Josua 12:1 - Godigo dwagi yai po buku

¹ Te Moses isisąbadi, te sogo te Israel dabe augwaligo te boi bidi dabe tigidali tǫde aiyaba elaluama, tama augwaligo te tigidali bulu te Jordan wę pąde te sia ge pedalubo badu te bulu dabe sai. Te tǫ te malu bulu te Arnonde gagalasa, tama pelama, te Jordan tǫ malu dąį igi pelama, tama te Hermon bulu duba usu nigi pai. Hasia bolo te Israel dabego hwįnama, te tuni bidi si aiyaba elaluai. Te augwali si nogi e dao: Sihon, me Ok.

Josua 12:1 Referans Kwoze

Te Israel Tobolu Bidi Dabe 11:18

“‘Te nosali augwali te bidi meni yai te tǫ wa pai madi te buluba pali. Tama augwaligo te Idomgo tǫ me, te Moap dabego tǫ me, te edelama pali. Augwali te giliga pedalubo te Moap dabego tǫ pedai badu soai, te wę Arnon pedai badu dao. Augwali bidabo pesage tede nigali, tiali goli augwaligo te ąį Arnon nogesiąwai, magi baso meni, te ąį te Moap dabego tǫ dąį yagasali madi dao.’”

Josua 1:15

Te duga Genuai Bidi Godigo e tǫ dagebolo mawai dao. Tama dagego te gasa Israel hani bage duga abagi dede tau siyu, tama agai augwalibolo mabo tǫ sabo sogoba usu nagasu yao. Tama elama, te boi pilama wiegi yai pemene ebo sogo elaluyu, tama augwali me te toma tueibao, te dage megi ebo tiwai gilama yaibao. Tama tiliama, tama nosali dage duga e tǫba ma asomainogo, polobadu te tǫ Mosesgo dagebolo mawai dao, e tǫ te Jordan ąį badu, te giliga pedalubo badu dao,” Josuago te po wai.

Israel Hanigo Namba 21:24

Tiali goli, Israel dabego te Amor hani hauwa me elama, augwaligo tǫ sali. Te wę Arnondu gagalama, te not badu elalubo wę Jabokba usu nigi pali. Teda te bulu Amongo bulu dąį dao. Tama te Amon hanigo bomai ami bagego te bulu dąį tonalubo dao.

Israel Hanigo Namba 21:13

Tama nosali augwaligo te wę Arnon nogegi pelama, te Arnon wę not badu augwaligo pesage nigigi pali, te nai meni yai bulude. Te nai meni yai bulu te Amor dabego buluba pai elaluali. Tama te wę Arnonde dąį yai elaluali.

Aisaia 16:2

Tama augwaligo tuni bidibolo elama, po omainu yao, “Tuni bidi, te boi bidi dabego da dena hanu dabede, me dena bulu dabede pobeasa bilibaso, tama da wi pelama, te wę Arnon sesegeba bidigi pali. Tama da dodola mu bidibao. Da te bulude te ba gǫų aga bede tulaluama, tama subigila bilibo tiwai, da subigila bilibao, te ba buside bilibo tiwai ebao. Te da gela dali biliyu, tama tibao.

Godigo Nogi Ugwaba Sabo Tęąbi Po Wabo Buku Dabe 133:3

Te deli haliga ebo kolesaga te hulide genuai wę segeni te Hermon bulu duba, me te Saion bulu du dabeba tulalubo tiwai ebao. Te bulude Genuai Bidigo te bidi dabe bugagia mu te deli haliga elama, bidimainu ebo dao. Agai augwaliba te bugagia mu bidada peyu, bidada pabo ula augwaliba mawaiba.

Josua 22:4

Megi te God, te dago Genuai Bidigo, te boi pilama wiegi yai pemene ebo sogo te dagego ama dabebolo mayu, te polobadu agai po dąų wali tiwai gilama yali. Tialima, dage te duga beba ma geasa pelama, te tǫ pedai te Jordan wę u badu, polobadu Moses, te Genuai Bidigo sę bidigo, te dagebolo mani.

Josua 11:17

Te tǫ dąį te Halak bulu dude gagalali, te Seir pąde, tama pelama, te bulu Balgat te Lebanon odogode elalubo, teba dąį igi pelama, te bulu du Hermon te tǫ bogo badu dao. Josuago te bobobage sogo mu te tuni bidi dabe dali hwįnama, tama agai te tigidali bidi ela silai dao.

