Jona 1:10 - Godigo dwagi yai po buku

¹⁰ Tama Jonago te sip tomode sę ebo boskru bidi dabe augwalibolo hasia bolo te po wai dao, “Eno te Genuai Bidi taga soyu, wi soai.” Tialima, augwaligo te po odama, tama augwali wi mu yai. Tama augwaligo Jonabolo te po wali, “Tegoba! Nago dwai sę genuai mu yalio!” po wai.

Jona 1:10 Referans Kwoze

Jona 1:3

Tiali goli, Jonago te Genuai Bidi tagalama, tama te hanu me deli nogi Tarsis teba wi painogo yai. Tialima, aga hogodama, te nambisde elalubo dwasianu hanu Jopa teba pelama, tama agai te hanu Tarsisba painu ebo te sip me deli gegali. Agai te sip abelama, teba holali. Agai te Genuai Bidi tagalama painu wi palio.

Jopgo Po Asęani Elalubo Buku 27:22

Tama te waligo augwali tigide diluai sę mu ebaso, augwali wi peyu, geme duala sainu yaibao.

Dwagi Yai Gesi Po Jongo Asęani 19:8

Te Pailat agai te po odolama, tama aga wi genuai mu yai.

2 Samuel 24:3

Tiali goli, Joapgo te tama po kingba wei ponani, “King, eno homu te God, te nago Genuai Bidigo, te we bidigo namba te ugwaba mu holomainu ilama, tama augwali te umabo hauwa we bidi mu pedalumainu yao. Tama eno homugo te nage bidibadi, te pedalubo nago sumainu homu ebao. Tiali goli, te we bidi nedebo sę te dago sę meni, tama tiyu magi baso nago te dwai kolesaga yabo homu ebawe?” wali.

Josua 7:25

Tama Josuago te po wai, “Magi elama nago te genuai sęgę daba sela asai dawe? Tama megi da, te Genuai Bidigo nagebolo me te sęgę mubao!” Te po ola silama, nosali te tigidali pali we bidigo te Akan aga we wai puluba dali tigidali te masigigo ela silama, tama augwali dali te augwa doado bage dali augwali tigidali te siago dai dao.

Jona 1:11

Te wali bomo mu eyu, tama te ąį dini genuai umabo pedalubao. Tama te sip tomode sę ebo boskru bidi dabe, augwaligo Jonabolo hanaluyu, te po wai, “Te dago magi sę nagebolo ebaso, tama te ąį dini asobo silama, tama da bugagia bidaibawe?”

Tigidali Nai Gagalama Nigali Side 3:13

Tialima, Yawe Godigo webolo te tiwai hanalu wai, “Magi baso nago te sę yaliwe?” Tama wego te po wei ponani, “Hasamanigo ena tibo po ola mobaso, tama eno te nedu du tuali,” te po wai.