Jona 4:11 - Godigo dwagi yai po buku

¹¹ Tama eno me, eno te Ninive hanude bidibo we bidide homu dene mu ebao. Te genuai hanu, tama te we bidi hauwa elalubao, te augwali bidibo bage nedali te namba hauwa bidi sese elalubo, te 120,000 edelalio. Tama te kibu bulmakau dabe me hauwa elalubao. Eno augwali tigidalide homu kone palobao.” Genuai Bidigo Jonabolo te po wai.

Jona 4:11 Referans Kwoze

Matyu 18:33

‘Tama te sogo eno nage hobede yai dao. Tama magi baso nago me naga abagi te gasa sę tonalubo bidi hobede yai meniwe?’ wali.

Jona 1:2

Agai te po wai, “Nage hogodama, digibulu pelama, tama nage te moni hanu Niniveba pelama, tama nago te augwaligo sęgę mu sali bomai po te we bidi augwalibolo magi pao. Eno te augwaligo ebo dwai sę hauwa sualio,” wali.

Godigo Nogi Ugwaba Sabo Tęąbi Po Wabo Buku Dabe 36:6

Te nago doloba pai kolesaga te genui mu elalubao, te bulu du dabe tobage tiwai elalubao. Dago nago te doloba pai po tų ebo page koneainu ebaso, te usu me egobeo. Te aiyanu mu dulali, te tamu ąį aiyanu mu ebo tiwai yai. Genuai Bidi, nago te bidi dabe me te hasa dabe bugagia tonalubaso, te augwali bugagia bidibo dao.

Bomai Po 1:39

“Nosali Genuai Bidigo da tigidalibolo te po wali, ‘Dagego wai bǫų dabego te dwai sę me wiegi yai kolesaga augwaligo me kuna dagalasiąyu ebo konebeo. Te augwali te wai puluba naga. Te augwali naga te bulu tomoba paibao. Dagego te po wali, te boi bidi dabego augwali elaibao, wali. Tiali goli, eno te bulu augwalibolo mawaibao. Tama augwali te bulude bidaibao.

Godigo Nogi Ugwaba Sabo Tęąbi Po Wabo Buku Dabe 104:14

Nago te kibu bulmakaugo tuabo nosa dabe pedalao wai, tama nai dabe meba da we bidigo bulama, sela tuabo nai me pedelai.

Jona 3:10

Tialima, augwaligo augwa dwai kolesaga ebo tagalali, tama Godigo augwaligo te tebo sę suai. Godigo agai homu hasegelama, tama agai te sę yaibao wali, tama te dwai dene mabo sę agai me ebeo.

Aisaia 1:18

“Odao. Da deliba sisinama, po mimainao. Dagego sęgę hauwa elalubadi me, tagala. Te dage te nala ugwa tiwai bidai goli, hoda naigo polo dolai dao. Ena Genuai Bidi, eno te po obao, eno te dage te tedela ais tiwai ma ilaibao. Awe, te hoda nai mu dąų wai goli, eno dage te tedela yai sipsip kibu nisi tiwai ma ilaibao.

Aisaia 7:16

“Ahas, megi da, nago te tuni bidi side nage wi ebo dao. Tiali goli, augwali sigo bulu dolama, tama augwaligo tǫ olo elaluaibao. Tama te nai sę da, te ogwa wai bǫųgo mena kolesaga dwai yaliwe, ma mena kolesaga wiegi yai yali homu konesiąbadi, te sę yaibao.

Aisaia 37:37

Tialima, aga dali te meba bidibo ami bidi dali, augwali hogodama, te Asiria pabo sunumidu begasa wali palio. Tama Senakerip te moni hanu Niniveba pelama, bidigi pai dao.

Jona 4:10

Tama Genuai Bidigo agabolo te tiwai po wali, “Te bono te deli sogo hulide naga pedelama, genuai yali, tama gasa hulide aga sasia pai. Nago agade dwasianu sę me ebe, tama nago aga genuai me ilibeo. Tiali goli, nago te dwasianu olo naide homu dene yai.

Tigidali Nai Gagalama Nigali Side 9:10

Tama eno te tigidali bidibo ula elalubo nai sibi dali me te bomo yai dwagi yai po dąų obao, te ba dabe me, te bidigo negebo hasa dabe me, tama te bulude bidalubo uni hasa sibi dabe me, tigidali te dage dali sip tomode bidaluai.