Josua 11:8 - Godigo dwagi yai po buku

⁸ Tama Genuai Bidigo te Israel dabe augwali tau selama, tama augwaligo te boi bidi dabe aiyaba elaluai. Te Israel dabe augwaligo hwįyu, tama te boi bidi dabe pobeasa peyu, te tǫ bogo badu te genuai bulu Saidon teba usu nama, te Misrefot Maim dąį igi pelama, tama te giliga pedalubo badu, te odogo bulu Mispa, te badu saboligi pali. Augwaligo hwį hwį pali, te boi bidi dabe tigidali siliboba usu nai dao.

Josua 11:8 Referans Kwoze

Josua 13:6

“Tigidali Saidon bage, te augwali te Lebanon, me te Misrefot Maim te bulu du dabe elalubo tomo bulude bidalubo, tigidali te moni pedai hanu tomode bidibao. Te Israel dabe augwali asidubadi, tama eno digi te Saidon bage augwali gudulama, sela sąwaibao. Tama tialima, nago te tǫ usu selama, tama te Israel dabe augwalibolo menama, te augwa tǫ mu gagalama bidaibao. Nago te sę eno nagebolo wabo po tiwai gilama yao.

Josua 19:28

tama Ebron, me Rehop, me Hamon, me Kana tama pali, te genuai hanu Saidonba sabolali.

Sekaraia 9:2

me Hamat tonalubo sę yaibao, te tǫ pedai Hadrak distrik pąde elaluali. Tama agai te taun Tair me taun Saidon te tonalubao. Te Tair dabe me Saidon dabego augwaligo te kolesaga koneani bidi dabe hauwa elaluali digi goli, te Genuai Bidigo augwali me tonalueibao wai dao.

Josua 21:44

Tama Genuai Bidigo te boi pilama wiegi yai pemene ebo sogo augwalibolo mani, te agai augwa wąį dabe dali dąų wali po tiwai gilama yali. Te haniani boi bidi hani dabe augwali te Israel dabe tigidali badu bidai goli, tama Genuai Bidigo augwali tau siyu, tama augwaligo augwa boi bidi dabe tigidali aiyaba elaluama, tama te boi bidi dabe deli mego te augwali aiyaba elaluainu ebo te usu meni yani.

Josua 11:3

Tama agai te Jordan wę pąde bidaluali te Kenan dabebolo me po ola tolobadi, tama te bulu du bagede bidaluali hani, augwalibolo me wai. Te augwali Amor dabe, me te Hit dabe, me te Peres dabe, me te Jebus dabe, te augwalibolo po tolai. Tama agai te Hivi dabe augwali te Hermon bulu du pąde, te Mispa dabego tǫde bidalubo bage augwalibolo me te po ola tolai dao.

Tigidali Nai Gagalama Nigali Side 49:13

“Sebulun te tamu ąį pąde bidaibao. Te aga bidibo tama wę saneba te sip dabe tuagasobo madi elaluaibao. Te agai tǫ sesege badu te dąį igi pabo te Saidon buluba usu nugi paibao.”

Tigidali Nai Gagalama Nigali Side 10:15

Saidon aga te Kenango gomunai ogwa da. Kenan te Hit bidi dabego aya me da,

Josua 11:7

Tama te boi bidi dabego hwįabo sisi isąbadi, tialima polo mu tama Josua dali, aga ami bidi dali, tigidaligo augwali dali te wę Meromde te hwįani.

Aisaia 23:4

Hanu Saidon, nage hale yao. Magi baso meni. Te bomai hanu te tamu ąįde elaluali hanu polo dolalio. Tama te tamu ąįgo te po walio, “Hobede mu dao. Eno wai dabe ame nabe. Tama ena te wego wai ame nainu dene isąwai ąǫ yalio. Tama eno sawi ogwa wegi ame nisąwai ąǫ elama, negisąwai ąǫ yalio,” wali.

Bomai Po 7:2

Te God dago Genuai Bidigo dagego augwali aiyaba elalumainogo ebo si da, teda dagego augwali ela mu silao. Dagego augwali dali abagi olama, tama augwali hobede me eyu elamuo.

Bomai Po 9:3

Tiali goli, dagego megi bugagia mu koneagameo, God, dago Genuai Bidi, aga bolo polasa paibao, te isi hobolu tiwai elama polasa paibao, te dage tudiba togolama. Te dage pabo sogo agai augwaligo bomo aiyaba elaluaibao. Te dagego augwali dali hwįnama, tama augwali aiyaba elaluama, tama polo sela sąwaibao, te agai polo dąų walali gilama,” Mosesgo te po wai.

Josua 10:20

Tialima, Josuago me te Israel dabe augwaligo dali te boi bidi dabe tigidali pąde ela silainu yai. Tiali goli, meba wi peyu, te augwa hanu tomoba geme duala sigi palio, te hanu te genuai bomai obo elaluali.

2 Samuel 24:6

Nosali ma augwa te Jaser taga peyu pelama, te Gileat bulu tǫba pali, te Tatimhotsi te tǫ pedai badu palio. Tialima, augwa te badu bidali tagalama, tama augwali te bulu Danjanba sabolali, tama augwa baguasa pelama, tama te Saidon bulu, te giliga dega sigulubo pedai badu, teba sabolali.