Joel 2:2 - Godigo dwagi yai po buku

² Genuai Bidigo te wabo side te be mu hulia saibao, tama te husugu yai pǫgo te dagalu mesega saibao. Te genuai kuli mano hani te ami tiwai elama, te bulu du dabe mesega sagaselama, te kigamu te be posobo asobo tiwai pedelaibao wali. Te polobadu te tiwai sę deli me pedalubeo, tama te tiwai sę me te nosali me pedalugobeo, wai dao.

Joel 2:2 Referans Kwoze

Joel 1:6

Genuai kuli mano hani te genuai ami hani me deli tiwai yali, te dago tǫ kantri tigidali mu halua sigulali. Augwali bomai mu, te hauwa umabo, te nedabo usu egobeo. Te augwaligo kele te laiongo kele tiwai te mu poa pai dao.

Joel 2:5

Te augwali bulu duba samanobo sogo, augwali te karis masigiba samanu kidagalo wabo tiwai ebao, tama te kala siago deyu, podo podo wabo tiwai ebao. Augwali te genuai ami hanigo te boi hwįainu wasibo tiwai yaibao.

Joel 2:25

“Ena digi eno te kuli mano dabe dageba te ami bidi tiwai elama tagala palali. Tama tialima, te dagego nai tigidali te kibu bede te genuai hani kuli mano dabego te tula silali nai tigidali te eno wei pona silaibao,” wai dao.

Joel 2:31

“Tama te dagalude da, te giliga ge be hulia selama, te poluade mama yai pedelama, te bidi kaneme tiwai yaibao. Dagego te nai subo sogo da, te dagego koneyu, te Genuai Bidigo sogo bodolu te pedalubao homu yaibao. Te genuai side te tigidali tǫde we bidi wi mu yaibao.

Daniel 12:1

Tama te bidi te da tǫde bidi tiwai, agai te Danielba te tama po ma wali, “Te sogo te polalubo ensel Maikel te pedelaibao, te dage Israel dabe tonalubo ensel dao. Te sogo te genuai sęgę mu pedelaibao. Polobadu te tobage sęgę tiwai te bulu tǫ kantri me delide pedalubeo. Te sęgę pedalubo sogo, teda te Godigo dage te Israel we bidi tigidali dobola ma saibao, augwali nogi te agai bukude elalualio, tama te augwali bugagia bidaibao.

Aisaia 8:22

tǫba tonoyu yaibao. Tiali goli, augwaligo dwagi yai nai dabe me sugobeo. Menio. Te augwaligo te dwai sęgę, me dwai sęgęgo augwali tigidali bulude bilibo digi te hulia saigo augwali mesegasa bilibo tiwai yaibao. Tama augwali wi pelama, te dwai sęgę gedelabo sunumi mu meni yaibao.

Aisaia 5:30

Tama te sogo boi bidi dabe aselama, Juda bulu dolagasaibao. Tama augwaligo kulukulu genuai mu waibao, te tamu wę holama, wę kemi saneba asiyu, u wabo tiwai yaibao. Tama te bidi dabego te buluba tonagasobo si da, teda augwaligo te bulu sisi pǫgo mesega selama, giliga ula sininai suaibao. Tama te bulu mu hulia sai suaibao.

Jutgo Asęani Pas 1:13

Tama te moni tamu ąį bǫį dini wadolama nosali asiyu, tama te ąį dinigo meda yai pesa hania pedalobo dao, te ąį sanide. Tama te tiwai te bidi dabe augwaligo te hale ilibo kolesaga hania ebo dao. Augwali te dagalude elalubo hǫ meba tiwai dao. Te tobage hǫ osogo ula eyu, ma sula siyu ebo hǫ dabe dao. Te hǫ pabo te bugagia dolo pabo menio. Tama Godigo te dwai sisi mu a bulu hulia sai digi sisi yai elalubo, tama te tibo po ola mabo bidi augwali te hulia sai bulude sesemane sogo bidada peyu, bidada paibao.

Hibru 12:18

Megi dagego te Israel hani we bidi augwaligo polobadu mu yali sę tiwai ebeo. Augwali te augwa nogogo tula subo naiba asali, te bulu du nogi Sainai teba augwali asali. Te bulu dude augwaligo suali, te genuai sia dabo, tama be hulia si te sisi yai mu me, te bomai wali dali be sele dali be kulu wabo dali,

Dwagi Yai Gesi Po Makgo Asęani 13:19

Magi baso meni, te sogode te genuai sęgę mu elaluaibao. Te Godigo tigidali nai nigali sogo gagalasa, te megi e sogoba usu nagasu, te tiwai sęgę te polobadu me pedalisiąwai. Tama nosali me te tiwai sęgę meni yaibao.

Amos 4:13

Godigo naga te bulu du dabe nigali, te wali me pedalumainu ilibao. Agai aga homu kolesaga te we bidibolo haniliyu, ola mabo dao. Agai bomogo naga te be posobo ula hasegeleyu, tama be hulibo dao. Aga te bulu du dabe daide ugwadu biliyu, te tǫ habu tigidaliba tonalubao. God, Tigidali Bomo Elalubo Genuai Bidi, aga digi te kolesaga ebo dao.

Daniel 9:12

Nago te sę yaibao wali gilama tama te sę nago te dabolo me, dago tobolu bidi dabeba me yali. Nago te Jerusalemba te dwai sę mu elama, tama mu dolali. Te gasa taun me deli te Jerusalem taun dolali tiwai munu me ebeo.

