Jona 3:2 - Godigo dwagi yai po buku

² “Nage hogodama, tama nage te moni hanu Niniveba pao,” wai. “Tama eno nagebolo mani po, te nago te we bidi augwalibolo pusao,” wali.

Jona 3:2 Referans Kwoze

Esekiel 2:7

Nago koneani, augwali te hagoma bidi naga elalubao. Te augwaligo nago po odisąbadi goli, tagalao, te eno nageba mabo po tigidali te nago augwaliba walao,” te po wai.

Jeremaia 1:17

Tiali goli, nage da, nage sisi elama, hogodama pao. Te tigidali po eno nageba mani, te nago augwaliba pusao. Nage wi me isiąma, augwalide habu bulu me kila sigio. Nage tama tiyu da, teda te ena digi eno nage wi iliyu, te augwali gedude habu bulu kila somainu yaibao.

Jona 1:2

Agai te po wai, “Nage hogodama, digibulu pelama, tama nage te moni hanu Niniveba pelama, tama nago te augwaligo sęgę mu sali bomai po te we bidi augwalibolo magi pao. Eno te augwaligo ebo dwai sę hauwa sualio,” wali.

Dwagi Yai Gesi Po Jongo Asęani 5:14

Nosali Jisasgo te bidi te Moni Lotu Be tempel tomode ma sulama, te po wai, “Odaliwe? Megi da nage usu yali dao. Nago dwai sę dabe ebo tagalao. Tiyu moni sęgę nageba pedalabuo,” Jisasgo te bidibolo te po wai.

Matyu 3:8

Tama dagego homu kolesaga begelebaso da, teda dagego dwagi yai kolesaga naga yao. Tama tiyu da, dagego duga homu kolesaga mu begelali te dago hania koneaibao.

Jona 3:3

Tama tialima, Jonago Genuai Bidigo penane wali pelama, tama aga hogodama, Niniveba pai. Ninive te moni genuai hanu mu dao. Te bidi te hanu gasa bogo badu sabolainu peyu da, te aga sela sogo pelama, te hanu me bogo badu sabalubo dao.

Esekiel 3:17

Agai te tiwai po enabolo wali, “Tǫde bidio, eno nage te Israel dabe tonalubo bidi pedalumainu ilalio. Te eno augwaliba pusabo bomai po elalubaso da, teda eno nageba munama, te nago augwaliba pusagameo.

Jona 3:1

Tama Genuai Bidigo Jonabolo po ma wai,

Ma Dobola Sali 4:28

Tama Mosesgo Aronbolo te Genuai Bidigo agabolo wali po tigidali wai, te Genuai Bidigo aga tagala paliyu wali, te po wai. Tama Mosesgo Aronbolo te Genuai Bidigo agabolo te bidigo isiąwai bomai sę yabo po wali, te po me Aron dali wai.

Esta 9:31

Tama dage me, te duga wąį nosali pedalubo me, dagego te Purim side te bodolu si te dąų ola sao, te dagego nai osogo gisiliyu, te homu sęgę me gela weyu ebo sogo te dąų wabo bomai po tiwai gilama yao,” po wali. “Ena Mordekai de te kwin Esta dali, da sigo te bomo yai po dage tigidalibolo mobao.”

Jeremaia 1:7

Tiali goli, Genuai Bidigo e tama po enabolo wali, “Nago te tiwai po weyu, nage gesi ogwa bidi mu naga da wagio. Menio. Te eno nage gasa bidi hani meba bidiboba tagala palobo sogo da, teda nage augwaliba pagameo. Te eno nageba maiabo po tigidali, te po nago pusao,” wali.