Josua 18:10 - Godigo dwagi yai po buku

¹⁰ Tialima, Josuago te tǫ sabo po dodolobo sę elama, te mena tǫ Genuai Bidigo augwalibolo mabowe naga koneainogo yali. Tama nosali agai te tǫ dobolama, te Israel hani deli deli augwaliba te tǫ mani.

Josua 18:10 Referans Kwoze

Kolosi 1:12

Tama dagego tama tiyu, dwagi yai homu mu pemene eyu, dago Aya Godibolo puba hwi po wao. Magi baso meni. Te agai tonalubo wiegi yai ula elalubo digi tede agai aga we bidibolo maiabo nai hagea selama munaluali. Tama dagego te hagea sali nai meba somainogo agai dage usu ilai dao.

Godigo Sęba Tagala Palai Bidigo Po 13:19

Tama Godigo te Kenan tǫde bidali hani a nogo olama, me badu nogo si wagi solama bidai bidi hani ela silali. Tama ela silama, Godigo te tǫ te Israel hanibolo mani.”

Josua 18:6

Tama dagego te a naga olama, me si te tama tǫ suali po te asęnama, tama enaba selasa asao. Nosali eno te Genuai Bidigo gedude te tǫ sabo po dodolobo sę elama, te mena tǫ mu Godigo dagebolo sa mubowe, te koneaibao.

Godigo Sęba Tagala Palai Bidigo Po 26:18

Tama nago augwali hulide bidibo pesage tagalama, ulaba kegasa asao. Tama nago augwali hulide bidibo kolesaga tagalama, nago augwali ula buluba kegasa asao. Augwali Satango bomode bidibadi, nago augwali ma sao, augwali God pageba asomainu tama yao. Tama augwaligo homugo ena konealu baso da, te augwaligo dwai kolesaga ebo Godigo tigidali sela sąwaibao, te Godigo sa muai we bidi dali wadolagasaibao,’ agai enabolo te po wai,” Pol agai te po wali.

Dwagi Yai Gesi Po Jongo Asęani 17:2

“Tama nago ena sa muyu, moni bomo mayu yai dao. Ena te tigidali tǫde we bidigo genuai bidi dao weyu, tama nago te bomo enabolo mawai dao. Magi basowe? Te bidada pabo bomo te we bidi nago enabolo mani we bidi augwali eno te bidada pabo bomo mawaibao, te homu eyu, nago enabolo te nogi yai sę mawai dao. Tama te bidada pabo bomo menama, tama augwali bidada peyu, bidada paibao, gamonaibao.

Matyu 27:35

Augwaligo Jisas aga te ni pedaide elama daganai madi, tama agai gudali ugwa dabe augwa dobola sainogo augwa hasi satu gagali bolo yalio.

Esekiel 48:29

Dagego ena God Genuai Bidi eno po wali piąo. Te dagego te tǫ Israel hani duga hasi dobola sabo side tama tiao. Te Israel hani deli deli duga hasi dobola sabode tama tiao,” Genuai Bidigo te po wali.

Esekiel 47:22

Tama te deli deli hanigo tǫ te augwa wai dabe nosali pedalobo bagego tǫ elaluaibao. Tama dagego tǫ dąį elama, dobayu da, teda dagego gasa hani bidi dabe augwa we dabe dage dali bidiyu, wai ame nani bagego tǫ me dąį elama maiąo. Dagego homugo e tama tiao, te bidi dabe augwali te Israel dabe naga dao olama, tama augwaliba me te tǫ togwa maiąo.

Bugagia Bidibo Kolesagade Po Asęai Buku 18:18

Te po tųde te genuai bidi si te tomode dodolabo te usu isąbaso da, teda te po tųgo e satu gagali elama, tama te po tų ugwaba ela holabo bidi dolo ponaibao.

Godigo Nogi Ugwaba Sabo Tęąbi Po Wabo Buku Dabe 61:5

God, te tigidali naide eno nageba te po dąų walali, te nago odalio. Tama nago te nai dabe enabolo mawai, te nago nogi ugwaba sabo we bidi augwaliba mabo tiwai gilama yalio.

Godigo Nogi Ugwaba Sabo Tęąbi Po Wabo Buku Dabe 47:4

Godigo digi te tǫ me deli dąį ilama, tama dabolo mawai dao. Da te Jekopgo hani da, Godigo da godolo mu eyu, tama dago te dena tǫde wiegi yai pemene ebo dao.

