuai God agai eno Genuai Bidibolo weyu, te po wai, “Nage eno dolo nogo badu duayao, tama te eno nago boi bidi dabe nageba munama, tama nago dologoba mubo sogo pedelabo tonaluao.’

Matyu 8:2

Tama te tigiwalide dwai gasi yai bidi me deli aga Jisas pąba aselama, tama tǫba kidu sugunama, tama agai te po wali, “Nogi elalubo bidi, te nago homugo usu dao wida, teda nago ena wiegi yai ma ilama, tama ena te meda meni yai tiwai ma bidaibao,” te bidigo te po wai.

Aisaia 6:8

Tama eno Genuai Bidigo ensel sibi hanaluyu, te po wabo odali, “Dago de tagala palaibawe? Dego eno po sela paibawe?” Tama eno te po wali, “Nago ena tagala palao.”

Israel Hanigo Namba 16:45

“Dage si te we bidi pagede gediąo, pelama, te we bidi taga pelama, digibulu gana doligi piąo. Tama polo tama eno augwali dolaibao,” wali. Augwali sigo te po odama, augwali si gesabidi aiyaba begelama, tǫba degasa dulali.

Hibru 2:10

God aga te tigidali nai nigai bidi, tama agai tigidali nai bugagia bidimainogo tonalubo dao. Tama agai homugo aga wai puluba hauwa te dagaluba odasa pelama, tama bugagia mu aga dali bidimainogo yai. Tama tiyu, agai dene Jisasba pedalobo gogolali, tama te dene yaligo te Jisas te we bidi augwali hasia mu polasa pabo augwali ma sali bidi usu mu ilali. Godigo te kolesaga yaligo, te dolo mu yai.

Filipai 3:8

Tiali goli te da Juda dabego ebo kolesagade naga eno homu te augwali te ena tau sisąbo nai dao. Tede naga menio. Te ena Godigo gedude doloba pai bidi pedalomainogo eyu, polobadu eno haniani gasa kolesaga hauwa me eyu bididuai dao. Te kolesaga tigidalide me megi eno e homu ebo dao, te augwali ena tau sisąbo kolesaga dao, te olo nai mu dao, te homu eno megi ebo dao. Magi baso meni. Te wiegi yai kolesaga me deli naga eno megi subo dao. Te kolesaga e dao: ena te eno Genuai Bidi Krais Jisas dali mu wadolama, tama ena aga dali abagi mu kisasa bilibao, te kolesaga da te genuai wiegi yai kolesaga mu dao, tebogo te gasa kolesaga tigidali aiyaba elalubo dao. Tama aga tobade eno te gasa ena tau sabo kolesaga tigidali tagalai dao. Eno Krais tama somainu eyu, tama te gasa kolesaga tigidali te dwai olo pobele bage naga dao, eno te homu ebo dao.

Godigo Sęba Tagala Palai Bidigo Po 9:6

“Megi nage hogodama, Damaskus hanu tomoba pao. Tama bidi me deligo agai te nago sę yabo po ola mawaibao,” te po wai.

Dwagi Yai Gesi Po Lukgo Asęani 1:43

Godigo ena te moni dwagi yai sę magi baso maniwe, te eno Genuai Bidi aga idago ena suagasali. Te ena genuai we menio.

Godigo Nogi Ugwaba Sabo Tęąbi Po Wabo Buku Dabe 110:1

Yawe Genuai Bidigo eno genuai bidiba te tama po wali, “Nago eno dolo nogode dugulalu, te nago boi bidi dabe te eno nage dologoba mubo sogoba usu naibao.”

Pris Sę Ebo Bomai Po 9:24

Te polo tama mu Genuai Bidigo isi te altaba tagala palama, tama isigo te siago tigidali mu dela silibo ofa dali te kibu ili tigidali me polo dela silai. Te we bidi dabego te sę ebo sulama, te augwa bomonama i weyu, te augwa gesabidi tǫba pǫgulama, te Genuai Bidiba lotu po wai dao.

