Jona 2:1 - Godigo dwagi yai po buku

¹ Jona te sųgų haligade bididu, tama agai Godibolo gedu haluasa po wali, agai Genuai Bidi dao.

Jona 2:1 Referans Kwoze

Godigo Nogi Ugwaba Sabo Tęąbi Po Wabo Buku Dabe 91:15

Te augwaligo enaba gedu haluasa po wabo sogo, te eno augwaligo wabo po odaibao. Tama te sęgę augwaliba pedalubaso da, te ena augwali dali bidaibao. Tama eno augwali ma selama, tama augwaliba te genuai nogi mawaibao.

Jopgo Po Asęani Elalubo Buku 13:15

Eno gasa nai me tonalubeo. Ma, tama Godigo ena elama, isiliyu da, teda aga homugo naga dao. Tama tiali goli, hasia eno agai gedu e tama ola mawaibao, eno dwai sę me ebeo.

Aisaia 26:16

Genuai Bidi, nago naga we bidi dodolomainogo eyu, dene mu mani, tama augwaligo bomo mu sia salio. Tiali goli, augwali moni homu dene dali nage pageba aselama, nageba gedu haluasa po walio.

Godigo Nogi Ugwaba Sabo Tęąbi Po Wabo Buku Dabe 50:15

Dagego tama tibo si, tama te sęgę pedalubo sogo, dagego enaba i waiyą, tama te eno dage tau mu siyu, tama dagego eno nogi ugwaba sagameo,” po wali.

Jems 5:13

Te dage tomode bidi me deli aga te sęgę tolobawe? Tibaso da, agai te Godibolo gedu haluasa po hanalu wao, Godigo aga tau somainogo. Ma, bidi me aga homu dwagi yai eyu bidibawe? Te homu ebo bidi agai te Godibolo wiegi yai homu elama, tęąbi po weyu, Godigo nogi ugwaba sao.

Hosea 5:15

“Te ena te ena buluba ma pelama, te ena we bidi tagaligi pelama da, tama te augwali te augwa yali dwai sęgęde te dene me sęgę sabo sogoba usu somainu yaibao. Tiali goli, nosali te augwali enaba ma asaibao. Te augwali dwai dene siyu bolo elama, te augwali enaba ma asaibao,” wai dao.

Te Israel me Juda Hani Sigo Tuni Bidigo Po Elalubo Buku Deli 17:4

“Nago te wę tuyu bidao. Tama eno te ba tadibolo olama, tama augwaligo tigidali sogo nagebolo nai magasu yaibao,” wali.