Josua 11:22 - Godigo dwagi yai po buku

²² Te Anak dabe me dedeli te Israelde me bidibeo. Te dwasianu hani naga te Gasade me, Gatde me, te Asdot, tede bidaluai.

Josua 11:22 Referans Kwoze

1 Samuel 17:4

Te sogo te hwįbo bomai bidi me deli, augwa te Goliat nogi yali, te Get taun bidi, aga te Filistia ami dabe bidibo pesage taga soyu aselama, te pepeli diliba hania dolagaselama, tama te Israel dabego aga suali. Te aga bobage usu te 3 mita pąde tama.

Josua 15:46

me tama tigidali hanu me bulu te Asdot pąde elaluali, te Ekron me te Mediterenian Tamu Ąį tomode elaluali.

Aisaia 20:1

Te Asiria tuni bidigo pode te aga polalubo ami ofisa bidigo aga ami bidi dabe selama, te hanu Asdotba me bulu Filistiaba hwįgi pali.

Tuni Bidi Dabego Po Elalubo Buku Si 26:6

Tialima king Usia hogodama, tama te Filistia dabe dali hwįgi pali. Tama agai augwali aiyaba elaluama, tama agai te taun Get, me taun Japne, me taun Asdot obo aluali. Tama agai gesi taun dabe te Asdot dabego tǫde geseliyu, me te meba kantri Filistia tǫde nigiyu yali.

Tuni Bidi Dabego Po Elalubo Buku Deli 18:1

Me sogo nosali, Devit dali aga ami bidi dabego dali te Filistia dabeba boi hwįgi pali. Augwaligo te Filistia dabe aiyaba elaluama, tama augwaligo te taun Get dali, te pąde elaluali bulu dabe dali sai dao.

Tuni Bidi Dabego Po Elalubo Buku Deli 8:13

Te Elpalgo gasa ogwa si te Beria me Sema augwali sigo hani bidi dabe augwali te taun Aijalonde bidalio. Augwali si te hanide tobolu bidi bidali, tama augwaligo te taun Getde bidali hani we bidi dabe augwali sela sąwai dao.

Te Israel me Juda Hani Sigo Tuni Bidigo Po Elalubo Buku Deli 2:39

Te kibu be sela bidama da, tialima te Simeigo olo sę ebo bidi si te Get hanuba wi pelama, tama te king Akis dali bidai, te Makago ogwa da. Tama bidi mebago te Simeiba te tiwai po wali, “Nago sę bidi si te Get hanude bidibao,” po wai.

1 Samuel 5:1

Te Filistia dabego te Godigo Dąų Wali Bomai Po Muani Halobage selama, tama augwa te bulu Ebeneser tagalama, tama te halobage tolasa peyu, te augwa taun hanu me deli, te Asdotba pali.

Te Israel Tobolu Bidi Dabe 3:3

Te e tama hani we bidi, te Godigo augwali bidimainu yali: te Filistia dabe a naga hanu, tama tigidali hanu te Kenan dabego me, te Saidon me, te Hivi dabego me, te bulu du Lebanonde bidali, tama te bulu du Balhermon te pelama, te Hamat Sunumi tulu mage si teba usu nigi pali.

Godigo Sęba Tagala Palai Bidigo Po 8:40

Filip te Asdot buluba polo sabolali. Agai te Asdot bulu taga pelama, te be nani tigidali bilama, Godigo gesi dwagi yai po pususu bilali, te Sisaria be naniba sabolali.

Bomai Po 9:2

Te bomai we bidi augwali bobobage dili elalubao, tama augwali genuai we bidi mu dao, tama dage polo odai dao, te bidi mego augwali dali hwįbode elaluabo bidi deli me menio.

Josua 15:14

Kalepgo te Anakgo hani bidi sela ela gudulali, Sesai, me Ahiman, me Talmai.

Te Israel Tobolu Bidi Dabe 1:18

Tiali goli te Juda dabe augwaligo te bulu Gasa me Askelon si te sabeo, tama Ekron te tǫ pedai dabe dali te sisąwai.

Bomai Po 2:23

Te tama tiali gilama, tama te ailan Krit hanigo te Av dabe ela silama, augwali tede bidibo gilama tiali. Augwaligo tǫ te genuai tamu wę Gasa pąba tama usu nigi pelama elaluali, te sautba polo badu. Tama te Krit dabego augwaligo tǫ selama, augwali tede bidali.)

Josua 10:41

Josuago te giliga bogo badu te Kades Barneade gagalasa, te Gasa te nabis pąba dąį elama bidali bage tigidali aiyaba elaluali, tama te Gosen tǫ elalubo badu tedu dąį elama, te Gibeon badu, te tǫ me bogo badu usu nigi pai dao.

Josua 15:47

Asdot me Gasa tede te hanu me te bulu dabe dali elaluali, te Isip dwasianu wę sesegede, me te Mediterenian Tamu Ąį te wę si pąde elalua pali.