Josua 11:11 - Godigo dwagi yai po buku

¹¹ Te Israel dabe augwaligo te Hasor hanude bidali bidi tigidali ela munama, tama deli me bidibeo. Tama augwaligo te hanu siago ulai dao.

Josua 11:11 Referans Kwoze

Josua 10:40

Tama elama, tama Josuago te tǫ tigidali badu te hwįanigo aiyaba elaluai. Agai te bulu dude bidali tuni bidi dabe me, te Negev dabe badu tuni bidi dabe me, te tǫ malude bidali tuni bidi dabe me, te bulu du pąde bidali tuni bidi dabe me, te agai augwali aiyaba elaluai. Agai bidi deli me sulama, gogola me tagalobeo. Agai tigidali ela muai. Agai te Israel dabego Genuai Bidi Godigo te agabolo wali po tiwai gilama yalio.

Bomai Po 20:16

“Tiali goli, dagego te Genuai Bidi dago Godigo dabolo mu mawainogo ebo te bulude dagego te hanu me siyu da, teda dagego tigidali we bidi elama, mu silao.

Bomai Po 7:2

Te God dago Genuai Bidigo dagego augwali aiyaba elalumainogo ebo si da, teda dagego augwali ela mu silao. Dagego augwali dali abagi olama, tama augwali hobede me eyu elamuo.

Bomai Po 3:7

Tama dago te kau kibu dabe, me te hanude elaluali nai dabe sese tama sai dao.”

Josua 6:21

Augwaligo te tigidali we bidi me, te gesi we bidi me, te monu dabe, mosi dabe me, te bulmakau dabe me, sipsip, donki me, te nai dabe dali augwaligo te moni hwą bainatgo ela silai.

Josua 6:24

Tama nosali te Israel dabe augwaligo sia nogolama, tama te hanu me te tomode elaluali nai tigidali te siago dai. Tiali goli, hasiabolo te Israel dabego te gol, me silva, me bras, me ain, tego nigali te nai dabe augwaligo selama, tama deli madi sisinama, te Genuai Bidigo mone mubo be tomoba muai dao.