Jona 1:16 - Godigo dwagi yai po buku

¹⁶ Tama tebo sulama, te sip guni tolasa pabo bidi dabe augwali Genuai Bidide wi mu elama, tama augwaligo agabolo ofa ilama, tama agabolo te augwaligo nosali yabo kolesaga po meba dąų walalio.

Jona 1:16 Referans Kwoze

Godigo Nogi Ugwaba Sabo Tęąbi Po Wabo Buku Dabe 107:22

Augwa te agaba usu da wabo ofa emainu yao. Tama augwa te pemene ebo tęąbi po weyu, tama te we bidi dabeba te agai wiegi yai sę yali po pusao.

Godigo Nogi Ugwaba Sabo Tęąbi Po Wabo Buku Dabe 50:14

“Te dagego enaba usu da mu waiyąo, tebo te dagego yabo ofa tiwai tama. Te dagego te enaba olo mabo tigidali nai maiyabo po wali, te Ugwadu Bidibo God Mu te enaba dagego maiyąo.

Tigidali Nai Gagalama Nigali Side 8:20

Tama Noago te Yawebolo nai olo momainogo eyu, tama te ofa maiabo alta sai nigali. Tama agai te tigidali haniani hasa sibi tigidaligo te ofa maiabo usu yai hasa deli deli, me te ba dabe me sobadi elama, tama agai augwali elama, ofa yalio. Tama agai te alta sai ilali madi daide ulali.

Godigo Sęba Tagala Palai Bidigo Po 5:11

Tigidali we bidi Jisasgo po wali pabo bidi te po odali, tama augwaligo moni wi mu yalio. Te olo bidi dabego me sulama, wi mu yali.

Dwagi Yai Gesi Po Makgo Asęani 4:31

Te tiwai nai wai me deli te nogi dago te mastet wabo. Te nai mastet wai ge da te e tǫde gasa tigidali elalubo nai wai ge tiwai me elalubeo. Menio. Te dwasianunu mu tama. Bidigo te nai wai ge te tǫba bulaibao.

Jona 1:10

Tama Jonago te sip tomode sę ebo boskru bidi dabe augwalibolo hasia bolo te po wai dao, “Eno te Genuai Bidi taga soyu, wi soai.” Tialima, augwaligo te po odama, tama augwali wi mu yai. Tama augwaligo Jonabolo te po wali, “Tegoba! Nago dwai sę genuai mu yalio!” po wai.

Daniel 6:26

“Dage eno bulu tǫ pedai kantri dabe we bidi dabeo, eno te po odiąo. Dage tigidaligo genuai nogi te Danielgo Godiba menama, tama te God dologoba pelama bidao. Te God te sesemane sogo bidada pobao. Aga te king sesemane sogo bidada pidu, bidada paibao, tama aga te we bidi tonalubo bomo te me siligobeo.

Aisaia 26:9

Te hulide eno homu nage delide naga elalubo dao. Tama kigamude ena nage dali bidibo godolo mu ebo. Magi baso meni. Nago te tǫde we bidi po tų ela mabo dao, te augwali nago doloba pai kolesaga ola mawainogo.

Kolesaga Koneai Bidigo Pusali Po Elalubo Buku 5:4

Te nago Godiba po dąų wai digi, nago te dąų wali po polo usu nao. Godigo te dwagi yai homu kolesaga sabo hagela homu ebo bidi dali dwagi yai homu egobeo. Tama tibaso, nago te dąų walali po polo usu nao.

Godigo Nogi Ugwaba Sabo Tęąbi Po Wabo Buku Dabe 116:14

Te aga we bidi tigidali sisinibo madi te eno po dąų wali gilama te tama tiwai yaibao.

Te Israel me Juda Hani Sigo Tuni Bidigo Po Elalubo Buku Si 5:17

Namango te po wai, “Tialima, nago homugo te puba hwi nai enade sogobe wida, awe, teda tagalao. Tialima, eno homugo nago ena sula tagalao, eno te Israel bagego tǫ me eno saio, dwasianu te eno donki kibu sigo tolabo usu nuo, tama ena buluba ma peyu, selasa paio. Te tǫ aiyadu munama, Genuai Bidi dolo denami yai ofa nai ulabo madigi sai yainu, alta ugwa badu te Genuai Bidi dolo denami yai ofa nai ula mabo sę yaio. Tama nosali eno te ofa nai siaba ulama, te siago tigidali ulama, te siago tigidali nai dela pabo ofa nai me, tama te gasa ofa nai me, te genuai mu deliba tama sisinama, ulaio. Tama eno te gasa tibo godiba ofa nai ula magobeo, eno munu ma usu egobeo. Mu menio.

Tigidali Nai Gagalama Nigali Side 28:20

Tama Jekopgo te tiwai po God dali dąų wali, “Te nage ena dali bidiyu, tama nago ena e bobobage sunumidu pobadi tonaluyu, tama nago ena te nai me, ugwa me menama,

Jona 1:14

Tialima, augwaligo Genuai Bidibolo i wali, “O Genuai Bidi, dago nagebolo gedu haluasa po obao. Te dago e bidi te tamu ąįba sąbaso da, teda nago da isimainu me elamuo. Nago da po tų me iligio, te nago te bidigo gasa bidi ela mubaso, te po tų ebo tiwai igio. Genuai Bidi, nago te naga homu wali peyu, tama nago te sę ebao,” wali.

Jopgo Po Asęani Elalubo Buku 37:24

Tama tibaso, we bidi agade wi ebo dao. Tama agai olo te bidi dabe augwaligo homugo augwali homu kolesaga hauwa elalubao homu ebode odobo menio,” Elihugo te po wai.

Jeremaia 5:22

Magi baso dage enade wi elama, midigi ebo meniwe? Eno te nambis wę sane muani, te tamu ąįgo dąį tiwai nigilali, tama te nambis ąį sane te sesemane te obo tiwai elalubao. Te genuai si pedalu, te bomonama bugusu obadi, agai te dąį ilali me bogi soagobeo.