Jona 2:10 - Godigo dwagi yai po buku

¹⁰ Tama Genuai Bidigo po te genuai sųgųbolo olama, tama sųgųgo Jona te tamu ąį saniba buguligi pai dao.

Jona 2:10 Referans Kwoze

Godigo Nogi Ugwaba Sabo Tęąbi Po Wabo Buku Dabe 33:9

Magi baso meni, agai po naga obaso, tama te tǫ pedelali. Agai bomai po waligo, tama tigidali nai elalubao.

Jona 1:17

Augwaligo Jona te ąįba sąnama, tama tiali goli, Genuai Bidigo te sųgų moni genuai me sa muyu, tagala palama, tama te sųgų agai Jona dalalio. Tama Jona te sųgų haligade sela sogo bidai, te ulade sela sogo, me te hulide sela sogo bidibadi yai dao.

Aisaia 50:2

“Eno dage gegagasali sogo, magi baso eno te bidi me deli bidibo subewe? Te eno dage i wali sogo, magi baso dagego eno i wali wei ponobewe? Dagego homugo te eno dage ma sabo bomo meni da homu yali da, agawe? Odao. Eno te po obaso, te tamu ąį tigidali mu sula saibao. Eno te po obaso, te genuai soabo ąį te masigi sane olo elalueibao. Te sųgų dabe isilama, kugumini dwai yaibao.

Tigidali Nai Gagalama Nigali Side 1:3

Tama Godigo te po wai, “Ula pedelao!” wai. Tialima, ula pedelai.

Godigo Nogi Ugwaba Sabo Tęąbi Po Wabo Buku Dabe 105:34

Agai po obadi, te kuli mano dabe pedelai, te hauwa mu pedelai, dago nedebo usu egobeo wai.

Godigo Nogi Ugwaba Sabo Tęąbi Po Wabo Buku Dabe 105:31

Godigo po olama, tama bolia me, dina me, hauwa pedelama, tigidali tǫ, me bulu dabe tigidali mu pągąna sai.

Tigidali Nai Gagalama Nigali Side 1:14

Te tudibadu Godigo te po wai, “Te be huliyu, posoyu yabo te bodolu mumainogo, te ula ebo nai dabe te dagalude pedalumainao. Tama elaluyu, augwaligo te polua dabe me, te kibu be dabe me, te kibu be yabo sogo te haniani bodolu muna muna paibao.

Tigidali Nai Gagalama Nigali Side 1:11

Te tudibadu Godigo te po wali, “Te haniani te tǫde holabo nai pedalumainao, te tubo ge walobo keba dabe me, te haniani du walobo nedu du wai pedelao,” po wai. Tama te nai dabe pedelalio.

Tigidali Nai Gagalama Nigali Side 1:9

Nosali Godigo te po wai, “Te dagalu dologode elalubo wę, te wę dologode elalubo tǫ hania ugwaba pedalumainogo eyu, te wę te deli madiba me sisinigi pelama, te bulu tǫ wa pomainao,” te po wai. Tama tiyu, tama te bulu tǫ pedelama, tama wa pali.

Tigidali Nai Gagalama Nigali Side 1:7

Godigo te dąį pedalumainogo yali, te ugwadu elalubo ąį me, aiyadu elalubo wę me, te buguliyu tama tiali.

Jona 3:1

Tama Genuai Bidigo Jonabolo po ma wai,

Godigo Nogi Ugwaba Sabo Tęąbi Po Wabo Buku Dabe 22:26

Te magi nai doado bage meni yai bidi augwali eno i obaso, augwali aselama, te nai tulama, haliga mu pągąna paibao. Tama te Godiba pabo bidi dabego, teda augwaligo aga nogi ugwaba saibao. Eno homugo Godigo augwali sesemane sogo bugagia wiegi yai ilama, bidimainu yao.

Aisaia 38:20

“Genuai Bidigo ena usu ma ilali. Te tigidali side da te Genuai Bidigo tempel beba pelama, te balia po weyu, musik weyu, te agai nogi ugwaba saibao. Dago te tiwai sę te da bidibo ula elalubo sogo tiwaibao,” te po wai.

Aisaia 43:11

Ena naga ena Genuai Bidi dao, tama sesemane sogo eno dage ma sabo dao. Te gasa god dage dali me bidiyu, te dage tau me sabeo. Menio.

Hosea 13:4

Genuai Bidigo te tiwai po wali, “Ena God, duga Genuai Bidi da, eno dage te Isipde selama, tedu eba odasa asai. Ena deli naga, ena duga God dao. Te gasa me menio. Enaduba deligo naga eno dage ma sabo dao.

Hosea 14:3

Te Asiria dabego da ma dobola sogobeo, usu egobeo, tama te hwįbo hos dabego me da tau me sogobeo. Te usu egobeo. Dago te tibo god nigali, te dago te tiwai po augwaliba ma weyu, ‘Dage te dago god da,’ me wagobeo. Genuai Bidi, nago dabolo te homu dene eyu, tau sabo wiegi yai kolesaga ebo dao, magi baso meni, da te aya meni yai wai puluba bidibao, te tau sabo usu meni yai bidibo dao.” Dagego tama gedu haluasa po agabolo wao.