Biblia Todo Logo
Bib sou entènèt

- Piblisite -




Joel 2:18 - Godigo dwagi yai po buku

18 Tialima, augwali homu begelibaso, te Genuai Bidigo aga tǫde homu hauwa elama, tama agai te aga we bidi dabeba te olo mu tau sabo wiegi yai homu kolesaga eyu, tau sai dao.

Gade chapit la Kopi




Joel 2:18
19 Referans Kwoze  

Godigo te po wali, “Eno te Jerusalem dabe godolo mu ebaso, tama eno augwali tau sabo homu ebao. Eno augwali godolo mu elama, te augwaligo boi bidi dabede eno haliga sębę ebo dao.


Tama te ensel bidigo enabolo Tigidali Bomo Elalubo Genuai Bidigo po te pusa mao po wali. Godigo te po wali, “Eno genuai homu dene mu te Jerusalem we bidi dabeba ebao, te eno genuai taun dao, tama eno augwaliba homu kone kone hauwa mu ebao.


Ayago aga wai dabe hobede ebo dao. Tiwai Genuai Bidigo aga dali wi ebo we bidi augwali hobede ebo dao.


Tama te tiwai augwaligo te sęgę polobadu bugagia tolai baso, megi dago tama po wabo dao: “Te homu kolesaga dąų olama te sęgę tolali bidi dabe, te bidi megi augwaligo homu wiegi yai eyu bidibao.” Tama gasagi yai bidi me agai nogi Jop, agai yali sę po dagego odai. Te genuai sęgę hauwa te agabolo pedalali digi te agai bomo eyu dolalu, te sęgę te aiyaba elaluai. Tama nosali Genuai Bidigo dwagi yai kolesaga aga dali yai, te me dagego koneai. Tama te bidi Jopde yali sę po odama, tama dago koneani, Genuai Bidi agai da hobede mu eyu, tama sesemane sogo agai da homu dene elama, da agai dwagi yai homu eyu, da olo mu tau sabo dao.


Tigidali sogo Genuai Bidigo da homu dene eyu, tau sabo sę elama, tama agai daba homugo kęą peyu, da godolo mu ebo dao. Tama agai te kolesaga munu me siligobeo.


Genuai Bidi, nage te naga bulu pesage dagalude bidibao, te tedali gasagi yai mu dao, te bulu pesagede te nago genuai ula me bomo pągąnalubao. Tiali goli, te nago aiyaba tonoyu, te da suao. Magi baso nage hogodama, te nago genuai bomo daba waselisąma ebawe? Nago homu dene eyu, olo tau sabo wiegi yai kolesaga te dabolo me ola mabeo. Te nago da godolo homu me isiąyu ebo da, agawe?


Te augwali dene me sęgę tolali sogo, Genuai Bidi me augwali dali te dene me sęgę tolali. Te agai haliga augwalide homu dene ebaso, te agai augwaliba te olo mu tau sabo wiegi yai kolesaga yali, tama aga digi te mobo bidi ensel tiwai pedelama, te augwali ma sali. Te tobage sogo sesabi mu elama, te agai augwali tolalu, te augwali bugagia mu tonaluai dao.


“Te homu elama, te bulu taga pelama, tama pelama, aga aya pageba painu yai. Tialima, digibulu aga tomode asodubadi, aga ayago aga asobo suali. Tama ayago agabolo homu dene eyu, aya aga ogwanu pageba udulama pali, te nogogo pageali, te gesabide nono nani.


Ena Genuai Bidi, eno te po obao, eno Efraim te godolo mu yali, aga eno ogwa dao. Tigidali sogo eno aga nogi wedu, eno agade homu kone yai. Eno haliga agaba mu mudubadi ebao. Tialima, eno olo tau sabo wiegi yai kolesaga agaba yai dao.”


“Jerusalem, te gasa bulu tǫ kantri bidi dabego nago genuai obo te masigi dabego ma nigagasaibao. Te augwa king dabego nago sę yaibao. Hasia eno wado po dwai nageba wali, te eno dene nageba mawai. Tiali goli, megi eno bugai haliga eyu, te nageba olo tau sabo wiegi yai kolesaga ebao.


Genuai Bidi te bomai ami bidi tiwai elalu, te megi agai hwįgi painu paibao. Agai te po dagą genuai olama, i weyu, te ami dabego ebo kolesaga tiwai te aga haliga sębę hodolama, te hwįabo sisi elalubo tiwai yaibao. Te agai aga boi bidi dabe dali hwįnama, te augwali aiyaba mu elaluaibao.


Tialima, Genuai Bidi agai nogi ugwaba sabo we bidi augwali sesemane bidada pabo sogo agai godolo mu ebo dao. Tama aga te dwagi yai aga wąį dabe augwali nosali pedalobo te dwagi yai yaibao.


Tialima, augwaligo augwa te tibo godiba lotu wali te tiali te sę dabe sela sąnama, tama augwaligo Genuai Bidiba lotu po wali. Tama agai te Israel dabe homu dene elama, tama agai homugo augwali te sęgę ma tolidali homu yai.


“Te gasa bulu we bidi, dagego Godigo we bidi dali wiegi yai homu pemene eyu yao. Godigo agai we bidi elama silibo we bidi dolabo dao. Tiali goli, aga we bidigo tǫ agai gedude egesi noma yai mu ilibo dao.”


“Tama Genuai Bidigo aga hani we bidigo bomo sia selama, deli deli bidi naga bidibo subaso da, teda agai augwali te deli deli bidi dabe hobede elama, tama augwali agai sę ebo bage augwali ma oda saibao.


Augwaligo tibo godiba lotu po weyu yali. Tama augwaligo te dwai kolesagago Genuai Bidi sębę ilama, tama augwali dali wado yali.


Te boi bidi dabego te Jerusalem we bidi tigidali me dologobeo. Menio. Te augwali dwasianu hani me bididuaibao. Te Tigidali Bomo Elalubo Genuai Bidi, agai bomai homu kolesagade te sę dabe pedalumainu yaibao.”


“Te boi bidi hani augwaligo te Jerusalemde bidibo tigidali we bidi dabe munu me mu dologobeo. Menio. Te dwasianu hani augwali me bidaibao. Tigidali Bomo Elalubo Genuai Bidigo agai te dila pai homu kolesagago te nai nosali mu pedalaibao homu yali,” Aisaiago te Hesekiabolo te po wali.


Swiv nou:

Piblisite


Piblisite