Joel 3:16 - Godigo dwagi yai po buku

¹⁶ Genuai Bidi te Jerusalem te Saion bulu dude bidiyu, te po dagą genuai mu waibao. Agai i wabo te dagalu kulukulu wabo tiwai obaso, te tǫ dali dagalu si mumunu yaibao. Tiali goli, Genuai Bidigo te aga we bidi tigidali tonalu, te augwali me dologobeo.

Joel 3:16 Referans Kwoze

Amos 1:2

Te Amosgo e bukude wabo po page e tiwai dao, Genuai Bidi te Saion bulu dude bidiyu, te agai i hai genuagia mu udubao. Awe, aga tede te Jerusalem moni taunde bidiyu, sębę ebaso, te agai dogonigo hwą bomonama obao. Tama tibaso, te sipsipgo tuabo wiegi yai nosai dabe sasia pobao, me te Karmel bulu dude elalubo ni yabe dabe, tigidali wa pobao.

Hagai 2:6

“Ena Genuai Bidi, ena Tigidali Bomo Elalubo Bidi da, eno tama po obao, tama eno te pęwadage sogo tama te eno dagalude elalubo nai me, tama me te tǫde elalubo nai me, tama me te tamu ąįde elalubo nai me, te nai dabe tigidali me memenege ma eduaibao,” wali.

Jeremaia 16:19

Genuai Bidi, nago ena dąų walama, ena obogo bagualubao, te nago ena te sęgę ebo sogo tau sobao. Te tigidali digibulu tǫ habu we bidi hani te nageba asama, augwa te tiwai po waibao, “Te dago wąį nǫų dabego tibo god, augwali te mu god menio. Augwali te olo bage tiwai elalu, te da tau sabo usu me ebe dao.

Aisaia 42:13

Genuai Bidi te bomai ami bidi tiwai elalu, te megi agai hwįgi painu paibao. Agai te po dagą genuai olama, i weyu, te ami dabego ebo kolesaga tiwai te aga haliga sębę hodolama, te hwįabo sisi elalubo tiwai yaibao. Te agai aga boi bidi dabe dali hwįnama, te augwali aiyaba mu elaluaibao.

Bugagia Bidibo Kolesagade Po Asęai Buku 18:10

Genuai Bidi te bomai be me deli elalubo tiwai ebao. Te doloba pai kolesaga ebo bidi dabe augwa te beba udula sobaso, tama bugagia bidaibao.

Esekiel 38:19

Tama eno sębę genuai mu pedelaibao, te posolai sia dabo tiwai yaibao. Tama Gokgo te Israel dabe dali hwįbode, ena te Israel dabego tǫba asaibao, tama te tǫ mali dwai genuai mu yaibao. Tama tialima, tigidali sųgų dabe, me ba dabe, me bulu hasa dabe, me bidigo negebo haniani hasa dabe, me te tigidali tǫde bilibo gasa nai dabe, me te tigidali tǫde bidibo we bidi dabe, tigidali wi elama, noma dwai mu saibao. Tama te bulu du dabe alua paibao. Tama me te sao pado bulu dabe te degaibao. Tama te tigidali taun obo dabe hųgia pelama, tama degaibao.

Aisaia 51:16

Eno po te dageba mawai, te dagego pedauwalidu te po pusumainu yali. Te eno nogogo dage bugagia geme dualali. Ena Genuai Bidi, eno te dagalu diniginama, elalubao. Tama eno me tǫ aga bidabo pesageba munama, dąų walama, elalubao, eno dage te Jerusalem we bidi dabeba te tiwai po wali, dage te eno we bidi hani dolo mu dao, wai.” Te po wali.

Godigo Nogi Ugwaba Sabo Tęąbi Po Wabo Buku Dabe 61:3

Magi baso meni, nago naga ena te bugagia seselalubo dao. Nage naga te eno bomai obo elalubao, tama tiyu, te boi bidi dabego ena me dolainu ebaso, te usugobeo.

Kraisgo Geme Dualali Sę Pedelabo Po Jonbolo Ola Mani 16:18

Tama dagalude be sele eyu, tama be kulu kulu weyu, genuai po me weyu, tama moni genuai dwai tǫ mali yai. Te mali genuai mu yali, tama bidi tǫde bidibo sogo tigidali, te polobadu te tiwai tǫ mali genuai me pedalai menio. Te maligo bomogo te tigidali polobadu yali maligo bomo aiyaba mu elaluali.

Godigo Nogi Ugwaba Sabo Tęąbi Po Wabo Buku Dabe 18:2

Genuai Bidi agai ena tau sabo da. Aga te eno bomai obo tiwai da. Genuai Bidigo ena tonalubaso, tama te boi bidi dabego ena me dologobeo. Genuai Bidi te hwįbo sabele tiwai elama, tama ena geme seselalubo. Agai te ena ma selama, tama ena tonaluabo bomo elalubo dao.

Aisaia 33:16

Augwali te tobage bidi dabe augwali bugagia bidaibao. Augwali te bidi me te bugagia wiegi yai boma pai bulu dude geme dualalubo ąǫ yaibao. Tama nai dabe mego augwali aiyaba me elalugobeo. Tama tigidali sogo augwaligo tuabo nai elaluyu, wę elaluyu yaibao.

