Josua 11:6 - Godigo dwagi yai po buku

⁶ Tialima, Genuai Bidigo Josuabolo te po wai, “Nage augwalide wi munu me elamuo. Do te tobage sogo ebode da, teda eno digi te Israel dabe augwali tau selama, tama augwaligo te boi bidi dabe tigidali ela muaibao. Tama dagego te hos dabe sągą genuai kigibili togolama, tama augwa te karis dabe dali siaba ulao,” wali.

Josua 11:6 Referans Kwoze

Josua 10:8

Tialima, Genuai Bidigo Josuabolo te po wai, “Te boi bidi augwalide wi me igio. Eno augwali te nago nogoba manio. Te bidi me deligo dage aiyaba me elalugobeo,” wali.

2 Samuel 8:4

tama te hwįnama, te augwali aiyaba elaluali. Tama Devitgo te Hadatesergo ami bidi dabe hauwa sai. Agai te ami bidi te bidi sese hauwa, 20,000 sali, tama te hosde dualama hwįbo ami dabe te 1,700 bidi sobadi yai. Tama me, Devitgo te hwįbo side te karis dabe kegabo hos dabe te bidi sese a naga, 100 sali. Tiali goli, Devitgo te gasa hos dabego sągą gabulu kigibili dabe dolama, tama augwali te bomo elama bilabo usu meni yai.

1 Samuel 11:9

Tama te ami bidi dabego te Jabes dabebolo weyu, te po wai, “Duga bage bidi dabebolo te tama po wagi pao, te do giliga te pedelai digi, te dago dage tau sagasu aselama, tama te boi bidi dabe ela gudulama, sela sąwaibao,” wali. Tialima, te Jabes dabe pelama, te augwa bage bidi dabebolo te po magi pali. Tama augwaligo te po odama, tama augwa wiegi yai homu pemene mu yai.

Josua 11:9

Tama Josuago augwaligo hwįbo nai hos sągą genuai kigibili togobadi, te augwaligo karis dabe me siaba ulubadi yali, te Genuai Bidigo agabolo wali gilama tama tiai.

Hosea 14:3

Te Asiria dabego da ma dobola sogobeo, usu egobeo, tama te hwįbo hos dabego me da tau me sogobeo. Te usu egobeo. Dago te tibo god nigali, te dago te tiwai po augwaliba ma weyu, ‘Dage te dago god da,’ me wagobeo. Genuai Bidi, nago dabolo te homu dene eyu, tau sabo wiegi yai kolesaga ebo dao, magi baso meni, da te aya meni yai wai puluba bidibao, te tau sabo usu meni yai bidibo dao.” Dagego tama gedu haluasa po agabolo wao.

Aisaia 31:1

Dage te Isip buluba pelama, tama augwaligo dage tau somainu hanalugi pabo bage, hobede ya, dage dene saibao. Dage te Isip dabego hwįbo hos kibu hauwa elaluyu, me karis dabe me hauwa, me te ami bidi dabe hosde dualama hwįbo ami bidi dabe hauwa elalubo sulama, tama dagego homugo Isip dabego dage tau somaina homu ebao. Tiali goli, dagego Israel dabego Genuai Bidiba tonalubeo. Aga te Wiegi Yai Doloba Pai Kolesaga Naga Ebo God dao. Tama dagego agai tau sao po hanalubeo

Aisaia 30:16

Tama dagego te po wali, “Tagalama, dago bomonama udabo kibu hos bidibao. Tama da te kibu hosde dualama, tama da wi paibao,” wali. Te dagego te boi bidi dabede wi paibao wabo po da, teda mu tama dao. Tiali goli, tagala, dagego kibu hos bomonama udabo da, tagalao. Te boi bidi dabego hos kibu bomonama mu dagego kibu hos nosali wali pobeasa asaibao.

Bugagia Bidibo Kolesagade Po Asęai Buku 20:7

Te doloba pai bidigo te dwai sę me deli isiąyu, bididu dao. Tama tibaso, aga wai dabe nosali bugagia bidaibao.

Godigo Nogi Ugwaba Sabo Tęąbi Po Wabo Buku Dabe 46:11

Te Tigidali Bomo Elalubo Genuai Bidi da dali bidibao. Te Jekopgo God aga te da seselalubo bidi mu da.

