Joel 2:1 - Godigo dwagi yai po buku

¹ Genuai Bidigo te dwai sę ebo we bidiba dene maiabo bodolu, te pąba megi yagasoba wali. Tialima, dagego te biugel bu weyu, te Godigo bulu dude digi, te Saionde belo dabe elao. Tama te side te tigidali Juda we bidi noma somainao wali.

Joel 2:1 Referans Kwoze

1 Pita 4:7

Te tigidali nai silabo sogo te pąba yagasobao. Tama tibaso, dage te homu nagamea pai we bidi bidao, te dage God dali te hanalu wabo po gisiga omainogo te dagego duga homu bugagia tonaluyu bidao.

Joel 2:15

Dagego te bulu du Saionde te biugel naigo bu wao. Te we bidi dabeba weyu, te augwa nai habu selao, tama dagego augwali sisinama, lotu omainu yao.

Joel 1:15

Magi baso meni, te Genuai Bidi asabo side bodolu te pąba yagasalio, tama te bodolu side te Tigidali Bomo Elalubo Godigo te dolabo genuai sę daba tagala palaibao. Hobede da, te side te dwai mu dao.

Joel 3:17

Agai te tama po wai, “Te sogo te Israel dagego koneiagameo, ena tama ena God, te duga Genuai Bidi da waibao. Ena te Saionde bidibao, ena bulu du deli digi dao. Te Jerusalem eno te ena taun naga pedelama, te gasa hani dabe augwaligo boi bidi homu eyu, te tomoba ma pogobeo.

Malakai 4:1

Te Tigidali Bomo Elalubo Genuai Bidigo te po wai, “Bugagia odiąo,” wali. “Me sogo bodolu si pedaliyu, siago te hagoma ebo we bidi tigidali me dwai sę ebo we bidi ulaibao, siago te wa pai kala dabo tiwai yaibao. Te side te siago augwali dolama, tama augwali tigidali mu silaibao,” po wai dao.

Sefanaia 3:11

Eno ede bidibo we bidi, te mu tama dao, dagego eno po mu tama sela sąwai dao. Tiali goli, eno te sę dabe pedelemainu ebo sogo da, teda dagego duga yali kolesagade hale me egobeo dao. Magi baso meni. Eno dagego te bidi dabe augwali te hamaga elama, gagea peyu yali bidi dabe sela sąwaibao. Tama dage Jerusalemde eno bulu dude bidaibao. Tama dagego tede ena dali hamaga ma eyu egobeo.

Sefanaia 1:14

Genuai Bidigo agai po tų yabo te bubuga te pąde dao, tama te sogo pąde polo pedelaibao. Te dwai bubugade da, te bomai ami bidi dabe tagalao, augwali me wi dwai mu elama, tama gela geninama mu waibao.

Jeremaia 5:22

Magi baso dage enade wi elama, midigi ebo meniwe? Eno te nambis wę sane muani, te tamu ąįgo dąį tiwai nigilali, tama te nambis ąį sane te sesemane te obo tiwai elalubao. Te genuai si pedalu, te bomonama bugusu obadi, agai te dąį ilali me bogi soagobeo.

Aisaia 66:2

Genuai Bidi ena digi, eno te dagalu me tǫ tigidali nai nigilama, te augwali pedelama, megi elalubao. Eno te tobage bidi dabeba bugagia haliga yaibao, te augwa digi aiyaba elaluama, te augwa yali dwai sęde homu dene eyu, enaba wi elama, te eno po dologoba aselama, bidibo bidi.”

1 Tesalonaika 5:2

Menio. Duga digi koneai dao, Genuai Bidi asabo sogo te nai wi sabo bidi hulide geme polo asobo tiwai yaibao.

Obadia 1:15

Tama Genuai Bidigo te tiwai ma wali, “Eno te tigidali we bidi hani po tų ilabo bodolu si, te pąba yagasalio. Te dage Idom dabego yali dwai sę te eno dageba dolo mu wei ponaibao. Te duga yali dwai kolesagade usu nama, te dage sęgę saibao,” wai.

