Jona 1:12 - Godigo dwagi yai po buku

¹² Tama Jonago po wei ponoyu, te po wai, “Dagego ena selama, tama ena te tamu ąįba sąbaso da, tama te ąį dini silaibao. Ena koneani, ena digi ena te genuai ąį dini te dageba pedelabo page enade yalio,” Jonago te po wai.

Jona 1:12 Referans Kwoze

2 Samuel 24:17

Devitgo te mobo bidi ensel sulama, tama agai Genuai Bidiba te tama po wai, “Eno naga tama eno te dwai sę yali, tama eno dwai sę genuai yalio. Tiali goli, te we bidi dabe augwali, augwa te mena dwai sę ebaso, tama nago augwaliba te dene maniwe? Nago te ena me, ena we wai, dabolo naga te dene magi sogo da, usu igi tama dao,” wali.

Tuni Bidi Dabego Po Elalubo Buku Deli 21:17

Tama Devitgo Godiba te tiwai gedu haluasa po wali, “Ena digi eno te po obaso, augwaligo te we bidi dabe nedalio. Eno naga eno te sęgę sali, tama eno dwai sę genuai yalio. Tialima te we bidi augwali hobedagi yali, augwaligo mena sę ebaso nago augwaliba te dwai dene maniwe? Augwali da, augwali te olo bidibo sipsip dabe naga tiwai dao. God, eno Genuai Bidi, nago ena te ena we wai dabe daliba te dene mao, tama nago naga we bidi dabe augwali te dwai gasigo dolomainu sula tagaligio,” wali.

Josua 7:12

Tama tialigo te Israel augwali bomo elama dolalu, te boi bidi dabe dali hwįabo te usu ebeo. Megi da, augwali te boi bidi dabe dali hwįbo wi soai, magi baso meni, te augwali dolomainao! Te dagebolo eno habu selali nai dabe te dagego dolisiąbaso da, teda ena munu me dage dali bidimainogo egobeo,” Genuai Bidigo wali.

Godigo Sęba Tagala Palai Bidigo Po 27:24

Tama agai enabolo tama wali, ‘Pol, nage wi egio. Nage te moni Rom gavman tobolu bidi agai gedude dolalu, naga po wao. Tama odao. God da, te dwagi yai bidi mu dao. Tama tibaso, Godigo nagebolo dwagi yai sę elama, tau selama, tama te moni gebade nage dali bidibo bidi me deli isigobeo,’ te ensel mobo bidigo enabolo tama wali.

Dwagi Yai Gesi Po Jongo Asęani 11:50

Dago hani tigidali dolidali weyu, bidi me deli isilama, tama aga isibogo te we bidi tau siyu da, te usu yaibao. Dagego te konebewe?” Kaiafasgo te po wai.

Kolesaga Koneai Bidigo Pusali Po Elalubo Buku 9:18

Wiegi yai homu kolesagago te boi hwįbo nai aiyaba elalubo dao. Tiali goli, bidi me deligo dolo meni yai kolesaga ebaso, agai te wiegi yai kolesaga hauwa dolobo sę ebo dao.

Jona 1:11

Te wali bomo mu eyu, tama te ąį dini genuai umabo pedalubao. Tama te sip tomode sę ebo boskru bidi dabe, augwaligo Jonabolo hanaluyu, te po wai, “Te dago magi sę nagebolo ebaso, tama te ąį dini asobo silama, tama da bugagia bidaibawe?”

Jona 1:13

Tiali goli, te sip guni tolasa pabo bidi dabe augwaligo te sip te tamu ąį saniba tugi painu, tama augwaligo te ąį togobo sę bomo elama yali. Tiali goli, te genuai ąį dini bomo mu yali, tama augwali te tamu ąį saniba tugi pabo usu munu me ebeo.

Jopgo Po Asęani Elalubo Buku 35:8

Ma, nago dwai kolesaga eyu da, tego da, bidi da naga dolaibao. Tama ma, nago doloba pai kolesaga eyu da, tego me bidi da naga tau saibao,” wali.