Godigo Nogi Ugwaba Sabo Tęąbi Po Wabo Buku Dabe 46:9

Agai te tigidali tǫ pedai badu te hwįbo togolobo dao. Agai te tigidali enesigi me ene togolama, tama te sabele dabe te siaba ulubadi ebo dao.

Tuni Bidi Dabego Po Elalubo Buku Si 20:16

Do da, te boi bidi dabe augwali te bulu du Sis sunumidu aselama, dage dali hwįagasaibao. Tama dage pelama, tama dagego augwali te odogo malu bulu, te wa pai bulu Jeruelde suaibao, te giliga asobo badu.

Josua 3:5

Tama Josuago te we bidi dabebolo te po wai, “Te duga homu me kolesaga dodolobo sę iliyu, lotu po wao, magi baso meni, do da, te Genuai Bidigo noma sabo bomai sę te dage tomode yaibao,” wali.

Bomai Po 7:16

Dagego te tigidali bidi hani dabe mu tama ela siliąo, te God dago Genuai Bidigo dagebolo dagego nogoba mabo, te bidi hani dabe. Tama dagego augwali hobede me elamuo. Me augwaligo tibo godiba lotu wabo te habu mu dao. Ma, dagego augwaliba lotu po wali da, teda dage tuloluaibao,” Mosesgo te po wai.

Josua 11:5

Te tuni bidi dabego te augwa ami bidi dabe hauwa sisinama, tama augwali bidabo pesage te sigi ąį Meromde nigilama, te Israel dabe augwali dali hwįainogo yali.

Josua 11:7

Tama te boi bidi dabego hwįabo sisi isąbadi, tialima polo mu tama Josua dali, aga ami bidi dali, tigidaligo augwali dali te wę Meromde te hwįani.

Te Israel Tobolu Bidi Dabe 7:9

Te sogo hulide Genuai Bidigo Gideonbolo te po wali, “Dage hogodama, tama te augwali bidibo pesageba dulama hwįgulao,” po wai. “Te eno dage tau selama, te Midian bidi hani dabe aiyaba elalumainu yaibao.

Esekiel 39:9

Tama te Israel we bidi dabe augwaligo augwa taun dabe tagalama, tama augwaligo te boi bidi dabego hwįbo nai dabe tǫde subigila tagalai wilalua pabo nai dabe sigi paibao. Te augwaligo te sabele dabe me te awa dabe siyu, me enesigi siyu, me ene dabe siyu, me hwįbo wąbi dage dabe siyu, me te bobobage sesemone dabe siyu yaibao. Tama augwaligo te nai dabe sisinama, tama augwaligo te isi pulu dabe ulubo tiwai yaibao. Tama tiyu, augwaligo ulabo isi te kibu be nogo a naga olama, me badu nogo si, te 7 kibu bede nogabo isi usu elaluaibao,

Nahum 2:13

Tigidali Bomo Elalubo Genuai Bidigo te Ninive dabeba te tiwai po wali, “Ena digi ena dagego boi bidi dao,” wali. “Te eno dagego karis dabe tigidali siago ulaibao,” wali. “Te dagego ami bidi dabe te hwįbaso isaibao. Te dagego gasa bagego nai sali tigidali te ena ma saibao,” wai. “Te gasa bulu tǫ kantri we bidi dabego te dagego po sela pelama, augwaliba wagi pomainu tagala palali bidi dabego pedauwalidu wabo po te augwaligo me odogobeo,” te po wai.

Te Israel me Juda Hani Sigo Tuni Bidigo Po Elalubo Buku Si 6:16

Tialima, Elisago agabolo te po wali, “Wi egio, tagalao,” wali. “Tialima, mu tama, augwaligo umabo ami bidi bidibo, tiali goli dago me, te da tau sabo hani te genuai mu dao,” wali.

Godigo Nogi Ugwaba Sabo Tęąbi Po Wabo Buku Dabe 46:10

Agai te po wai, “Dage munu ma hwįnamuo,” wali. “Dagego ena bugagia koneiąo, ena God mu dao. Ena ugwadu mu elalu, tama te tigidali tǫ pedai kantrigo we bidi hani dabe ena dologode bidibao. Te tigidali bulu pedai tǫde ena te polalubo bidi bidibo dao.”