Amos 3:6

Te bu wabo nai biugel te taun me deli tomode bu obaso, te boi hwįabo bidi asobao po pusubo tiwai ebo si da, te hanu we bidi augwa wi homu yaibao, agawe? Magia, wi yaibao. Te tiwai naga, te taun me deli dolobaso, dagego homugo Genuai Bidi Godigo te dolabo nai tagala palai dao homu ebo da, agawe? Magia, tagala palai dao.

Hosea 5:8

“Dage Gibea, dage Rama, dage Betel, dage Benjamin, te bu wabo nai biugel bu waiąo. Bomonama i wao. Udada peyu, te boi hwiąo.

Esekiel 7:12

“Te dolabo sogo pąde yagasalio. Te sogo te nai doado bage abelebo bidi dabe augwaligo homu pemene me egio, te nai doado bage maketde mubo bidi dabego me haliga sęgę me elamuo, magi baso menio, eno te sęgę mabo sę te tigidali bageba yaibao.

Jeremaia 4:5

Genuai Bidigo enabolo te po weyu, te Juda dabeba me, Jerusalemba me, te po pusao wali. Agai po e tiwai, “Dage pelama, te tigidali tǫ habu kantri pedaiba te biugel bu ola biligi pao,” wali. “Te we bidi dabeba te tiwai i omainu yao, ‘Dage sisinagaselama, te dage bomai obo elalubo taunba geme duala sigi piąo,’ wai dao.

Jems 5:8

Dagego me tama duga homu kolesaga dąų olama, te tigidali haniani sęgę tolao. Tama te Genuai Bidi ma asobo sogo te pąba yagasobao. Tama tibaso, dwagi yai homu eyu, dagego homu kolesaga dąų olama tonaluyu bidao.

Filipai 2:12

Eno abagi mu dede, Krais aga Godigo po mu wali pali. Tama tibaso, ena dage dali polobadu bidibadi dagego eno po wali pali tiwai gilama, te megi me, ena digibulu bidibadi te dagego bomo elama, te eno po bugagia wali pao. Te sęgę dao, olo sę mu menio. Tama tiyu, God dali duga homugo kęą pai we bidi mu bidiyu, tama te dage bidibo kolesaga wiegi yai mu sese pedalomainu bomo elama tiduao.

Sefanaia 1:16

Tama te bubugade te biugel bu weyu, me te ami bidi dabego hae weyu yaibao, te augwaligo te bomai obo elalubo taun obo aluyu, me te tonalubo bidi wasman dabego bobobage be dabe aluyu yaibao.

Amos 8:2

Te Genuai Bidigo enabolo te tiwai hanalu wali, “Amos, nago magi nai sualiwe?” Eno te tiwai po agabolo wali, “Eno te basket wa me delide haniani tau yai nedu du hauwa pągąnalubo sualio,” wali. Tialima, Genuai Bidigo enabolo te tiwai po ma wali, “Te eno ena we bidi Israel dabe dolabo sogo, te bidi dabego te gide tau inawai nai dabe tuabo sogo pedalubo tiwai yalio. Megi da, te eno augwaliba dwai dene mawaibao. Eno te ena homu munu ma hasegeligobeo.

Hosea 8:1

Genuai Bidigo enabolo te po wai, “Te boi hwįmainu biugel bu wao,” wali. “Te boi bidi dabe polo aselama, te eno tǫba hwįagasaibao, te ba kemodage polo te tǫba bola dulama, te hasa bolo ela sigulubo tiwai yaibao. Magi baso meni. Eno te ena we bidi dabe dali dąų walali po te augwaligo togolama, te bolama, tama augwaligo eno bomai po sela sąwani.

Esekiel 33:3

Tama te tonalubo bidigo boi bidi dabe asobo sulama da, teda agai te biugel bu wabo dao, te we bidibolo boi asobao olama mayu, te po wabo dao.

Esekiel 12:23

Megi nago God Genuai Bidi, eno po augwaliba mao. Te eno augwaligo te wabo po tigidali tagalomainu elama, augwaligo te tama po ma omainu me egobeo. Nago te po hasegeleyu, augwaliba te gesi po me deli mao. Gesi po e tiwai wali, ‘Te profet dabego po weyu, te nai dabe pedelabo po wali. Te megi da, augwaligo po mu pedelaibao,’ wai dao.”

