Jona 2:2 - Godigo dwagi yai po buku

² Agai te po wai, “Genuai Bidio, eno sęgę tolali, tama eno nagebolo i wali, tama nago eno i wabo odali. Ena te isibo bidi dabe dwai bulude bidibaso, tama eno nageba gela wali. Tama nago eno gela wabo odai dao.

Jona 2:2 Referans Kwoze

Godigo Nogi Ugwaba Sabo Tęąbi Po Wabo Buku Dabe 120:1

Te sęgę enaba pedalubo sogo, eno te Genuai Bidiba i wali, tama agai eno gedu haluasa po odoyu, tama wei ponani.

Godigo Nogi Ugwaba Sabo Tęąbi Po Wabo Buku Dabe 34:6

Te sęgę elalubo bidi dabego te Genuai Bidiba gedu haluasa po obaso, tama agai te augwaligo gedu haluasa po wabo odolama, tama augwa te tigidali sęgęde te augwali tau sali.

Godigo Nogi Ugwaba Sabo Tęąbi Po Wabo Buku Dabe 86:13

Magi baso meni, nago sesemane sogo ena wei mu ebo dao. Nago ena te isabode ma dobola selama, tama ena te isibo bidi dabego pesageba pabeo.

Hibru 5:7

Polobadu Jisas te e tǫde bidi tiwai bidibadi, te sogo agai po Godibolo wai. Godigo aga te isibode ma sabo homu yali, tama tiyu agai gedu haluasa po aga dali weyu genuai i wali, tama aga gela hauwa mu wai. Agai aga homu kolesaga te aga digi aiyaba elaluama tama imilai bidi bidama, tama aga God dologode bidali, tama tibaso Godigo agai gedu haluasa po wabo odai dao.

1 Samuel 30:6

Te Devitgo bidi dabego homugo te boi bidi dabego te augwaligo we me wai sela pali homu elama, tama augwa haliga sęgę elama, tama Devitba wado po wali. Tama tialima, augwaligo agaba te masigi sąnama, tama aga ela muaibao wali. Tama Devit aga genuai sęgę mu elaluali. Tama Devitgo gedu haluasa po, te aga Genuai Bidiba wali, tama Godigo aga homu kolesaga dąų walalio.

Matyu 12:40

Tama polobadu te tiwai yai te bidi Jona sela sogo giligade me sela sogo hulide te genuai sųgų haliga tomode bidai, tama te tiwai yali gilama naga te Godigo Bidi Mu aga me te sela sogo giligade me sela sogo hulide e tǫ tomode bidaibao, te isai we bidi bidibo madide.

Godigo Nogi Ugwaba Sabo Tęąbi Po Wabo Buku Dabe 116:3

Isibogo te bonogo ena kębo tiwai yali. Eno te isibo bidi dabego pesageba homu kone ebode, tama tego ena wi mu ilama, tama ena gasa homu tedali mu yai dao.

Godigo Nogi Ugwaba Sabo Tęąbi Po Wabo Buku Dabe 22:24

Agai te magi doado bage meni yai bidi dabe tudiba me mubeo. Agai te augwalide sęgę me dene ebo te olo nai da homu me egobeo. Tama aga te augwalide digibulu me bidigobeo. Menio. Agai te augwaligo usu da weyu, gedu haluasa po wabo odobo dao.” Eno tama po waibao.

Godigo Nogi Ugwaba Sabo Tęąbi Po Wabo Buku Dabe 4:1

God, nago ena tonalubo bidi da. Te eno nageba i wabo sogo, nago te eno i wabo odoyu, tau sao. Polobadu ena haliga sęgę dwai ebaso, tama nago eno te haliga sęgę ebo dagala sąwani. Nago te olo mu tau sabo wiegi yai kolesaga enaba megi elama, tama eno gedu haluasa wabo po odao.

Dwagi Yai Gesi Po Lukgo Asęani 22:44

Jisas aga homu sęgę mu ebaso, Godibolo aga hanalubo po bomonama wai. Tama Jisasgo tigide te posolo wę kisu yai, te wę te tǫba tuloluai, te kaneme tiwai.]