Jeremaia 13:16

Dagego Godiba genuai nogi mao, duga Genuai Bidi dao. Tiyu, agai dagego bulu be huli elama, te duga bulu duba bilibo sogo, te dage tula muna muna paibao. Te giliga dageba nanomainao homu godolo ebadi, tialima, Genuai Bidigo te be posali ula hasegelama, te dwai be hulia sai pedelaibao.

Godigo Nogi Ugwaba Sabo Tęąbi Po Wabo Buku Dabe 97:2

Te pǫ dabe me hulia sabogo aga mesegelebo dao, tama agai te we bidi dabe te doloba pai kolesagade tonalubao.

Godigo Nogi Ugwaba Sabo Tęąbi Po Wabo Buku Dabe 10:6

Agai te aga homude kone palama, tama te po weyu, “Ena bomonama dolalubo da,” po wai. “Te magi nai me deligo ena dwasianu me degelegobeo. Te enade sęgę me gegegobeo,” te po wabo dao.

Bomai Po 32:7

“Dagego te polobadu pedelali sę dabe kone palao. Duga aya dabebolo mena sę dabe yai dawe po hanalu wao. Tama me polo monu dabebolo polobadu yali sę dabe po pusumainogo hanalu wao.

Ma Dobola Sali 20:21

Tiali goli, te we bidi dabe augwali digibulu digi dolalubadi, Moses agaduba deli naga te genuai husugu yai pǫ pąba, te God bidibo digi pai.

Ma Dobola Sali 10:14

Tama genuai genuai kuli mano dabe aselama, te Isip tǫ tigidali habu badu mesega sagasai. Polobadu Isip hani augwaligo te tiwai genuai kuli mano hani suai meni, tama nosali augwaligo ma sugobeo.

Ma Dobola Sali 10:6

Augwali te nago beba, me te nage dali gavman sę ebo bidigo beba me, te nago we bidigo beba me, te kuli mano dabe augwali pągąna saibao. Polobadu wąį dabe me te aya dede bidada asali, te megi tama bidibo sogo te tiwai kuli mano dabe hauwa te dagego tǫba me pedelai menio. Te dwai nai mu dao.’ Godigo te po wai.” Mosesgo te po olama, tama aga begelama, te tuni bidi tagalama, buluba pai.

Matyu 24:21

Te sogo da, te sęgę genuai mu elaluaibao. Te e tǫ gesi sogo elalubadi te megi e sogode te usu nagasu, te tiwai sęgę te polobadu munu me pedalobeo. Tama nosali me te tiwai sęgę munu me ma elalugobeo. Menio.

Kraisgo Geme Dualali Sę Pedelabo Po Jonbolo Ola Mani 9:2

Tama agai te tǫ dedage dabode, tama te dedagedu te genuai sia hano tiwai pedalai. Tama te tǫ dedagede pedalali moni hano agai te giliga de te dagalu si te haluai, tama augwali si te hulia sai.

Te We Bidi Dabego Jerusalem Hagede Gela Wali 1:12

Jerusalemgo aga pąde elalubo sunumide soabo we bidi dabeba i wabo sę ebao. Agai te po obao. “Suiąo, ena genuai sęgę genuai mu elama, tama Genuai Bidi agai ena dene genuai mu manio, te aga sębę moni posolo tiwai mu yali sogode. Te polobadu te bidigo te tobage dene me sai meni yali bogo, tiali goli, dagego homugo te olo nai da weyu ebao.

Esekiel 32:7

Te eno nage silibo sogo da, teda eno dagalu halua selama, tama tigidali hǫ dabego ula sula somainogo yaibao. Tama me eno te pǫgo te giliga mesega somainu elama, tama te giliga ula munu ma me egobeo. Tama te polua me ula me egobeo.

Esekiel 34:12

Te eno te sipsip tonalubo bidigo te sipsip kibu tonalubo tiwai elama, tama eno te sipsip dabe subigila pali dabe gegaibao. Te eno sipsip kibu dabe augwali te genuai pǫ elama, hulia sali sogo augwali subigila tedela pai dao. Tiali goli, ena pelama, tama eno augwali pali pesageba tigidali gegegi paibao.

Esekiel 38:9

Tama eno nage naga ami bidi dabe, me gasa kantri hauwago ami bidi dabe, dage te we bidi dabe dali hwįmainu eno dage tagala palobo sogo, teda dage te genuai wali me tulubage tiwai elama, dagego augwaligo tǫ te pǫgo mesega sabo tiwai yaibao.’ Nago te po te king bidi Gokbolo pusao,” wali.

Jeremaia 13:6

Hauwa sogo bidama, tialima Genuai Bidig o enabolo te tiwai po ma weyu, te po wali, “Nage hogodama, te bulu Peratba ma pelama, te ugwa ma sigi pao, eno nagebolo te po obaso nago dualigi pai dao.”

Joel 3:4

“Dage te Tair me Saidon hani bage, me tigidali Filistia pedai badu me, dagego enaba mena sę yainu ebawe? Dagego homugo eno te dwai sę yalide homu eyu, te wei ponainu eba, agawe? Te dagego tama homu ebaso da, teda eno te polo dageba te wei ponaibao,” wali.

Sefanaia 1:7

Tigidali Nai Tonalubo Genuai Bidi Godigo bubuga pąba polo yagasalio. Tialima, dage aga pageba aselama, tama pedauwali pania selama elaluao. Genuai Bidigo aga we bidi elabo dola selama elalubao, te bidi dabego ofa ebo hasa dabe elebo tiwai yaibao. Tama agai meba bidi dabe i wali, te agai ebo sę dabe suagasomainu. Tama agai augwalibolo agai gedude wiegi yai pedalobo kolesaga emainu yao po wali.

Sekaraia 14:6

Tama te ula te giliga nanobo sogode naga me pedalubeo. Menio.