Esekiel 7:10

Tama Genuai Bidigo po enabolo ma weyu, te tama po wali, “Te dolabo genuai sę pedelabo bodolu pąba yagasalio. Sesemane sogo te Israel dabe augwa abagi dabe dali dwai sę idualio. Tama augwaligo te hagoma ebo kolesaga ebo sę bomo yai dao.

Daniel 9:20

Ena Daniel, eno gedu haluasa po odubadi, tama ena sęgę, me eno we bidi dabego sęgę, te hania pusubo sę yali, te Israel dabe dao. Tama eno Godiba hanalu wali, ena Genuai Bidi, te aga be te bulu dude ma sę emainu yali.

Daniel 9:16

Tama nago dago dwai sę, me dwai kolesaga dabe te dago wąį nǫų dabego me ebo sulama, tama nago dabolo dwai dene sabo menama, tama te taun Jerusalem dolali. Tama te Jerusalem pąde elaluali bulu tǫ kantri we bidi tigidali, augwaligo te Jerusalemba me, te nago we bidi dabolo me, posobo po weyu, gisugu mabo po wali. Tiali goli, megi te dago homugo te nago wado po te Jerusalemba munu ma wagi homu yali, magi baso meni, te nago taun da, tama te naga bulu dude digi ugwadu elalubao. Te polobadu nago da tau sabo wiegi yai sę hauwa yali, tama dago homugo nago te tiwai ma emainu homu ebo dao.

Daniel 6:26

“Dage eno bulu tǫ pedai kantri dabe we bidi dabeo, eno te po odiąo. Dage tigidaligo genuai nogi te Danielgo Godiba menama, tama te God dologoba pelama bidao. Te God te sesemane sogo bidada pobao. Aga te king sesemane sogo bidada pidu, bidada paibao, tama aga te we bidi tonalubo bomo te me siligobeo.

Esekiel 33:6

Tiali goli, te tonalubo bidigo te biugel bu wasiąma yali da, teda te boi bidi dabego te we bidi sese tama ela silaibao. Te mu tama goli da, te we bidi augwaligo dwai sęgę elama, isali goli dao. Tiali goli, eno gedude da, te tonalubo bidi dabego geda muanigo da, te augwali te isali dao. Tama eno aga dali te po tų yaibao,” wali.

Jeremaia 16:10

“Jeremaia, nago te po te we bidi dabeba pusubo sogo, te augwaligo nageba te tiwai po waibao, ‘Magi baso Genuai Bidigo te dwai sę tigidali dabolo pedalumainu yaibawe? Dago mena kolesaga dwaliwe? Dago mena dwai sę te God, dena Genuai Bidiba, ebo dawe?’ Te po waibao.

Jeremaia 16:7

Tialima, te isali bidi dabede te bidi mebago homu denede gela wagasobaso, te bidi dabeba nai me tuabo ąį sela asabo bidi dabe meni yaibao, te augwali homu nagame ilabo sę yabo me tegobeo. Te augwa aya ma ida isali, te tagala, te hani dali hobede elama bidagasabo bidi meni yaibao,” te po wai.

Aisaia 66:5

“Dage te wi elama, te Genuai Bidi, eno po dologoba asobo hani dabe, dagego te megi eno dageba pusainu ebo po odao. Dage ena wali asobo bomo yai, tama te duga deli hani dabego te dage godolu mu me isąma, te augwaligo dage tudiba muai. Te augwaligo dageba posobo po weyu, dageba te tiwai po wali, ‘Te Genuai Bidi aga genuai bomo dali asomainu eyu, te dage pemene ilimainao, te tebo dago sueibao.’ Tialima, eno te po obao, te dagego augwali dwai hale mu sabo sueibao, te po wali.

Aisaia 2:12

Genuai Bidi Tigidali Bomo Elalubo Bidigo bodolu elalubo, te augwa nogi ugwa sabo bidi dabe aiyaba elaluabo sogo. Tama te sogo agai te bidi dabego genuai nai dabe me augwaligo godolo elama, gawebo nai dabe dolaibao.

Godigo Nogi Ugwaba Sabo Tęąbi Po Wabo Buku Dabe 119:120

Ena nagede wi mu elama, tama ena didibili ebao. Eno nago po tų ebode homu kone palama, te wi ebo dao.

Godigo Nogi Ugwaba Sabo Tęąbi Po Wabo Buku Dabe 87:1

Godigo aga taun te aga bulu dude digi nigali.

