Josua 4:23 - Godigo dwagi yai po buku

²³ Magi baso meni, te dago Genuai Bidi Godigo te wę Jordan wai ilali, te dage asobadi polasa soyu tama tiwai, te dage gasa badu sabolomainu usu ilai, te agai te Nosai Elalubo Tamu Ąį wai ilali madi te da nogali tiwai yai dao.

Josua 4:23 Referans Kwoze

Ma Dobola Sali 14:21

Tama Mosesgo nogo ugwaba selama, tama tamu ąį hulide usu sai, tama Genuai Bidigo bomai wali te sia ge pedalobo badu asiyu pedelali, tama te waligo te tamu ąį te sia ponobo tiwai edubadi, tama be posai. Tama waligo te tamu ąį ma sela sąbode, tama tamu ąį tomode si peda pai.

Aisaia 43:16

“Polobadu ena Genuai Bidi, eno te tamu ąį tomode sunumi nigai dao. Awe, eno te bomai ąįdu soabo tų nigai dao.

Godigo Nogi Ugwaba Sabo Tęąbi Po Wabo Buku Dabe 78:13

Godigo te tamu ąį togolama, tama tamu ąį te me badu buga siyu, me badu buga siyu elama, dolaluali, tama agai te Israel dabe tomodu odasa palio.

Nehemia 9:11

Nago po obaso, tama te tamu ąį si badu buga selama, tama tǫ wa pai nigilai, tama te we bidi dabe te tomodu peyu, te u badu pedaiba sabolali. Tama te Isip ami dabego nago we bidi pobeasa asali, tiali goli nago te tamu ąįgo te Isip dabe augwali mesega somainu elama, tama augwali te węba masigi tiwai dulama, te augwali ela silai dao.

Te Israel me Juda Hani Sigo Tuni Bidigo Po Elalubo Buku Deli 8:43

teda Genuai Bidi, nage te naga bulu dagalude bidiyu, tama nago agai gedu haluasa po wabo odolama, tama nagebolo hanalu, te yao wali sę te sę nago yao. Tama tiyu, te tigidali bulu bidi hanigo te nage koneama, te nage dologode bidaibao, te da Israel dabe, te nago we bidi dabego ebo tiwai gilama yaibao. Tama te augwa koneama, eno te sę yani be, te nago be elalubaso, tama te pesageba te we bidi dabe nage pąba asomainu te tama tiao,” po wali.

Ma Dobola Sali 15:19

Te mama tamu ąį te tǫ wa tiwai pedelai tiwaidu tama te Israel dabe pelama, u badu pedelalio. Tiali goli, Isip tuni bidigo ami bidi dabe dali, te hos dali, te karis me, augwali te Israel dabe augwali wali asai, tama Genuai Bidigo te tamu ąį ma asomainogo ilama, tama augwali te węgo mesega sai.