Josua 13:25 - Godigo dwagi yai po buku

²⁵ Jasago tǫ me te Gileat tigidali hanu, tama te Amon dabego tǫ pedai te Aroer teba usu nama, te Amon dabego tǫ tomode elaluali, te giliga ge pedalubo madi, te Raba tǫ pąde elaluali.

Josua 13:25 Referans Kwoze

2 Samuel 12:26

Te sogo te Joapgo ami dabego te Raba taun hanude hwįbo sę idubadi geani, te Amon dabe augwa genuai taun dao. Tama agai te taungo tǫ pedai me badu sai.

2 Samuel 11:1

Te tigidali deli deli kibu bede, te kedau ebo silainu ebo sogo, te king dabego te augwa boi bidi dabe dali boi hwįyu yai. Tialima, te Devitgo te Siria dabe aiyaba elaluali te kibu bede nosali badu, tama te kedau ebo silainu ebo sogo, Devitgo te Joap dali, te aga ofisa dabe me, te Israel ami bage tigidali dali, te Amon dabe dali boi hwįgi pomainu tagala palali. Augwa te boi hwįgi pelama, tama te Amon dabe aiyaba elaluama, tama te taun hanu Raba bagulali. Tiali goli, Devit digi te hwįbo madiba me pisąwai. Aga te Jerusalemde bidai.

Bomai Po 3:11

(Te tuni bidi Ok aga te Refaim dabe sabi simanobo tuni bidi dao. Aga pubulabo halobage augwaligo te masigigo nigali. Te halobage bobobage te 4 mita, tama genuai te 2 mita tama. Te da, te hanu Raba te bulu Amonde elalubao.)

Israel Hanigo Namba 32:35

me Atrot Sofan, me Jaser, me Jokbeha,

Amos 1:14

Eno te moni taun Raba aiyaba isi tula palama, tama te taun bomai be dabe isi ulaibao. Te ami bidi augwa boi hwįbo sogo, te i hai bomonama weyu, tama te hwįbo bomai pedalu, te bomai wali me deli te dwai sogo pedalubo tiwai yaibao.

Josua 21:39

me Hesbon, me Jaser, te wiegi yai nosai te bulmakaugo tuabo elaluali tǫ dali mani.

Bomai Po 2:19

Tama dage te Amon dabego bulu pąba paibao, te Lotgo wąį hani bidi dabe bidalubo digi. Tiali goli, dagego te bage augwali te sębę elama, tama wado yabo sę me elamuo, magi baso meni, te tǫ eno augwalibolo mawai dao, tama eno te augwaligo tǫ dagebolo me te tǫ dage me magobeo,’ Genuai Bidigo te po wai.”

Israel Hanigo Namba 21:32

Tama nosali Mosesgo bidi dabe te hanu Jaserba tagala palama, tama te hanu dolabo sunumi wiegi yai gegali. Tama te Israel dabego te hanu Jaser dali hwįnama, tama augwaligo te hanu me, te hanu pąde elaluali bulu dabe tama sali. Tama augwaligo te Amor dabe te bulude bidali bidi dabe sela sąyani.

Josua 13:11

Augwaligo te Gileat dabego tǫ me sali, tama te Gesur, me Maka dabego tǫ me, tama te Hermon bulu du pedai tigidali me, tama te Basandu te Saleka teba usu nigi pelama,

Josua 13:24

Tama Mosesgo te tǫ te Gatgo hani sibi tigidali deli delibolo doba yali, tama augwa tǫ gagalama bidali.

Josua 13:26

Te tǫ te Hesbonde gagalasa, pelama, te Ramatmispe, me Betonim, me te Mahanaim, te pelama, te Lodebar te sesegeba usu nigi pali.

2 Samuel 24:5

Tialima, augwa te wę Jordan nogelama, tama augwa te Aroerba sabolali, te hanu te Gatgo hanigo tǫ te odogo malu tomode elaluali. Tama augwa bidigi pali pesage te hanu tǫ te saut pedai badu nigilama bidali. Tama nosali augwa te Aroer tagalama peyu, tama te not tǫ pedai badu pelama, tama te hanu Jaserba sabolai dao.

Tuni Bidi Dabego Po Elalubo Buku Deli 6:81

me Hesbon, me Jaser da. Te Israel dabego te taun dabe te Merari haniba mani sogo, augwaligo te wiegi yai nosai elalubo tǫ dali mawai dao.

Tuni Bidi Dabego Po Elalubo Buku Deli 26:31

Jeria te tobolu bidi augwa hani tigidalide bidali, te Hebrongo wai dabe da. Te kibu be bidi sese si 40 te Devit king bidali sogo, augwaligo te Hebrongo hani tigidali gegebo sę yai. Tama augwaligo te hani bidi hauwa te taun Jaser te Gileat tǫde bidibo sualio. Te Jaser bidi dabe te augwaligo haniani sę ebo mu koneai bidi dabe mu bidalio.

Aisaia 16:8

Augwaligo wain gi me, te hanu Hesbonde elaluali wiegi yai wain gi me, te hanu Sipmade elaluali wiegi yai wain gi me, kone palali. Tama augwali hobede genuai mu ebao. Te polobadu te gasa bulu tuni bidi dabego te gide wain dabe tubo godolo mu yai dao. Tama te wain tulama, augwali poloyu yai dao. Tiali goli, megi da, te gi dabe sese mu dola silai dao. Augwaligo wain gi hauwa mu elaluai dao. Te hanu Hesbondu me Sipmadu gagalama, tama hanu Jaserba usu nigi pelama, tama te not usu nigi pelama, me te wa pai bulu te giliga asoboba usu nigi pai elaluai dao, te wę Detsiba saboligi pelama, tama giliga paboba usu nigi pai dao.

Jeremaia 48:32

Te taun Jaser dolobaso, ena gela obao. Tialima, te taun Sipma, nage dolobaso da, te ena gela wabo ogolu mu yaibao. Sipma, te nago wain gi hauwa umabo mu elalubao, te sigi ąį Detsi, me sigi ąį Jaser, teba usu nigi pai elalubao. Te boi bidi dabego te wiegi yai ni wain me, te nago gasa ni dabe me dolaibao.

Te Israel Tobolu Bidi Dabe 5:17

Te Gatgo hani bidi te wę Jordan te giliga pedalubo pedai badu bidali. Tiali goli, magi baso te Dango hani te moni geba sipde sę yaliwe? Te Asergo hani te tamu ąį sanede bidai. Augwali te olo tama te augwa te wę sanede bidaluai.

Aisaia 17:2

Te Aroer dabego hanu dabede we bidi me bidigobeo. Tama tibaso, te bulu dabe te olo sipsip kibu dabego bulu pesage gagawaibao. Tama te sipsip kibu dabe bugagia bidaibao. Magi baso meni. Te augwali wi ilabo bidi mu menia saibao.