Aisaia 14:9

“Te isai bidi dabego bulude augwaligo te homu pemene ebo po wainogo dodalubao, magi baso meni, te tuni bidi asobao. Te gų pagego tede bidibo bagebolo te po waibao, ‘Te genuai bidi dage hodaloao. Me, dage tuni bidi dabe duga tuni bidi sia sai tagalao. Dage tigidali aselama, e bidi asobo suagasiąo, tiąba asiąo,’ waibao.

Godigo Nogi Ugwaba Sabo Tęąbi Po Wabo Buku Dabe 65:2

Nago dago gedu haluasa po wabo odobo dao. Tama tibaso, da tigidali we bidi te nageba asobao.

Godigo Nogi Ugwaba Sabo Tęąbi Po Wabo Buku Dabe 61:2

Ena te ena bulu pesage digibulu bidibao, tama eno haliga te sęgę mu ebao. Tama tibaso, te eno nageba i weyu, te nago ena tau somainu ebo dao. Nago ena te geme dualabo pesage me deliba odasa pobaso da, teda te boi bidi dabego ena me dologobeo.

Godigo Nogi Ugwaba Sabo Tęąbi Po Wabo Buku Dabe 16:10

Magi baso meni, nago ena te isai bidigo bulude bidimainu tagala palogobeo. Tama nago naga tedali gasagi yai bidi aga te gų pagede damua pomainao wagobeo.

Godigo Sęba Tagala Palai Bidigo Po 2:27

Magi baso meni. God, nago eno noma te isi bidi dabego pesagede olo tagalogobeo. Ena da, te nago dwagi yai sę ebo bidi da. Tama eno tigi nago damua pomainu tagalogobeo.

1 Samuel 1:16

Nago homugo ena te dwai we me deli da, te tiwai homu me elamuo. Menio. Eno homude dwai homu mu eyu, te eno homu dolobo homu ebao. Tama eno gedu haluasa po weyu, te tiwai kolesaga ebo nago suali,” Hanago te po wali.

Te We Bidi Dabego Jerusalem Hagede Gela Wali 3:55

Genuai Bidi, ena dolama mu bidiyu, tama ena isai bidigo bulude bidibo tiwai bidibo ąǫ yali. Tama nago ena tau somainu, eno nage i wali.

Esekiel 26:20

Te sogo eno nage te isai bidi dabego bulu pesageba tagala palaibao, tama nage te polobadu bidi dabe dali bidaibao. Te eno nage te tǫ dologode te dolali taun dabe dali sesemane sogo bidimainogo yaibao. Tama nagede te bidi dabe bidimainogo me egobeo. Tama nage te tǫde wiegi yai taun ma pedelama bidainogo ebaso, te usu munu ma egobeo.

Esekiel 31:14

Tama tibaso, nosali da, eno te ni tiwai bobobage me holomainu sula tagalogobeo. Te augwaligo wę hauwa sobadi me tagalao, augwali ugwanu bobobage me hologobeo. Menio. Augwali sese isimainu yaibao. Te bidi dabe yali gilama tama augwali te isai bidi dabego buluba aiyaba dulaibao,’ te po te Isip bageba pusao,” Genuai Bidigo enabolo te po wali.

Tuni Bidi Dabego Po Elalubo Buku Si 33:12

Tialima aga sęgę genuai mu tolaluali, tama tibaso aga digi Genuai Bidi aga wąį dabego Godigo gedude aga digi aga aiyaba elaluali. Tama aga God pageba ma asali.

Dwagi Yai Gesi Po Lukgo Asęani 11:10

Magi baso meni. Tigidali bidigo gedu haluasa po God dali hanalu wabo bidi dabe, augwaligo te nai saibao. Te nai gegebo sę ebo bidi, agai te nai sueibao. Tama te be tųba elebo bidi, teda Godigo te bidibolo tų dalobo dao,” Jisasgo augwalibolo te po wai.