Jona 1:17 - Godigo dwagi yai po buku

¹⁷ Augwaligo Jona te ąįba sąnama, tama tiali goli, Genuai Bidigo te sųgų moni genuai me sa muyu, tagala palama, tama te sųgų agai Jona dalalio. Tama Jona te sųgų haligade sela sogo bidai, te ulade sela sogo, me te hulide sela sogo bidibadi yai dao.

Jona 1:17 Referans Kwoze

Matyu 12:40

Tama polobadu te tiwai yai te bidi Jona sela sogo giligade me sela sogo hulide te genuai sųgų haliga tomode bidai, tama te tiwai yali gilama naga te Godigo Bidi Mu aga me te sela sogo giligade me sela sogo hulide e tǫ tomode bidaibao, te isai we bidi bidibo madide.

Dwagi Yai Gesi Po Lukgo Asęani 11:30

Polobadu Godigo po ola mabo bidi Jona aga isali tiwai. Tama ma hodolama, agai Godigo po te moni hanu te be nani nogi Ninive tede bidali we bidibolo Godigo po pusigi pali. Tama te tiwai ena te Godigo Bidi Mu te dage megi bidibo bagebolo pedelaibao.

Matyu 16:4

Dage dwai we bidi hani, te aga bidi tagalai we agai penani sę ebo gilama, te dagego God tagaliyu ebo we bidi dabego te bomai sę suainogo i obao. Tiali goli eno bomai sę te dagego sumainogo me egobeo. Menio. Te dagego Jonago polobadu mu yali bomai sę naga suagameo,” wali. Tama Jisasgo augwali tagalama, gasaba pai.

Habakuk 3:2

Genuai Bidio, te nago bomogo yali sęde po eno odolama, te ena noma siyu, nage dologode bidabo homu ebao. Te polobadu nago yali genuai genuai sę dabe, eno homugo nago te tiwai bomai sę dabe te nago da megi bidibo sogo ma emainu homu ebao, te megi e sogo bidibo bidi dabe augwaligo nago te tebo sę ebo kolesaga sulama konemainao. Mu tama, nago dade sębę ebo page elalubao, tiali goli, nago te hobede ebo God da, te eno nagebolo hanalubo, te nago da hobede elama, tama da tau sao.

Jona 4:6

Tama God, Genuai Bidigo te bono me deli pedalumainu ilama, te Jona seselalumainu ilama, te giligago aga dolidali weyu, tama aga bugagia bidimainu yai. Tama Jona aga dwagi yai homu pemene mu te bonode yalio.

Tigidali Nai Gagalama Nigali Side 1:21

Tama tiyu, Godigo te tamu ąįde bidabo moni dobo dwai sųgų dabe nigilali, tama te węde bidabo haniani ąį hasa me, te haniani ba dabe me nigilai. Godigo aga digi nigali nai dabe tigidali suali wiegi yai yai baso, tama aga dwagi yai homu pemene yai.

Jona 2:10

Tama Genuai Bidigo po te genuai sųgųbolo olama, tama sųgųgo Jona te tamu ąį saniba buguligi pai dao.