Ma Dobola Sali 4:10

Tama Mosesgo Genuai Bidi dali te po wai, “Tama Genuai Bidi, tiali goli polobadu bidi hauwa gedude eno po bugagia wai menio. Tama megi nago ena dali po wali, tialima tego ena te po wabo bidi tiwai egobeo. Eno pedauwali sęgę mu yai, tama eno po bugagia wainogo ebo, te usu egobeo,” wali.

Tigidali Nai Gagalama Nigali Side 17:17

Te Abrahamgo God genuai nogi mabo eyu, tama Abraham basi giluama, tama aga gesabi te tǫba mu pogulali. Tama aga gisugu weyu, tama homu yali, ‘Te bidigo kibu be te bidi sese a naga, te 100 kibu be yai elalubadi da, te aga wai ame nabo usu dawe? Tama Sarago kibu be bidi sese me si me si olama, nogo si, te 90 kibu be yai madi, te agai wai ame nabo usu egowe?’

Dwagi Yai Gesi Po Lukgo Asęani 5:12

Me sogo Jisas be nani me delide bidibadi yaide, oiyabe gasi sai bidi aga pageba asali. Te oiyabe gasigo aga tigi sibi tigidali mu usu nai bidi da. Te bidigo Jisas sulama, kidu sugunama, agai Jisasgo bomo gonobo po weyu, te po wali, “Genuai Bidi, nago homugo usu dao wida, teda nago ena wiegi yai ma ilama tama ena te meda meni yai tiwai ma bidaibao,” te bidigo te po wai.

Israel Hanigo Namba 16:22

Tiali goli, Moses de Aron si gesabidi tǫba elama, degasa duliyu, augwali sigo Genuai Bidibolo e tama po wali, “God, nago deli naga te tigidali tǫde bidibo we bidi nigilama, augwali te bidibao. Te bidi deligo dwai sęgę sai madi, tama nago tigidali Israel we bidi ela silaibawe?”

Ma Dobola Sali 4:13

Tiali goli Mosesgo te po wai, “Genuai Bidi, eno usugobeo. Nago gasa bidi tagala palao.”

Godigo Nogi Ugwaba Sabo Tęąbi Po Wabo Buku Dabe 24:10

Genuai polalubo tuni bidi king aga de dawe? Aga te Genuai Bidi God dao, agai te genuai ami bidi hani tonalubo dao. Aga deli digi mu te polalubo tuni bidi king mu dao.

Israel Hanigo Namba 22:31

Tama Genuai Bidigo Balamgo te ensel bainat tolaluyu sunumide dolalubo sumainogo ilali. Tama polo tama Balam gesabidi aiyaba elama, tǫba degasa dulali.

Josua 20:1

Nosali Genuai Bidigo te tiwai po Josuabolo wali,

2 Samuel 7:19

Tigidali Nai Tonalubo God, Genuai Bidi, nago te wiegi yai kolesaga dabe enabolo yali te usu meni da homu elama, tama megi nago gasa kolesaga yabo sę po enabolo ma walio. Nago te eno wąį nǫų hani dabeba yabo sę po te enabolo pusali. Genuai Bidi, ena olo bidi gagawai da. Tiali goli, nago enabolo te nago yabo sę dabe po ola manio. Nago te da we bidi dali te tiwai kolesaga ebo dawe?”

2 Samuel 7:20

“Tama tialima, Tigidali Nai Tonalubo Genuai Bidi, te eno mena po me nageba wagawe? Ena naga sę bidi, tama nago ena koneanio.

Esekiel 3:23

Tialima, ena hogodama, ena te odogo bulu pali, tama te badu eno te Godigo genuai ula pedalubo suali, eno te wę Kebar pąde suali sę tiwai yalio. Tama tibaso, eno gesabidi te tǫba pǫgulai dao.

Daniel 8:11

Tama te komgo te dagalu ami king me aiyaba elalueinu usu sali. Agai te kingba ofa ebo kolesaga te silimainu elama, tama agai te we bidigo te kingba lotu wabo be dolalio.