Jona 2:6 - Godigo dwagi yai po buku

⁶ Ena te tamu ąį tomoba te tigidali bulu du page aiyaba mu dulali. Te dwai bulugo ena kalabus mu ilai. Tiali goli, Genuai Bidi, nage eno God, nago ena ma dobola salio. Tama eno te dwai bulu tagalama, ena te bidibo ulade bidibao.

Jona 2:6 Referans Kwoze

Godigo Nogi Ugwaba Sabo Tęąbi Po Wabo Buku Dabe 30:3

Genuai Bidi, ena isibo bidi tiwai yai digi, tama nago ena ma hodolali. Ena te isai bidi dabego pesageba dulali. Tiali goli, nago enaba te bidibo ula ma mawai dao.

Godigo Nogi Ugwaba Sabo Tęąbi Po Wabo Buku Dabe 16:10

Magi baso meni, nago ena te isai bidigo bulude bidimainu tagala palogobeo. Tama nago naga tedali gasagi yai bidi aga te gų pagede damua pomainao wagobeo.

Aisaia 38:17

Megi da, eno konebao, te sęgę dabe pedelali, te ena tau sainogo naga yai. Nago ena godolo mu elama, te nago ena te isali bidi dabego pesageba pomainu me ilibeo. Te nago eno yali dwai sę sęgę dabede homu kone me isąyu, tagalai dao.”

Habakuk 3:6

Te aga dolugulubo sogo da, tigidali tǫ midigi eyu, mumunu ebao. Agai te we bidi dabe augwali subo sogo da, augwali te ibaba kila sesa peyu, midigi sabo dao. Te genuai bomai bulu du dabe te alua pelama, tulaluaibao. Te polobadu aga bilali dwasianu bulu du dabe augwali te aiyaba kilasa dulubo dao. Genuai Bidigo ebo kolesaga dabe te sesemane sogo elalua paibao.

Aisaia 40:12

Te me deli bidibo bidi agai nogode te tamu ąį tigidali sabua sabo bidi bidiba, agawe? Te dagalu daide ugwadu usu siyu ebo bidi me deli elaluba, agawe? Te tǫ tigidali kabude bubo bidi me deli elaluba, agawe? Te bulu du dabe te skelba munama, skel ebo bidi me deli bidibawe?

Godigo Nogi Ugwaba Sabo Tęąbi Po Wabo Buku Dabe 143:7

Genuai Bidi, nago eno gedu haluasa po polo odao. Magi baso meni, te eno konealubo homu te dolali. Nage enade geme me duala sigio, tiyu ena isilama, te ena isali bidi dabego pesageba pidalio.

Godigo Nogi Ugwaba Sabo Tęąbi Po Wabo Buku Dabe 104:8

Tama peyu, tamu ąįgo tigidali bulu du tagalama, tama aga tǫ odogo dwagi yai digi pai. Nago tamu ąį tede bidao wai, tama megi aga tede bidibo dao.

Godigo Nogi Ugwaba Sabo Tęąbi Po Wabo Buku Dabe 104:6

Nago tamu ąį muani, te tǫ mesegelai elalubao. Tama ąįgo tigidali bulu du mesegelai.

Godigo Nogi Ugwaba Sabo Tęąbi Po Wabo Buku Dabe 65:6

Te nago bomogo te bulu du dabe pedalumainu elama, tama augwali te augwa pesagede elalubao. Nago bomo te genuai mu dao.

Godigo Nogi Ugwaba Sabo Tęąbi Po Wabo Buku Dabe 55:23

Tiali goli God, te nago te bidi ela mubo bidi dabe sela sąyu, tama te tibo po wabo bidi dabe me sela sąyu elama, tama augwali te dwai pesageba pelama, tama augwali hagawaibao. Te augwaligo bidabo sogo bodolu te me elalubadi, tama te augwali isaibao. Tiali goli, ena digi, teda eno konealubo homu nageba mu sesemane kęą paibao.

