Josua 23:6 - Godigo dwagi yai po buku

⁶ “Tama dage bomo mu dolaluyu, tama bugagia dua tama elama, tama dagego te tigidali po te Mosesgo asęani bukude elalubo bomai po wali piąo. Dagego te agai po dwasianu me deli tagalamuo.

Josua 23:6 Referans Kwoze

Bomai Po 28:14

Tiali goli, dagego tigidali bomai po wali piąo, dagego deli me geda munamo dao. Mu menio. Tama me dagego tibo godiba lotu po olama, tama dagego augwaligo sę me elamo dao. Te habu kedale mu dao,” Mosesgo te po wali.

Bomai Po 5:32

Tama Mosesgo augwalibolo te po wali, “Dagego bugagia tonaluiąwe, God dago Genuai Bidigo dagebolo mani te tigidali bomai po dabe wali piąwe. Dagego te bomai po me deli geda munamo dao.

Hibru 12:4

Te Godigo po odobo hagela homu ebo bage augwaligo dage dali dwai sę elama, tama dage bomonama eyu, te Godide konealubo po dąų wabo kolesaga tagalobeo. Tama tiyu dage bomonama ebadi te boi bidi dabe augwaligo dage elama, pąde isainu yai. Te gasa bidi dabe augwaligo Jisas dali dwai sę eyu aga ela muyu yali. Tiali goli te dagede meni.

Bomai Po 17:20

Tama tialima, agai aga digi ugwaba siyu, tama agai meba Israel dabe aiyaba me elalugobeo. Tama me ma, agai te Genuai Bidigo dwasianu bomai po dabe me bolamuo. Tama dwagi yai kolesaga tama tiyu da, aga tuni bidi king kibu be hauwa sogo bidaibao. Tama nosali nosali me tuni bidi king aga hanide naga pedaliyu, iduaibao,” Mosesgo te po wali.

Bomai Po 12:32

“Dagego eno dagebolo walali te sę dabe naga eyu yao. Te gasa bomai po ugwadu ma daganebo, me te bomai po me deli sela sąbo tagalao, te habu mu dao,” Mosesgo te po wai.

Kraisgo Geme Dualali Sę Pedelabo Po Jonbolo Ola Mani 21:8

Tiali goli te wi elama tama Godigo po wali pabo tagalabo homu eyu, ma geasa painogo ebo bidi dabe augwali me, te Godigo pode augwaligo homu dąų wasiąbo bidi augwali badi, te haniani dwai dwai kolesaga mu ebo bidi badi, tama te bidi ela mubo bidi, tama te penani kolesaga ebo bidi, tama te dwai pobi elalubo bidi dabe, tama tibo god dali lotu po wabo bidi, tama tigidali tibo po wabo bidi, te augwaligo sabo bulu te genuai posolo mu yai sia dabo dedage page masigi salfa teba bidigi paibao. Te isibo te si sogo wali isabo dao,” agai te po wai.

1 Korin 16:13

Dagego bugagia tonaluyu, tama te Kraisde konealubo pode bomo elama bugagia dolaluao. Dage bidi mu sesemane sogo bidiyu, tama bomo elama bidaloao.

Jeremaia 9:3

Genuai Bidigo te tiwai po wali, “Sesemane sogo eno we bidi dabego te tibo po wabo sisi elalubo tiwai eyu, te bidigo enesigide te ene nanalubo tiwai ebao. Te mu po wabo kolesaga te augwaligo tǫ kantriba genuai pedalubeo. Te tibo po wabo ugwaba ela holalio. Augwaligo te haniani dwai kolesaga umabo mu ela pidubadi, te augwa konealubo homu enaba me mubeo.”

Godigo Nogi Ugwaba Sabo Tęąbi Po Wabo Buku Dabe 101:3

Eno te dwai sę ebo kolesagade usu da me wagobeo. Mu menio. Eno te God tudiba mubo bidi dabego kolesaga wei me egobeo. Ena augwali dali me biligobeo.

Godigo Nogi Ugwaba Sabo Tęąbi Po Wabo Buku Dabe 119:102

Naga digi nago po dabe ena ola mani. Tama tiyu, eno te po me tagalobo menio.

Te Israel me Juda Hani Sigo Tuni Bidigo Po Elalubo Buku Deli 2:3

Tama nago te tigidali sę te God, dago Genuai Bidigo, te nagebolo yao po wali sę te yao. Nage te wiegi yai sunumidu bilao, te agai daba te tiwai tama sa muani, tama nago te bomai po tigidali wali peyu, tama aga po te Mosesba mani bomai pode te po elalubao. Tama te nage mena badu pedaide bidibaso da, te tagala, tama te Godigo nage tau siyu, te nago ebo sę tigidali te wiegi yai pedelaibao.