Josua 2:12 - Godigo dwagi yai po buku

¹² Tialima, megi da, dage sigo te Genuai Bidigo gedude te dage sigo eno hani bage bugagia tonaluabo po dąų walao, magi baso meni, te eno dage si bugagia tonaluali tiwai gilama yao. Tama dage sigo duga si dąų wali po mu dąų walobo dąį me dedeli enabolo mao.

Josua 2:12 Referans Kwoze

Josua 2:18

Tialima, megi nago bugagia odao! Te da Israel dabe e buluba sabalobo sogode, nago te mama yai bono kęnao, megi da si aiyaba e dulubo windode, te da sigo nagebolo e mabo mama yai bono kęnao. Tama nago naga aya ida, me te ama dede dabe, me te naga hani bage tigidali selama, tama augwali nago beba naga sisinao.

Jems 2:13

Magi baso menio. Bidi me deligo gasa bidi homu dene eyu tau sisiąyu bidali, tama te sogo Godigo we bidi dagalobode, te gasa bidi homu dene esiąyu tau sisąyani te bidi aga Godigo homu dene eyu tau sogobeo. Te menio. Tiali goli, niwai bidi agai gasa bidi homu dene elama augwali tau sali te bidi, te usu da, Godigo te bidi tau siyu, tama te Godigo bidi dagalobode te tiwai bidi aga te po tų dali te sęgę me dene sogobeo. Te menio.

2 Timoti 5:8

Eno te po magi baso obawe? Te bidigo aga deli hani dabe me, ma aga kaneme deli hani digi te bugagia tonalusiąwani da, teda te bidigo aga Godide konealubo po te tudiba munama tama agai ebo kolesaga te dwai mu elama, tama tebogo te Godigo po odisąwai bidi dabego ebo dwai kolesaga te aiyaba elaluaibao. Te Godigo po odisąwai bidigo augwa digi te tiwai dwai kolesaga me ebeo. Menio! Augwaligo te augwa bidi isai we dabe, te augwaligo bugagia tonaluyu tau sabo dao.

Polgo Po Pas Rom Dabeba Asęani 1:31

Te augwaligo kolesaga me konebeo. Tama augwaligo gasa bidibolo te dąų wali po wai, tiali goli augwaligo te augwa po wali me pisąwai. Augwaligo te augwa deli kanemego ame nani bage augwali me godolo me egobeo. Augwaligo te gasa bidi dabe homu dene eyu tau me magobeo.

Dwagi Yai Gesi Po Makgo Asęani 14:44

Tama te Jisas augwali nogoba maiabo bidi agai te dąį me deli augwali mawaibao po weyu, te po wai, “Te eno bidi me deliba kisa sigi pelama nono naibao. Te bidi aga te Jisas dao. Dagego aga pageabi elama tulama, tama aga bugagia amua elama, tama aga selasa piąo,” wai.

Jeremaia 12:16

Tama te sogo te gasa hani augwaligo te eno we bidi dabego kolesaga bugagia konea sabo sę yaibao. Polobadu te hani dabego eno we bidiba te god Bal nogide mu po waiyąo wabo po ola mawai. Tiali goli, te sogode te augwa digi eno nogide mu po dao waibao, te sesemane sogo bidada pabo Genuai Bidi dao. Te kolesaga augwaligo wali pobaso da, teda augwali me eno we bidi hani pedelaibao.

Esta 8:6

Te dolabo dwai kolesagago te eno hani we bidi dabe augwali silidali te homu hagela mu eno ebao. Tama augwaligo te deli kaneme dabe augwali ela mubaso da, teda ena magi elama bugagia bidigowe?” Estago te po wai.

