Josua 14:1 - Godigo dwagi yai po buku

¹ Te Israel dabego te Kenan tǫ sali. Te pris bidi Eleasar, me Josua te Nungo ogwa, tama tigidali Israel hani tobolu bidi dabego hani sibi deli deli augwalibolo te tǫ dobayali.

Josua 14:1 Referans Kwoze

Godigo Sęba Tagala Palai Bidigo Po 13:19

Tama Godigo te Kenan tǫde bidali hani a nogo olama, me badu nogo si wagi solama bidai bidi hani ela silali. Tama ela silama, Godigo te tǫ te Israel hanibolo mani.”

Israel Hanigo Namba 34:13

Tama tialima, Mosesgo Israel dabe augwalibolo walali, “Genuai Bidigo te tǫ te 9 wąį hani bidi dabe, me te Manase hani bugai me badu, dage tama bagego tǫ magi yalio. Dagego duga satu gagali yao, duga te tǫ bugulama, dąį elama sainogo tama iyąo.

Israel Hanigo Namba 34:16

Tama Genuai Bidigo Mosesbolo te po wali,

Bomai Po 12:10

Dage te Jordan wę nogebo si da, teda Genuai Bidigo dagebolo te tǫ mawaibao, tama dage te tǫde bidimainu yaibao. Agai dage bugagia tonaluyu, tama te boi bidi dabe dage pąba me asogobeo. Tama tiyu, dage homu nagame elama bidiagameo.

Josua 13:6

“Tigidali Saidon bage, te augwali te Lebanon, me te Misrefot Maim te bulu du dabe elalubo tomo bulude bidalubo, tigidali te moni pedai hanu tomode bidibao. Te Israel dabe augwali asidubadi, tama eno digi te Saidon bage augwali gudulama, sela sąwaibao. Tama tialima, nago te tǫ usu selama, tama te Israel dabe augwalibolo menama, te augwa tǫ mu gagalama bidaibao. Nago te sę eno nagebolo wabo po tiwai gilama yao.

Josua 19:51

Te pris Eleasar, me Josua te Nungo ogwa, tama te tigidali deli deli Israel hani sibi tigidalide te augwa genuai bidi deliba sisinama, te augwaligo te tǫ dobabo po dodolobo sę elama, te mena tǫ te Genuai Bidigo augwalibolo mabowe naga koneainogo yali. Te genuai bidi dabego te tiwai sę te Silo bulu pąde, te God dali deli sisinabo ugwa be sunumi pąde tama tiwai sę yai. Tama te tǫ dąį ebo, me te tǫ dobabo sę me, te silalio.

Josua 21:1

Te Livaigo hanide te tobolu bidi dabe pelama, te pris bidi Eleasar me, te Josua te Nungo ogwa me, te tigidali Israel hani dabe te tobolu bidi dabe bidibo madi sugi pali.

Esekiel 45:1

Genuai Bidigo po ena dali genina ma weyu, e tama po wali. “Te dage kantri Israelba ma peyu, tama deli deli haniba tǫ dobabo sogo da, teda dagego ena Genuai Bidibolo tǫ genuai pedai me dąį ilao. Te tǫ bobobage te 12 kilomita usu nama, me genuai yali te 10 kilomita usu nama dąį ilao. Tama te tǫ pedai te eno tedali gasagi yai tǫ dao.