Jona 1:4 - Godigo dwagi yai po buku

⁴ Tiali goli, augwali pobadi, te Genuai Bidigo te bomai wali te tamu ąįde pedalumainu ilali. Tama te wali dali, kulubage si te bomo mu elama, tama te sip dolainu yalio.

Jona 1:4 Referans Kwoze

Amos 4:13

Godigo naga te bulu du dabe nigali, te wali me pedalumainu ilibao. Agai aga homu kolesaga te we bidibolo haniliyu, ola mabo dao. Agai bomogo naga te be posobo ula hasegeleyu, tama be hulibo dao. Aga te bulu du dabe daide ugwadu biliyu, te tǫ habu tigidaliba tonalubao. God, Tigidali Bomo Elalubo Genuai Bidi, aga digi te kolesaga ebo dao.

Godigo Nogi Ugwaba Sabo Tęąbi Po Wabo Buku Dabe 135:7

Agai te tulubage tulubo pǫ te tigidali tǫ badu pedalumainu elama, tama be sele te tulubage dali pedalumainu ebo dao, tama te wali hodolama, te tedela palobo dao.

Ma Dobola Sali 10:19

Tama Genuai Bidigo te wali hasegelama, te bomai wali te sia ge dega sabo badu asomainogo yai. Tama waligo te kuli mano tigidali te mama yai tamu ąįba selasa pai. Tama te Isipde te kuli mano tede me deli bidibeo. Menio.

Israel Hanigo Namba 11:31

Tama te Genuai Bidigo moni genuai wali te tamu ąįde pedalomainogo elama, te waligo te ba sibi hauwa mu te wan mita tama ugwadu te tǫba bola asali. Tama augwali te bidi dabe bidibo pesage tomoba, me te bidibo pesage bogo badu dabe me duadua peyu tama yali. Augwaligo te kilomita hauwa mu te tǫ mesesege pelama elaluali. Te augwali bidibo pesage nigilama bidali tǫ sesegede tigidali tama.

Ma Dobola Sali 15:10

“Tiali goli nago mobo deli sogo naga ponani, tama tamu ąįgo Isip dabe mesega sai. Tama augwali aiyaba tomoba mu te tamu wę tomoba masigi dulubo tiwai yai.”

Ma Dobola Sali 14:21

Tama Mosesgo nogo ugwaba selama, tama tamu ąį hulide usu sai, tama Genuai Bidigo bomai wali te sia ge pedalobo badu asiyu pedelali, tama te waligo te tamu ąį te sia ponobo tiwai edubadi, tama be posai. Tama waligo te tamu ąį ma sela sąbode, tama tamu ąį tomode si peda pai.

Ma Dobola Sali 10:13

Tama Godigo te po obaso, Mosesgo dono ugwaba sali, tama Genuai Bidigo te giliga pedalobo badu te wali te deli sogo giligade aselama, tama be hulia sai. Tama kigamu te waligo te kuli mano dabe selasa asalio.

Godigo Nogi Ugwaba Sabo Tęąbi Po Wabo Buku Dabe 135:6

Genuai Bidigo mena sę te dagalude me, te tǫde me, te tamu węde me, te tamu wę pagede yabo homu ebaso da, teda agai te sę ebo dao.

Jeremaia 51:16

Agai po obaso, te dagalu pǫ dabego te be kulu bomonama obao, te pǫ hauwa umabo hogodobao, te gasa badu gasa badu asama, deliba sisinagasobao. Agai te be sele ula ilibaso, te tulubage aiyaba tulubao. Agai te wali hodolobaso, te wali aga bidali badu tagalama, asobo dao.

Godigo Nogi Ugwaba Sabo Tęąbi Po Wabo Buku Dabe 148:8

tama te pǫde elalubo be sele, tama te talua ge tulubage me, te pǫ dabe, te bomai waligo me, te Genuai Bidigo po wali pabo bage, dagego agai nogi ugwaba siąo.