Josua 11:3

Tama agai te Jordan wę pąde bidaluali te Kenan dabebolo me po ola tolobadi, tama te bulu du bagede bidaluali hani, augwalibolo me wai. Te augwali Amor dabe, me te Hit dabe, me te Peres dabe, me te Jebus dabe, te augwalibolo po tolai. Tama agai te Hivi dabe augwali te Hermon bulu du pąde, te Mispa dabego tǫde bidalubo bage augwalibolo me te po ola tolai dao.

Bomai Po 4:48

Te Israel dabego polo sali tǫ te dąį te Aroerde gagalali, tama Arnon węba sabolama, tama pelama, te bulu du Sirion, te nogi me Hermon, teba saboligi pali.

Bomai Po 2:24

Tama Mosesgo po geninama weyu, te po wali, “Dago te Moap taga soali, tama Genuai Bidigo dabolo te po wali, ‘Megi da, dagego te Armon wę nogeao. Megi da, eno te Amor bidi dabe tede tagalaibao. Te Hesbon bulu bidi dabego tuni bidi Sihon, agai tǫ dali dagego nogoba muaibao. Tialima, dagego augwali dali boi dala palama, tama agai tǫ sabo gagalao.

Israel Hanigo Namba 32:19

Dago te wę Jordan u badu dago tǫ me sogobeo. Magi baso meni, dago te Jordan wę giliga asobo badu dago sabo tǫ polo sai dao,” te po wai.

Israel Hanigo Namba 32:33

Tama tialima, Mosesgo te Sihongo tǫ sese magi yali, te Amor tuni bidigo tǫ, me te Basan tuni bidi Okgo tǫ me magi yali, te hanu dabe me tǫ dabe tama magi yali, me pąde elalua pabo bulu me. Tama agai te tǫ te Gat hani, me Ruben hani, me te Manase hani bugai, tama bage augwalibolo mani.

Josua 13:8

Te Ruben hanigo, me Gat, me Manasego hani me badugo te Jordan wę te sia ge pedalubo badu te tǫ polobadu sai. Te Moses, Genuai Bidigo sę bidigo, te tǫ augwalibolo mawai dao.

Godigo Nogi Ugwaba Sabo Tęąbi Po Wabo Buku Dabe 89:12

Nago te not badu, me saut badu dali, te nigai. Te Tabor bulu du, me Hermon bulu du sigo te wiegi yai pemene eyu, nageba balia po obao.

Godigo Nogi Ugwaba Sabo Tęąbi Po Wabo Buku Dabe 136:21

Tama agai te king dabego tǫ te aga we bidi dabeba mawai. Te agai sesemane bidada pabo sogo da wei mu ebo dao.

Israel Hanigo Namba 21:21

Nosali te Israel dabego te Amor tuni bidibolo po olama tolali. Augwaligo te po olama tolali,

Israel Hanigo Namba 32:32

Genuai Bidigo da tonalubadi, te wę Jordan nogelama, tama Kenan buluba boi hwįgi paibao. Tama nosali da te Jordan ąį giliga asobo bulu tǫde tede bidaibao, te wę e badu,” wali.

Bomai Po 2:32

Tialima, te tuni bidi Sihon aga hani bidi dabe selama, tama da dali te hanu Jahas pąde hwįagasali.

Bomai Po 3:1

Tama Mosesgo po geninama pusuyu, te po wali, “Tama nosali da te notba polo badu da pali. Te bulu Basanba pabo sunumidu pali. Tama te tuni bidi Ok aga hani bidi dali asali, te da dali hwįainogo, te hanu Edrei pąde.

Bomai Po 4:44

Mosesgo Godigo bomai po te Israel dabebolo mani.

Te Israel me Juda Hani Sigo Tuni Bidigo Po Elalubo Buku Deli 4:19

Geber, te Urigo ogwago, te Gileat bulu tǫ pedai tonaluali. Polobadu te bulu tǫ te king Sihon te Amor dabe, me te king Ok te Basan bulu tǫ pedai, te king bidi sigo tǫ elaluali. Te tigidali bulu tǫ pedaide te polalubo kiap dabe tonalubo ofisa bidi me deli elaluai dao.