Josua 24:31 - Godigo dwagi yai po buku31 Te Josua bidibadi, te sogo da, te Israel dabego te Genuai Bidiba lotu po uduai. Tama nosali te Josua isai madi me te augwaligo Genuai Bidiba lotu po udali. Augwaligo tama tidubadi, te Genuai Bidigo te Israel dabe tau siyu ebo sę suali te genuai bidi dabe augwali me isali. Gade chapit la |
Eno abagi mu dede, Krais aga Godigo po mu wali pali. Tama tibaso, ena dage dali polobadu bidibadi dagego eno po wali pali tiwai gilama, te megi me, ena digibulu bidibadi te dagego bomo elama, te eno po bugagia wali pao. Te sęgę dao, olo sę mu menio. Tama tiyu, God dali duga homugo kęą pai we bidi mu bidiyu, tama te dage bidibo kolesaga wiegi yai mu sese pedalomainu bomo elama tiduao.
Tama te Sidim odogo tǫde te kolta sabo tǫ dedage hauwa elaluai. Tama te Sodom de Gomora gavman tuni bidi si augwa bidi dabe dali te boi hwįbaso, wi painogo homu yali, tiali goli augwali meba te kolta sabo tǫ dedage dabeba tulaluali, tama isali. Te augwaligo ami bidi dabe meba te bulu du bageba wi pai.
Te Israel bulu tigidali badu te tibo god dabego piksa dabe sese me elaluali. Tama te nai dabe te Genuai Bidigo gedude dwai nai mu elaluali. Tialima Josaia agai te tibo god dabego nai dabe sese tama sela sąyani. Tama agai bomo elama, te Israel dabe augwaligo Genuai Bidi augwa God wali pao po wali. Tama aga king bidibo sogo da, te we bidi augwaligo Genuai Bidi augwa wąįgo God wali bomo elama mu wali pali. Tama augwaligo Genuai Bidi me tagalobeo.