Josua 19:51

Te pris Eleasar, me Josua te Nungo ogwa, tama te tigidali deli deli Israel hani sibi tigidalide te augwa genuai bidi deliba sisinama, te augwaligo te tǫ dobabo po dodolobo sę elama, te mena tǫ te Genuai Bidigo augwalibolo mabowe naga koneainogo yali. Te genuai bidi dabego te tiwai sę te Silo bulu pąde, te God dali deli sisinabo ugwa be sunumi pąde tama tiwai sę yai. Tama te tǫ dąį ebo, me te tǫ dobabo sę me, te silalio.

Josua 18:8

Josuago te tǫ sugi pelama, te po asęabo bidi dabebolo te e tiwai po wali, “Dage pelama, te tigidali tǫ sulama, tama tǫ po asęnama, tama enaba ma selasa asao. Tama e bulu Silode eno te tǫ sabo po dodolobo sę gagali elama, te mena tǫ te Genuai Bidigo dagego hani deli delibolo mabowe naga koneaibao.” Josuago te po wai. Tialima, te bidi dabego te Josuago po odama, tama augwali pali.

Israel Hanigo Namba 34:16

Tama Genuai Bidigo Mosesbolo te po wali,

Josua 18:9

Tama augwali te tigidali tǫ bilama, tama augwaligo te suali po te buku me delide asęani. Augwaligo te tǫ a naga olama, me badu si togwali, tama te hanu dabe nogi me asęani. Nosali augwali te Josua bidibo madi te Siloba ma pali.

Josua 18:11

Te Benjamingo hani sibi deli deligo tǫ te Juda hani me Josep hani si tomode te tǫ dąį ilama, sali.

Jeremaia 7:12

“Dage te Siloba pelama, eno te taunde yali sę suao. Hasia eno te Silo dąį ilali, te enaba lotu wabo pesage elalumainu yali, tiali goli, nosali eno suali, te Israel dabego dwai kolesaga ebaso, eno te taun dolai dao.

Maika 2:5

Tialima, nosali augwaligo te tǫ te Genuai Bidigo we bidi dabeba ma mabo sogo, dagego hanigo te me badu pedai deli me sogobeo.

Josua 14:2

Hasia bolo Genuai Bidigo Mosesbolo te po wali gilama eyu, te tobolu bidi dabego te mena hani sibigo te mena tǫ sabo po dodolama, tama te tǫ te a naga olama, me si me si haniba dobayali. Tama augwaligo te tiwai yali.

Josua 14:5

Te Israel dabe augwaligo te tǫ tama dobayali, te Genuai Bidigo Mosesbolo wali gilama tama tiali.

Josua 23:4

Megi te dagego bugagia odiąo! Te gasa hani dali tama te elalubo tǫ, te eno dagebolo somainogo sa muani. Eno te boi hwįnama aiyaba elaluali hani dali te tiwai naga yali. Tama dagego tǫ te wę Jordan sesege badu gagalasa pali, te giliga pedalubo madi, te Mediterenian Tamu Ąį badu, te giliga dega sigilubo pedai badu dąį igi pali.

Tuni Bidi Dabego Po Elalubo Buku Deli 24:5

Devitgo te pris sę yabo bidi dabe augwali dąį ilainu yali sogo, agai te Eleasargo hanide naga, ma te Itamargo hanide naga te dąį ebaso usu me egobeo. Menio. Agai te bidi hani dabe talua side naga dąį ilaibao, magi baso meni, te hani side te Godigo sę ebo usu yabo bidi dabe naga bidali, tama te Genuai Bidigo bede sę ebo usu yabo bidi dabe bidali. Tama tialima augwa te satu gagali elama, te bidi dabe dąį ilali.

Nehemia 11:1

Te sogo te Israel tobolu bidi dabe te Jerusalemde bidali, tama te meba we bidi augwali gasa hanu dabede bidada pali. Tama augwaligo satu gagali yali, te augwa nogo si hani tomode deli deli hani te Jerusalemba bidigi pabo bage sa mumainogo, te Godigo hanu. Tama te gasa hani meba augwali te gasa meba hanu dabede bidada pali.