Josua 11:2 - Godigo dwagi yai po buku

² Tama te tǫ bogo badu te bulu du elalubo badu bidali tuni bidibolo me, tama te Jordan wę odogo malu tǫde, te Kineret, te tǫ bogo badu bidali tuni bidibolo me, tama te dolo elalubo tǫde bidali tuni bidibolo badi, tama te Dor hanude te ąį sane pąde bidali tuni bidibolo badi, te tama hanu tuni bidi dabe augwalibolo te po ola tolalio.

Josua 11:2 Referans Kwoze

Te Israel Tobolu Bidi Dabe 1:27

Te Manasego hanigo te bulu Betsan, me Tanak, me Dor, me Ipleam, me Megido, te bulu dabe pąde elaluali dwasianu bulu dabede te bidali bidi dabe te augwali te augwaligo me sela sąbeo. Magi baso meni, te Kenan dabego homu bomonama eyu, tama tede me bidalu dali.

Josua 12:3

Tama te Jordan wę tǫ dolo elalubodu te sia ge pedalubo badu sigi ąį tǫ Galili hanu badu dąį gagalasa pelama, te Bet Jesimot te Isai Tamu Ąį dąį igi pelama, tama palio olama, te Pisga bulu du pageba, te tǫ me bogo badu dąį igi pai dao.

Josua 17:11

Te Isakar de Aser Israel hani sigo tǫ tomode te Manasego te hanu Betsan dali Ipleam dali si, me te pąde elalubo bulu dabe dali sobadi yali, tama Dor hanu te nabis ąį sane badu elaluali, tama Endor, me Tanak, me Megido, te pąde elaluali bulu dabe dali sai.

Israel Hanigo Namba 34:11

Tama te magi te bulu Sefam tagalama, pelama, te saut badu te bulu Riplaba sabolama, giliga asobo badu Ainba sabolama, tama te sigi wę Galili nambis sesegedu dwasianu bulu duba usu nigi pelama, tama sigi wę Galili giliga asoboba saboligi paibao.

Te Israel me Juda Hani Sigo Tuni Bidigo Po Elalubo Buku Deli 4:11

Ben Abinadapgo te Dor hanude elalubo te bage bulu du te pesage tonaluai. Agai te Tafat sali, te Solomongo wegi me deli te sai dao.

Josua 12:23

Dor te nabis sese pąde elaluai, te Goim bulu te Gilgal tǫde elaluali,

Dwagi Yai Gesi Po Lukgo Asęani 5:1

Te me sogo Jisas te Genesaret sigi ąį sesegede dolalubadi, Jisas aga pageba Godigo po odainu we bidigo mu odoga sagasalio.

Dwagi Yai Gesi Po Lukgo Asęani 1:39

Te tamadi ganama, ensel dali po miani elalubadi, Maria aga Judia hanude bulu du meba palio.

Josua 13:27

Te Jordan wę tǫ malude elaluali bulu te Betharam, me Betnimra, me Sukot, me Safon, te gavman tuni bidi Sihongo tonaluali tǫ pedai badu, te Hesbon tǫ pedai badu, te Jordan wę te badu gagalasa, te giliga pedalu badu sabolama, tama te sigi ąį Galili tǫ badu dąį igi pelama sai.

Josua 11:21

Tama te sogo Josua pelama, tama te Anak bidi dabe mu dolai. Augwali te Hebron bulu du bagede me, te Debir bulude me, me te Anap bulude me, te tigidali gasa Juda me Israel dabego bulu du bagede bidaluali. Josuago te bidi dabe tigidali mu ela siyu, te augwaligo tigidali hanu me mu dolai.

Josua 10:40

Tama elama, tama Josuago te tǫ tigidali badu te hwįanigo aiyaba elaluai. Agai te bulu dude bidali tuni bidi dabe me, te Negev dabe badu tuni bidi dabe me, te tǫ malude bidali tuni bidi dabe me, te bulu du pąde bidali tuni bidi dabe me, te agai augwali aiyaba elaluai. Agai bidi deli me sulama, gogola me tagalobeo. Agai tigidali ela muai. Agai te Israel dabego Genuai Bidi Godigo te agabolo wali po tiwai gilama yalio.

Josua 10:6

Tama tibaso, te Gibeon hanu bidi dabe augwaligo Josua bidibo pesage te Gilgal teba po ola tolai. Augwaligo te po wai, “Te bulu dude bidalubo moni hanu Amor tuni bidi dabe tigidali te augwali deliba sisinama tama augwaligo da dali hwįainogo sabolai dao. Nago te naga sę bidi da munu mu tagalamuo! Nage polo asama, da tau sagasao!” wai.

Josua 11:16

Josuago te tǫ tigidali pedai badu sai. Agai te bulu dude elaluali tigidali bulu me, te tigidali Negev hanu tǫ badu me, te tigidali Gosen bulu badu me, tama te dolo tǫ elaluali bulu me, te Jordan wę odogo bulu elaluali me, tama te malu tǫ bulu me, te nosali nogi yali te Israel dabego bulu du elaluali bulu me, te tigidali Josuago sela silai.

Te Israel me Juda Hani Sigo Tuni Bidigo Po Elalubo Buku Deli 15:20

Tama te king Benhadat agai te king Asago te ola tolali po agai odama, tama agai aga dali te po usu dao po wali. Tama teyu, agai aga ofisa bidi dabe dali e tama po wai, “Dagego te ami soldia bidi dabe selama, te Israel hanigo taunba boi hwįgi pao,” wali. Tama augwaligo te boi hwįgi pelama, tama augwaligo te hanu Ijon me, me te taun Dan me, me te taun Abel Betmaka, te taun sela tama augwaligo sali. Tama me te augwaligo te Galili bulu sigi wę ge elalubo pąde elalubo tǫ me, te Naptali hanigo te tigidali tǫ dabe me augwaligo sali.