Josua 4:3 - Godigo dwagi yai po buku

³ “Tama augwalibolo te po mao, ‘Dagego te pris dabe dolalubo badu te Jordan wę tomode te masigi nogo si olama, sągągo si sao. Tama te masigi dabe dagego te megi hulide bidabo pesage nigibo digi te tolasa asama, muao,’” wai.

Josua 4:3 Referans Kwoze

Josua 4:8

Tialima, te bidi dabego te Josuago po wali gilama tama tiali. Augwali te Jordan wę tomoba pelama, tama te masigi nogo si olama, sągągo si sai, te Genuai Bidigo Josuabolo wali po gilama tiwai. Tama augwaligo te masigi dabe te sogo bidabo pesageba tolasa aselama, muagasai.

Josua 3:13

Te pris bidi dabego te tigidali tǫde Genuai Bidi Godigo te dąų wali po muani halobage tolasa pabode, tama augwaligo sągą te węba agabo sogo, teda te wę tigidali dąų mu ola sigi pelama, tama te wę me soagobeo. Magi baso meni, te ugwadu wę daide te bulu du me dedeli tiwai gilama dolaluaibao,” Josuago te po wali.

Dwagi Yai Gesi Po Lukgo Asęani 19:40

Jisasgo te po wei ponani, “Eno dagebolo obao, e we bidigo sagia sobaso, teda e masigi dabego te tobage po wabo gagalaibao, Godigo nogi ugwaba saibao,” wali.

Godigo Nogi Ugwaba Sabo Tęąbi Po Wabo Buku Dabe 103:2

Eno Genuai Bidigo nogi ugwaba siyu, tama agai dwagi yai sę ena dali ebo te eno homugo tagalogobeo.

Godigo Nogi Ugwaba Sabo Tęąbi Po Wabo Buku Dabe 11:4

Genuai Bidi God aga dwagi yai bede bidibo. Tama aga dagalude genuai tuni bidi bidiyu, tama agai gedugo tigidali bidi subo dao. Tama augwaligo tigidali sę ebo agai osola subo dao.

1 Samuel 7:12

Tama nosali Samuelgo te genuai masigi me deli selama, tama te masigi te bulu Mispa de Sen, te bulu si tomode ugwaba dodolama, muani. Tama Samuelgo te tiwai po wai, “Te masigigo te Genuai Bidigo da tau sesa asali usu nagasobo dąį ilibo masigi dao.” Tama agai te masigi nogi poliyu, te tiwai wai, Te Tau Sali Masigi dao.

Josua 24:27

Tama Josuago te we bidi augwalibolo wali, “Te sesemane sogo dago te masigi subo sogo da, te dago homugo te dago te dąų wali poba homu kone ma palaibao. Te masigigo te Genuai Bidigo dabolo wali po tigidali odali. Te dage homu hodolabo dąį me deli te ilali, te dagego te dena Godigo po munu me sela sąnamu dao,” te po wali.

Tigidali Nai Gagalama Nigali Side 28:22

Te e masigi eno ugwaba dualali, te e da nago be elalubo bulu da olama, sa muani. Tama tigidali ena mani nai, te eno nogo si badu togolama, te eno me deli pedai te nagebolo mawaibao,” Jekopgo te po wai.

Josua 4:4

Tama po obaso, Josuago te bidi nogo si olama, sągągo si bidi nigilama, tama agai augwali i olama, asobode tama augwalibolo te po wai,