Josua 20:3 - Godigo dwagi yai po buku

³ Magi baso meni, te niwai bidi mego te gasa bidi me ela muai madi, tiali goli aga dali te boi isąma tama tiali, tama bidigo me konebe, te bidi aga digi te gasa bidi me ela mubo digi homu isąma te konebe, teda aga te hanu dabe te me deli teba pomainogo yao, te boi wei ponobo bidigo aga ela muidali weyu yao.

Josua 20:3 Referans Kwoze

Pris Sę Ebo Bomai Po 4:2

te Israel we bidi dabebolo te tiwai po walomainogo yali, “Te bidi me we me deligo te bugagia homu kone palisąma, te Genuai Bidigo bomai po bolobaso da, teda agai sęgę sobao. Tama tibaso, aga te sęgę sela sąbo ofa ebaso usu dao.”

Israel Hanigo Namba 35:12

Te hanu dabe te duala sabo bulu tiwai elalumainao. Tama te isali bidi aga hanigo te isali bidi wei ponidali weyu. Tama te gasa bidi elali bidi aga bugagia bidama, tama aga po tų eboba bolo usu nigi pomainao. Tama te po tųde aga isimainao wali da, teda augwaligo aga ela mumainao.

Josua 20:2

“Nago te Israel dabebolo wao, ‘Dagego te bidi dabe teba wi pomainu yabo hanu dabe meba nogo tų ilao, te eno Mosesbolo olama, te dagebolo wali, te tiwai gilama yao.

Josua 20:4

Aga te hanu dabe me deliba wi pelama, tama te po tų yabo madi te hanu genuai sunumi teba pedelama, tama te tobolu bidi dabebolo te sę mena tama yali po te hanilama pusumainogo yao. Nosali te tobolu bidi dabego aga te hanu tomoba pomainogo yaibao, tama augwaligo te aga augwali dali bidabo pesage te bulu menama bidimainogo yaibao.

Israel Hanigo Namba 35:19

Te isali bidi aga deli kaneme bidi me deligo te bidi ela mumainao. Te aga deli kaneme hani deligo te bidi subaso da, teda agai te bidi tama ela mumainao.

Israel Hanigo Namba 35:22

“Tiali goli, aga abagigo boi bidi homu isąma, aga abagi bomona dega palali digi isibaso, ma agai magi nai me nogogo sąnama, tama aga abagi ela mubaso,

2 Samuel 14:11

Tiali goli, te wego po wadoliyu, te tiwai po ma wali, “King, eno homugo nago te naga Genuai Bidi Godigo nogide po bomo elama omainu homu ebao, tama augwaligo eno e gasa ogwa te ela mumainu homu me egobeo. Menio. Te mu tama, te deli kanemego te aga ama ela mumainu yabo bomai po muani te elaluali, tiali goli, nago agai te tama temainu elama, tama eno te wai ela mumainu me elamuo,” wali. Tama Devitgo te tama po wali, “Te Sesemane Sogo Bidibo Genuai Bidigo nogide, eno mu po nageba obao, augwaligo te nago ogwaba te magi sę deli me egobeo,” wali.

Hibru 6:18

Tama tibaso, te Godigo mu po dąų wabo me, te aga teba aga nogigo bomo manubo me, te sę si me hasegelegobeo. Te sę side Godigo tibo po munu me wagobeo. Tama tibaso, tebogo da te God pąba wi pelama geme duala sigi pali we bidi da homu bomo mayu, mu dąų ilimainogo yai. Tama tiyu, dago homugo te Godigo po dabolo weyu te dąų olama, te agai da dali nosali yabo dwagi yai sę dago tede dwagi yai homu eyu tama tonalubo dao.