Godigo Nogi Ugwaba Sabo Tęąbi Po Wabo Buku Dabe 29:11

Genuai Bidigo bomo te aga we bidi dabeba mabo dao. Agai augwaliba te wiegi yai sę yabo homu kolesaga menama, tama augwali homu nagame elama, bidibao.

1 Samuel 15:29

Nago homugo Godigo te e po hasegelaiba te homu me elamuo. Mu menio. God, te da Israel dabego wiegi yai ula yai bomo agade elalubao, tama agai tibo po me wagobe, ma agai homu me hasegeligobeo. Menio. God te da bidi tiwai meni, tama tiyu agai wali po ma hasegeligobeo,” wali.

Kraisgo Geme Dualali Sę Pedelabo Po Jonbolo Ola Mani 11:19

Augwaligo po ola silama, tama augwaligo te Godigo dagalude elalubo Moni Lotu Be tempel te be tų dawai. Tama polobadu Godigo te Israel we bidi dali po dąų olama, tama augwaligo te asęani po te halobage me deli tomoba muani. Tama te halobage te Lotu Be tomode munalubo eno hania suali. Tama te sogo tama te be sele eyu, tama moni u wabo me, te be kulu wali me, tama tǫ mali ebadi, te kedau ebo nai talua ge tulubage hauwa te dagaludu tǫba tulaluai.

Kraisgo Geme Dualali Sę Pedelabo Po Jonbolo Ola Mani 11:13

Tama te sogo naga, genuai tǫ mali eyu, tama te moni hanu me badu dolali, tama a naga olama me si me si habu badu naga elaluai. Tama we bidi hauwa mu te bidi sese umabo te 7,000 bidi dabe te te mali yali digi isai. Tama te isisąwai we bidi augwali wi mu eyu, tama augwaligo te dagalude bidibo God nogi ugwaba sai.

Hibru 12:26

Tama polobadu Godigo pedauwalide tǫ mali ilai. Tiali goli megi agai dabolo e dąų wali po walio, “Te eno tǫ deli sogo ma mali ilaibao. Tama tǫ naga me tegobeo. Te eno tǫ de dagalu dali si mali ilaibao.”

Sekaraia 10:12

Te eno we bidi dabe augwali te bomai we bidi dabe pedalumainu ilaibao. Tama augwali ena dologode bidiyu, te eno po wali peyu bilibo sę yaibao. Ena Genuai Bidigo eno te po wai dao,” wali.

Amos 3:8

Te bomai hasa laiongo i bomonama wabo odobo si da, te bidi aga wi homu ebo meni da, agawe? Awe, aga wi yaibao. Te God Genuai Bidigo po bidi me deliba pusubaso, te bidigo te po pusubo meni da, agawe? Menio. Agai pusaibao. Te Amosgo wali po dao.

Hosea 11:10

“Te eno ena we bidi dabego boi bidi te i bomonama weyu, te hasa laiongo ga weyu, i wabo tiwai eyu, te eno augwali wi ilaibao. Tama eno we bidi dabego te giliga dega sigulubo badu tagalama, tama didibili ebo dali te polo asesa, ena wali asaibao.

Sekaraia 10:6

“Te eno Juda we bidi augwali te bomai we bidi pedalumainu ilama, tama eno te Israel we bidi dabe ma dobola somainu yaibao. Eno augwali hobede mu ebaso, tama eno te tigidali we bidi ma selama, te augwa page buluba ma odasa asaibao. Te eno augwali sela sąsiąwai we bidi bidibo tiwai elama, te augwali bugagia bidalueibao. Magi baso meni, ena God te augwaligo Genuai Bidi dao. Tama tiyu, eno augwaligo gedu haluasa po wabo odaibao.

Aisaia 33:21

Genuai Bidi te dago boma pai polalubo bidi tede bidaibao. Tama agai te Jerusalem te wiegi yai sawi yai genuai wę me, dwasianu wę me elalubo bulu nigilaibao. Tiali goli, te dwasianu geba kanu me, genuai hwįbo sip dabe me, te wę dabedu me asogobeo.

Jeremaia 17:17

Nago ena wi dwai mu me iligio. Menio. Te dwai sogo nage te ena geme bugagia dula sabo pesage tiwai ebo dao.

Nahum 1:7

Genuai Bidi agai wiegi yai kolesaga da dali ebao. Aga te aga we bidi dabe te sęgę sabo sogo geme duala sabo tiwąį madi tiwai elalu, tama te agaba pabo we bidi dabe tau sabo dao.

Hagai 2:7

“Tama eno te tigidali bulude bidibo gavman bidi dabe augwali me midigi saibao,” wali. “Tama te we bidi dabe augwaligo te umabo mone me te doado bage me selama, tama augwaligo te bidibo madigi pesageba selasa aselama, tama te eno beba pągąnagasaibao.

Sekaraia 9:12

Dagego koneani, te Genuai Bidigo dage tau saibao, tibaso dage te duga page buluba ma aselama, te dage bugagia bidaibao. Dage te sęgę genuai tolali, tiali goli eno te tiwai po obao, eno dage wiegi yai bugagia ilama, tama eno te ebo wiegi yai kolesagago te sęgę aiyaba mu elalueibao.