Godigo Nogi Ugwaba Sabo Tęąbi Po Wabo Buku Dabe 30:9

Tama eno te po wai, “Te ena te isai madiba pobaso da, teda te mena wiegi yai nai pedelaibawe? Te ena gų pageba pobaso da, teda tebogo de tau sogowe? Te isali bidi dabego nago nogi ugwaba somainu te homu eba, agawe? Te augwaligo nageba pusuyu, te nago sesemane sogo augwali wiegi yai bugagia ilibo da homu ebo po waiba, agawe? Menio.

Jopgo Po Asęani Elalubo Buku 33:28

Agai ena ma dobola selama, tama ena isibo bidigo buluba pabeo. Ena me bidiyu yaide, bulu ula me subaso, dwagi yai homu ebao,’ po wabo dao.

Jopgo Po Asęani Elalubo Buku 33:24

Tama ensel bidigo te bidi hobede ebaso, tama Godibolo e tama hanalu waibao, ‘Nago te bidi hobede elama, tama te bidi isibo bidigo buluba pomainu sula tagalamo,’ te po waibao. ‘Magi baso meni. Eno polo gegali, te bidi ma usu ilabo sunumi elalubao,’ ensel bidigo te po Godibolo waibao.

Bomai Po 32:22

Tama te sogo eno sębę te isi bogoli tiwai elama, tama tǫde nai dabe tigidali mu ulaibao. Te sębę te tǫ aiyadu dologodu paibao, te isai bidi dabego buludu paibao. Tama agai te bulu du dabe dolalubo masigi du dabe isi ulaibao.’”

Matyu 16:18

Tama eno nagebolo te po obao, nage Pita dao, te nogi page te masigi dao, tama eno ena po wali pabo we bidi hani te masigi daide pedalaibao, te be me deli te genuai masigi daide sę ebo tiwai. Tama te we bidi hani augwali te dwai mobo bidi Satango we bidi ela muabo bomogo augwali me aiyaba elalugobeo.

Godigo Nogi Ugwaba Sabo Tęąbi Po Wabo Buku Dabe 18:5

Te pąde ena isainu yali, te bonogo ena bomonama kęnani tiwai yali. Te gų pagego ena dalainu tonaluai.

Godigo Nogi Ugwaba Sabo Tęąbi Po Wabo Buku Dabe 116:3

Isibogo te bonogo ena kębo tiwai yali. Eno te isibo bidi dabego pesageba homu kone ebode, tama tego ena wi mu ilama, tama ena gasa homu tedali mu yai dao.

Aisaia 38:10

“Eno homugo tama tiali, hobede ya, te megi tebogo ena gesi bidi tigi elalubadi, te ena isiyu, te tǫ taga paibao homu yai. Tama ena te isali bidigo bulu pesageba bidigi paibao.

Esekiel 26:20

Te sogo eno nage te isai bidi dabego bulu pesageba tagala palaibao, tama nage te polobadu bidi dabe dali bidaibao. Te eno nage te tǫ dologode te dolali taun dabe dali sesemane sogo bidimainogo yaibao. Tama nagede te bidi dabe bidimainogo me egobeo. Tama nage te tǫde wiegi yai taun ma pedelama bidainogo ebaso, te usu munu ma egobeo.

Esekiel 31:14

Tama tibaso, nosali da, eno te ni tiwai bobobage me holomainu sula tagalogobeo. Te augwaligo wę hauwa sobadi me tagalao, augwali ugwanu bobobage me hologobeo. Menio. Augwali sese isimainu yaibao. Te bidi dabe yali gilama tama augwali te isai bidi dabego buluba aiyaba dulaibao,’ te po te Isip bageba pusao,” Genuai Bidigo enabolo te po wali.

Godigo Nogi Ugwaba Sabo Tęąbi Po Wabo Buku Dabe 69:2

Ena te genuai ąį pu tomoba hoa sigiluai. Te ena doligiluabo madi te tǫ dili yai me elalubeo. Ena te wę ge bo delama, te aiyanu mu igulai madi bilibao, tama te ge bo dali węgo ena mesegelainu mu ebo dao.