Jona 2:8 - Godigo dwagi yai po buku

⁸ “Te tibo godiba lotu po wabo bidi dabe, augwaligo te nago augwali homu dene eyu, tau sabo kolesaga te tudiba mubo dao.

Jona 2:8 Referans Kwoze

Godigo Nogi Ugwaba Sabo Tęąbi Po Wabo Buku Dabe 31:6

Nago te tibo god dabede lotu wabo bidi dabe te wei mu me isiąwai. Tiali goli, eno konealubo homu nageba dąų wali.

Jeremaia 2:13

magi baso meni, eno we bidi dabego te dwai sę si yali. Hasia augwaligo ena tudiba muai. Ena te ulu wę tiwai te augwali bidabo ula maiabo wę elaluali, tiali goli, augwaligo ena tagalali. Tama me, tǫ diganama, augwa digi te wę sabobo nai nigali. Tiali goli, te wę sabobo nai te alua pelama, te ąį augwalide elalubo usu ebeo.’”

Te Israel me Juda Hani Sigo Tuni Bidigo Po Elalubo Buku Si 17:15

Te Israel hani bidi dabe augwaligo te augwa Genuai Bidi Godigo po tudiba sąnama, tama te bomai po te agai augwa wąį nǫų dabe augwali dali dąų wai po, tama te tigidali bomai po agai augwalibolo mani. Tama augwaligo te po umabo sogo mu sela sąnama, tama augwaligo te tibo godiba lotu po mu weyu, bidali. Te tibo god augwali te God mu menio. Tiali goli, te Israel we bidi dabe augwaligo te tibo god te olo naiba augwaligo lotu po bomo yali. Tama te Israel hani augwa digi augwa te olo bage gagawai mu pedelali, te olo tibo god tiwai. Polobadu te Genuai Bidigo augwalibolo e tama po augwalibolo ola mawai, “Dagego te dage pąde bidibo bidi dabego ebo kolesagadu wali pigio,” wali, tiali goli te Israel hani augwaligo te Genuai Bidigo wali po sela sąnama, tama augwaligo te hanigo yali kolesagadu wali pali.

Jeremaia 10:8

Te bidi dabego homu kolesaga te geda muyu, te augwali umuna pai mu elalubao. Magi baso meni, augwali te nigo nigali naiba naga pelama, te kolesaga sabo dao.

1 Samuel 12:21

Tama dagego te tibo god dabe wali me pelamuo. Augwali te olo nai naga elalu, tama augwaligo dage tau selama, te dage ma dobola sabo usu me egobeo.

Jeremaia 16:19

Genuai Bidi, nago ena dąų walama, ena obogo bagualubao, te nago ena te sęgę ebo sogo tau sobao. Te tigidali digibulu tǫ habu we bidi hani te nageba asama, augwa te tiwai po waibao, “Te dago wąį nǫų dabego tibo god, augwali te mu god menio. Augwali te olo bage tiwai elalu, te da tau sabo usu me ebe dao.

Godigo Nogi Ugwaba Sabo Tęąbi Po Wabo Buku Dabe 69:14

Nago ena te wę pude ma sobaso da, teda ena te tomoba hoa selama, tama tede me hagagobeo. Nago ena tonalubaso, te boi bidi dabego ena me dologobeo, tama te pu aiyanu igulali węgo te ena me mesegeligobeo.

Godigo Nogi Ugwaba Sabo Tęąbi Po Wabo Buku Dabe 142:4

Eno ena pąde tonono bilali, tiali goli, te ena tau sabo bidi me elalubo te eno me subeo. Ena menaba wi pogowe? Te enade homu kone palobo bidi meni.

Maika 1:2

Dage tigidali we bidi hani, te po odiąo. Dage te tǫde bidibo bidi tigidali, te Godigo poba olo muiyąo. God Genuai Bidigo dage po tų ilaibao. Dagego odao. Genuai Bidi aga be te dagalude bidiyu, te po walio.