Josua 12:7 - Godigo dwagi yai po buku

⁷ Josua dali, te Israel dabe dali, augwaligo te Jordan wę te sia ge dega sabo badu te tigidali genuai tǫde bidali tuni bidi tigidali aiyaba elaluali, te Lebanon odogode elalubo bulu Balgat tede gagalasa, te Halak bulu du badu te Idom pąde, teba usu nigi pai. Tama Josuago te tǫ dobolama, tama te Israel hani sibibolo menama, tama megi te augwa page bulu mu gagalama bidibo dao.

Josua 12:7 Referans Kwoze

Josua 11:17

Te tǫ dąį te Halak bulu dude gagalali, te Seir pąde, tama pelama, te bulu Balgat te Lebanon odogode elalubo, teba dąį igi pelama, te bulu du Hermon te tǫ bogo badu dao. Josuago te bobobage sogo mu te tuni bidi dabe dali hwįnama, tama agai te tigidali bidi ela silai dao.

Josua 11:23

Josuago te moni tǫ pedai tigidali badu sela silali, te Genuai Bidigo Mosesbolo wali gilama te tiwai yali. Tama Josuago te Israel dabe augwalibolo te moni tǫ te augwa page bulu tiwai ilama mawai. Tama te tǫ te tigidali Israel hani deli delibolo dobayali. Tama tilama, te we bidi augwaligo hwįbo sę ebo sogo silama, tama augwaligo hwįbode te toma tuyu bidali.

Josua 9:1

Te Jordan wę sia ge dega sabo badu bidalubo tuni bidi dabe badi, te bulu dude bidalubo tuni bidi dabe badi, te malu bulu dolo bidibo tuni bidi dabego me, tama te nabis ąį sani Mediterenian te badu te Lebanon teba usu nigi pelama bidalubo, te tuni bidi dabe augwali tigidaligo te Israel dabego ebo sę dabe po odada pai. Te Hit tuni bidi dabego badi, te Amor dabe badi, te Kenan dabe badi, te Peres dabego me, te Hivi, me Jebus, te tama tǫde bidalubo tuni bidi dabego te po odai.

Josua 3:17

Te Israel dabe augwali te tǫ wa pai madi naga pai. Tama te Genuai Bidigo te dąų wali po muani halobage tolali te pris bidi dabe, augwali te wę Jordan sula sali digi te tǫ dolo tomode dolaluali, te we bidi tigidali te wę nogelama, gasaba u badu sabola silibo usu nigi pomainu yai.

Bomai Po 2:4

Agai te po dagebolo pusao obaso walai dao, ‘Megi da, dage te Idom bulu tomoba paibao,’ po wali. ‘Te da, te duga ama dabego tǫ dao, te Isogo wai hani dabego tǫ dao. Tama augwaligo dagede wi yaibao. Tiali goli, dagego augwali dali dua dao.

Bomai Po 2:1

Tama Mosesgo te po wali, “Tama nosali mu, da te ma geasa te nai meni yai kemi sane buluba pai dao. Tama da te tamu wę Retsiba pabo sunumi badu pai dao. Tama dago te Genuai Bidigo wali po wali tama pai dao. Tama da bobobage sogo mu te Idom bulude te bulu dude bilai dao,” wali.

Tigidali Nai Gagalama Nigali Side 36:30

Dison, Eser, Disan. Augwali te Seir tǫ pedai badu te Hor hani deli deligo tobolu bidi hani dabe dao.

Tigidali Nai Gagalama Nigali Side 36:20

Te e da, te bidi nogi Seir aga ogwa dabe, aga te Hor hani me deli da. Tama te Hor hani bage augwali te Seirgo tǫ pedaide bidai. Tama Seirgo ogwa dabe te augwali e dao, Lotan, me Sobal, me Sibeon, me Ana,

Tigidali Nai Gagalama Nigali Side 36:8

tama aga te Seir dabego bulu du dabe elalubo tǫba bidigi pali. Idom te Isogo gasa nogi me dao.

Tigidali Nai Gagalama Nigali Side 32:3

Tama Jekopgo bidi meba te polasa te Seir tǫ te Idom hanu tǫ pedaiba te aga ama Iso bidibo digi te po sela pomainogo tagala palai.

Godigo Nogi Ugwaba Sabo Tęąbi Po Wabo Buku Dabe 135:11

Agai te Sihon elali, te Amor dabego king, tama Ok, te Basan bulu king da, tama te Kenan tǫ king tigidali ela silai dao.