Biblia Todo Logo
Bib sou entènèt

- Piblisite -




Josua 1:14 - Godigo dwagi yai po buku

14 Tialima, dagego e tǫ habu badu dagego selama da, tama duga we wai puluba me, te kibu dabe badi, augwali ede te wę Jordan e badu te Mosesgo mani tǫde tonaluyu bidagameo. Tiali goli, dagego ami bidi dabe da, augwa hwįabo nai dabe dodolama, tama e wę nogelama, te abagi dabe dali augwali polasa pelama, tama augwali tudi badu tonaluyu, te wąbi hwįbo tau somainao.

Gade chapit la Kopi




Josua 1:14
9 Referans Kwoze  

Te we agai te mama yai bobage ugwa me, te pe yai ugwa me muani, tama te ugwade haniani au yai te kapa golgo nigai nai elaluali, tama te wiegi yai au yai nai augwaligo gasa haniani wiegi yai masigi dali te bis dali sigo nigai. Tama te we agai nogogo te gol kap tolaluai. Tama te dwai damua pai haniani kolesaga me, te haniani dwai meda yai kolesaga te penani wego yali, te dwai kolesaga tigidali te kapde pągąnaluai.


“Tama te ami ofisa bidigo te po me waibao, ‘Te bidi meba te boi hwįbo wi elama, didibili homu ebo bidi me bidibo homu ebawe? Te tama tiwai bidi me ede bidibo wida, teda te bidi aga beba ma geasa pao, augwaligo ebo sęde meba bidi dabe me wi ilidali weyu.’


Tama tibaso, Godigo augwali te ni meni yai te tǫ wa pai bulu, te badu bagulama soyu, tama augwali te mama yai tamu ąįba pedelai. Augwaligo te boi bidi dali hwįbo nai me tolama pai.


Tama te we wai, me kau kibu, me sipsip kibu dabe te Gileat dabego hanude bidaibao.


Tama dagego we wai dabe augwali te dagebolo eno mani te hanu dabede tagalao, augwali tede tonalumainu yao. Eno koneani, dagego kau kibu hauwa bidibao. Tiali goli, augwali me te hanu dabede bidimainao.


“Dagego te po bugagia homu kone palao, te tigidali po Mosesgo dagebolo wai dao, aga te Genuai Bidigo sę ebo bidi bidali. Agai te po wali, ‘God, duga Genuai Bidigo, e tǫ dagebolo menama, tama dage tede bidiyu, toma tuabo madi elaluaibao,’ te po wai.


Te duga Genuai Bidi Godigo e tǫ dagebolo mawai dao. Tama dagego te gasa Israel hani bage duga abagi dede tau siyu, tama agai augwalibolo mabo tǫ sabo sogoba usu nagasu yao. Tama elama, te boi pilama wiegi yai pemene ebo sogo elaluyu, tama augwali me te toma tueibao, te dage megi ebo tiwai gilama yaibao. Tama tiliama, tama nosali dage duga e tǫba ma asomainogo, polobadu te tǫ Mosesgo dagebolo mawai dao, e tǫ te Jordan ąį badu, te giliga pedalubo badu dao,” Josuago te po wai.


Te Israel hani tobolu bidi dabego tǫ dobola sainogo sisinibo sogo, te Gat hani augwa digi augwa sabo tǫ genuai bage wiegi yai me dąį elama sali. Te wiegi yai tǫ dage me deli te Gat hanigo sali. Tama augwaligo Genuai Bidigo po me bomai po bugagia wali pali,” Mosesgo te po wali.


Te Rubengo bidi hani dabe me, te Gatgo hani me, te Manasego hani me badu badi, augwaligo te hwįainogo sisi elama, tama augwali polasa peyu, te gasa we bidi dabe augwali tudiba togolama, te Mosesgo augwalibolo wali po tiwai gilama yai.


Swiv nou:

Piblisite


Piblisite