Tuni Bidi Dabego Po Elalubo Buku Si 36:13

Sedekaia aga sębę mu elama, tama aga homu begelebo hagela elama, tama aga Genuai Bidi te Israel dabego Godiba ma asobo hagela mu yali. Nebukatnesargo Sedekaiabolo te Godigo gedude te ugwa dagalu bidigo gedude tigidali sogo Nebukatnesar agai po naga wali paibao po dąų omainu ilali. Tiali goli Sedekaia aga tobolu gagea pelama, tama aga Nebukatnesar dologode munu me bidibeo.

1 Samuel 30:15

Tialima, Devitgo agaba hanalu wali, “Nago te Amalek dabeba ena odasa pobaso da, te usu yaiba, agawe?” Tama agai te po wali, “Eno usu yaibao. Tiali goli, nago te Godigo nogide te bomai po dąų waliyu, te nago ena munu me ela musiąyu, ma ena te tonalubo bidigo nogoba magobe po wao,” wali. Tialima, Devitgo te bomai po agaba dąų walali.

Josua 9:15

Tialima, Josuago augwali nogo menama, tama te Israel dabego augwali munu me eligobeo po olama, te bomai po augwali dali dąų wai. Tama te Israel dabe genuai bidi dabego me te bomai po augwali dali dąų walio.

Josua 2:13

Tama mayu, dage Israel dabego te eno aya ida badi, te ama, me abe, me te augwa hani bage tigidali munu me ela munamuo! Dage sigo te bidi dabe augwaligo da elemainu sula tagalu munu me tilamu dao!” te we Rahapgo te po wali.

Ma Dobola Sali 12:13

Tama dagego te be pilali kaneme te dagego dąį tiwai elaluaibao. Tama eno te Isip bage augwali dene ilibo sogo, eno te kaneme sulama, tama eno dage ela soaibao.”

Tigidali Nai Gagalama Nigali Side 24:9

Tialima, sę ebo bidigo nogo guni sisu muyu, aga genuai bidi dali bomo yai po dąų wai. Agai po dąų waliyu, te Abrahamgo agabolo ya wali sę tigidali agai mu yaibao po walio.

Tigidali Nai Gagalama Nigali Side 24:3

Nago te Yawego nogide te po bomo yai po dąų wao, te dagalu de tǫ dali sigo God dao, te tama tibaso, nago eno ogwago we te Kenan tomode we dabe me te noma sigio, te ena e bidibo tǫde.

Tigidali Nai Gagalama Nigali Side 21:23

Tialima, nago te God gedude po dąų walao, te nago enabolo me, te eno wai puluba dali me, te eno wąį hani dabe dali me, te tibo po wabo kolesaga me egobeo, te po wao. Eno wiegi yai kolesaga nagebolo yai. Tama tiwai naga nago te tibo sę isiąbo wiegi yai homu kęą pali kolesaga enaba ebadi, te nage megi bidibo tǫde bidibo we bidi me te tiwai kolesaga yao,” wali.

Tigidali Nai Gagalama Nigali Side 40:14

“Te nage bugagia bidibo sogo, nago ena homugo konea palao. Nago ena homu dene elama, tama eno nogi Ferobolo olama, ena e kalabuside bidibo tagalumainao.

Josua 2:19

Te me deli te bede bidali tagalama, te hanuba pabo sunumidu pobadi, tama augwali ela muani da, teda aga digi te dolabo page yali dao. Te da sigo sę menio. Tiali goli, me deli te be tomode bidibadi dolobaso da, teda te sę yali page da side elaluaibao.

Josua 6:22

Tialima, hasia bolo Josuago te buluba sa asela suagasali bidi sibolo te po wai dao, “Dage si te penani wego be tomoba pelama, tama aga dali, te aga hani bage dali, augwali te selasa asama, te duga si dąų wali po tiwai gilama yao,” te po wai.

Te Israel Tobolu Bidi Dabe 1:24

Tama te sa pali bidi dabego te bidi me deli te hanu tagalama buluba soabo suali. Tialima, augwaligo agabolo te po wali, “Te nago dabolo te hanu tomoba pabo sunumi ola mobaso da, teda dago nage dali dwai sę me iligobeo,” te po wali.