Josua 15:41 - Godigo dwagi yai po buku

⁴¹ Gederot, Betdagon, Nama, Makeda. Te 16 tama hani dali, te pąde elalubo dwasianu bulu dabe dali, te Juda dabego elaluali.

Josua 15:41 Referans Kwoze

Josua 10:21

Nosali Josuago ami bidi dabe tigidali augwali te Makedaba ma geasa asai. Te me dedeli me dolobeo. Tama tibaso, mena bidi me deligo te dwai posobo po te Israel dabebolo me wainogo ebo usu me isiąwai dao.

Josua 12:16

Makeda, Betel,

Josua 10:28

Te sogo naga Josuago te Makeda hanu pedela sigi pelama, tama te hanude bidali tuni bidi pageabi yai. Tama agai te hanude bidali we bidi tigidali ela silai. Te deli me bidibeo. Agai te deli tobage tiwai kolesaga naga te Makeda tuni bidi dali yai, agai te Jeriko hanu tuni bidide yali sę tiwai gilama naga yalio.

Josua 10:10

Te Amor dabego te Israel ami bidi dabe asobo sulama, tama Genuai Bidigo augwali wi ilama, tama augwali homu kolesaga umuna palai. Tama te Israel dabe augwaligo te Amor dabe augwali te Gibeon hanude dolobo sę ilama, tama augwaligo augwali pobeasa duluyu, te bulu du bagua sali te Bethoron teba dulai. Augwaligo te Amor dabe dolobo sę ela pidubadi, te Aseka te bogo badu usu nama, te Makeda teba dąį iligi pai.

Josua 15:40

Kabon, Lamon, Kitlis,

Josua 15:42

Te e tama hanu dabe me elaluali, Lipna, Eter, Asan,

Josua 19:27

Tama dąį begelali, te giliga pedalubo madi teba sabolali, te Betdagon te dąį igi pelama, tama palima, te Sebulungo tǫ pąba dąį igi pelama, tama te Iptahel te tǫ maludu pelama, te not te Betemek me Neiel sabolali. Tama dąį pidubadi, te not badu te Kabul dąį igi pelama,

Tuni Bidi Dabego Po Elalubo Buku Deli 27:28

Balhanan te Geder taun bidi te oliv ni du tonalubo bidi bidali, te sikomor ni dabe te giliga dega sabo badu te dwasianu bulu du dabe elalubo pedai badu elaluali me agai tonalubo sę yalio. Tama Joas te oliv wel mubo pesage tonalubo sę yai dao.

Tuni Bidi Dabego Po Elalubo Buku Si 28:18

Tama me te Filistia bidi hani aselama, giliga dega sabo badu me saut badu elalubo dwasianu Juda bulu dude taun dabeba boi hwįagasali. Augwaligo Juda dabe aiyaba elaluama, taun Betsemes sobadi, me taun Aijalon sobadi, me taun Gederot sobadi yali. Tama me augwaligo taun Soko sobadi, me Timna, me Gimso, me te taun dabe pąde elalua pali dwasianu be nani dabe me sali. Te Filistia dabe augwaligo te taun dabe polo sali. Tialima augwaligo te taun dabe augwa taun dabe gagalali.

Jopgo Po Asęani Elalubo Buku 2:11

Te Jop aga abagi sela augwaligo te Jop agai tigi te dwai sęgę yali po odama, tama augwaligo po bodolu sali, te deliba sisinama, te bidi sugi paibao. Tama augwa bulu taga solama, Jop sugi soali, te agade augwaligo hobede ola mayu, tama agai homu dąų waliyu emainu. Te bage augwaligo nogi e tama dao, Elifas, te Idom bagego hanu nogi Tema bidi dao, te Bildat te tǫ nogi Suha, te Sofar te bulu nogi Nama.