Josua 4:22 - Godigo dwagi yai po buku

²² teda augwaligo augwalibolo te po waiąo, ‘Te Israel dabego te Jordan wę te wę sula sai digi nogali te dąį ilali te dao,’ te po wao.

Josua 4:22 Referans Kwoze

Josua 3:17

Te Israel dabe augwali te tǫ wa pai madi naga pai. Tama te Genuai Bidigo te dąų wali po muani halobage tolali te pris bidi dabe, augwali te wę Jordan sula sali digi te tǫ dolo tomode dolaluali, te we bidi tigidali te wę nogelama, gasaba u badu sabola silibo usu nigi pomainu yai.

Aisaia 51:10

Nago tama nago te tamu ąį sula somainu ilama, te sunumi tomodu pedelali, te nago ma sali we bidi dabe soabo sunumi nigilai dao.

Kraisgo Geme Dualali Sę Pedelabo Po Jonbolo Ola Mani 16:12

Te sę silama, tama te a naga olama me badu nogo deli wali te ensel mobo bidi aga pou te genuai ąį nogi Yufretis te ąįba te gelai. Tama te ąį tigidali wa pela tama te giliga pedalobo badu tuni bidi dabe asabo tų sisilama tonaluai dao.

Aisaia 44:27

Eno te po wabo sogo, ‘Tamu ąį, nage sula sao,’ obaso da, teda aga te sula sabo dao.

Ma Dobola Sali 15:19

Te mama tamu ąį te tǫ wa tiwai pedelai tiwaidu tama te Israel dabe pelama, u badu pedelalio. Tiali goli, Isip tuni bidigo ami bidi dabe dali, te hos dali, te karis me, augwali te Israel dabe augwali wali asai, tama Genuai Bidigo te tamu ąį ma asomainogo ilama, tama augwali te węgo mesega sai.

Ma Dobola Sali 14:29

Tiali goli, te sę pedalisiąbadi, te Israel dabe augwali te tǫ wai digi pali, tama te wę te be daga u badu me e badu elalubo tiwai yai, tama augwali pelama, te wę u badu hasia sabolai dao.

Ma Dobola Sali 14:22

Tama tomode tǫ tigidali wa pai, tama Israel dabe augwali tedu uba pai. Tama te tamu ąį si dali si badu te be daga tiwai dolaluai.

Josua 4:21

Tama Josuago Israel dabebolo te tiwai po wai, “Nosali, te ame nabo wai dabego te augwa aya dabebolo te tobage po hanalu obaso, te e masigi dabe magi baso ede munalubawe po obaso da,

Josua 3:16

te wę togoyu, mu dąų olama, tama te wę ma soabeo. Te wę ugwadu te bobobage bulu du tiwai gilama, te bulu Adamba usu nigi pelama, te wę pesage holai tiwai elaluai, te Saretan hanu me deli pąde yali. Tama te sigi ąį Det Si teba dulubo wę te tigidali sula sai elaluai. Tama te we bidi augwali te wę tomodu pelama, te Jeriko hanu pąba u badu sabolai.