Jona 4:6 - Godigo dwagi yai po buku

⁶ Tama God, Genuai Bidigo te bono me deli pedalumainu ilama, te Jona seselalumainu ilama, te giligago aga dolidali weyu, tama aga bugagia bidimainu yai. Tama Jona aga dwagi yai homu pemene mu te bonode yalio.

Jona 4:6 Referans Kwoze

1 Korin 7:30

Tama te homu dene eyu gela wabo bidi dabe, augwali te gela wasiąbo bidi dabe tiwai bidaluao. Te wiegi yai homu pemene ebo bidi dabe, te augwali wiegi yai homu pemene isąbo bidi dabe tiwai bidao. Tama te doado bage abelebo bidi dabe, augwali te doado bage mu sisąbo bidi bidibo tiwai bidao.

Dwagi Yai Gesi Po Lukgo Asęani 10:20

Dagego tama te ebo sęde dwagi yai homu egimio. Te po tagalu, ma dagego nogi te dagalude te buku mede asęai dao, tede dwagi yai homu iyąo,” Jisasgo te po wali.

Jona 1:17

Augwaligo Jona te ąįba sąnama, tama tiali goli, Genuai Bidigo te sųgų moni genuai me sa muyu, tagala palama, tama te sųgų agai Jona dalalio. Tama Jona te sųgų haligade sela sogo bidai, te ulade sela sogo, me te hulide sela sogo bidibadi yai dao.

Aisaia 39:2

Hesekiago te bidi dabego po odolama, tialima megi da, agai te bidi dabeba te mone dabe, me te aga gasa nai dabe augwaliba ola mawai. Te agai mone mubo bede te tigidali silva me gol suali, te wiegi yai denami ebo pauda me sanda dabe, me te hwįbo nai tigidali, te gasa nai tigidali te aga bakstuade munolubo me, te ola mena silalio. Hesekiago te nai deli me dualubeo. Menio. Agai augwaliba te kingo moni be tomode elalubo nai tigidali ola mawai, me te aga tonalubo bulu tǫ kantri pedai tigidali ola mena silai dao.

Esta 5:9

Te Hamango te nai daa tuali be habu taga soyu, tama aga wiegi yai homu pemene me dwagi yai homu mu ebadi yai. Aga peyu, suali, tama Mordekai te tuni bidigo be sunumi pąde dulalubo suali. Tiali goli, Mordekaigo aga sulama, tama aga dolugulama, agabolo siade da po wabeo. Tama tibaso, Haman haliga sębę dwai mu yali.

Amos 6:13

Dagego te taun Lodebar aiyaba elaluali da homu elama, pemene eyu, te dage hagoma eyu, bidibao. Tama dagego duga nogi ugwaba siyu, te po me obao, “Te dena bomogo digi te taun Karnaim sali,” homu ebao.

Bugagia Bidibo Kolesagade Po Asęai Buku 23:5

Te nago mone hauwa sobadi goli, te tagala, te polo tama sia saibao. Te mone te ba bogo tiwai elama, tama te ba kemodage tiwai ugwaba bola holobo dao. (8)

Jona 4:5

Tama Jonago te hanu tagalama, tama pelama, te giliga pedalubo badu bidigi palio. Agai te hobo yano be sęnama, tama aga tede bididuai. Agai te Ninive hanude magi nai pedalubowe naga suainu yalio.

Jona 4:7

Tiali goli, do kigamu mu Godigo te ni dolabo dwai nai me deli tagala palama, tama te bono sasia palio.

Jopgo Po Asęani Elalubo Buku 7:2

Da e tiwai olo sę bidigo te giliga ibaba dega sabode agai tigi dwanu kedau emai ebo. Tama da te sę bidigo aga mone sabo tonalubo tiwai dao.