Israel Hanigo Namba 10:3

Dagego te biugel si bobobage sogo elebo sogo da, teda te we bidi eno ugwa be sunumiba sisinagasomainao.

Sekaraia 8:3

Te ena ma aselama, ena te Jerusalemde bidaibao, te eno taun mu da. Tama Jerusalem, te Genuai Bidi te Tigidali Bomo Elalubo Bidigo bulu du da, te augwaligo nogi eyu Te Genuai Bidigo Tedali Gasagi Yai Bulu da waibao. Te gasa hani we bidi augwaligo te eno we bidi dabe sulama, te augwaligo tama po waibao, ‘Suao, te Jerusalem augwaligo Genuai Bidi wali mu pabo dao,’ te tama po waibao.

Tuni Bidi Dabego Po Elalubo Buku Deli 15:28

Tama tiali kolesagade te Genuai Bidigo Dąų Wali Bomai Po Muani Halobage te tigidali Israelgo te Jerusalemba selasa pai. Augwa wiegi yai homu pemene elama i bomonama weyu, tama augwa te tobage biugel bu weyu, te brasgo nigali pletba elu, te tobage gita dabe me elali, tama te musik eliyu kulukulu genuai mu pedelalio.

1 Korin 14:8

Ma, te ami enesigi bidi dabe augwaligo te bu wabo nai biugel bu wabo odobo si, augwaligo konebo dao, te hwįabo sogo asai dao, te homu yaibao. Tiali goli ami bidi me deligo te biugel naigo dolo hwa wasiąbaso da, teda dego te wąbi hwįabo sisi elaluaibawe? Bidi meni.

Kraisgo Geme Dualali Sę Pedelabo Po Jonbolo Ola Mani 6:17

Magi baso menio. Te genuai sogode te augwali sigo sębę elaluali te wei ponoyu dwai dene maiabo sogo dao, te megi pedalali dao. Tama niwai bidi aga doligulama te sę yainogo ebo aiyaba elaluaibawe? Te mu menio,” augwaligo te po wai.

Ma Dobola Sali 10:14

Tama genuai genuai kuli mano dabe aselama, te Isip tǫ tigidali habu badu mesega sagasai. Polobadu Isip hani augwaligo te tiwai genuai kuli mano hani suai meni, tama nosali augwaligo ma sugobeo.

Esekiel 30:3

‘Pąde tama dwai sogo pedelaibao. Te da, te Genuai Bidigo tigidali we bidibolo dene mabo sogo pedelaibao. Te da te pǫ pedalobo genuai sogo yaibao, tama te sogo te we bidi hauwa dolobo sogo pedelaibao.

Joel 2:11

Genuai Bidigo te aga ami bidi dabeba i bomonama wali, te agai pedauwalide te dagalu kulukulu wabo tiwai yali. Te agai po wali pabo bomai ami hauwa elaluali. Idaya, tegobao! Te Genuai Bidigo bodolu side te dwai mu dao. Tialima, de aga te bugagia bidiyu, te aga me dologobe dawe?

Joel 2:31

“Tama te dagalude da, te giliga ge be hulia selama, te poluade mama yai pedelama, te bidi kaneme tiwai yaibao. Dagego te nai subo sogo da, te dagego koneyu, te Genuai Bidigo sogo bodolu te pedalubao homu yaibao. Te genuai side te tigidali tǫde we bidi wi mu yaibao.

Joel 3:14

Te hauwa umabo we bidi te odogo malu buluba sisinama, po tų yaibao. Te dwasianu sogo te Genuai Bidi te buluba pedelabo bodolude te pedelaibao.

Amos 5:18

Dage tigidaligo homugo te Genuai Bidigo Bodolu Side asesa pedalumainao homu ebao. Tiali goli, dage hobede mu ebao. Mena wiegi yai sę mu dageba te side pedelaibawe? Dagego homugo te be posobo si da homu eba, agawe? Mu menio. Te be hulialubo side naga dao.

Sekaraia 14:1

Te Godigo genuai bodolu si te pedelaibao. Tama te bodolu side te boi bidi dabe aselama, te dage Jerusalemgo mone dabe me doado bage sagasaibao. Te duga digi tononalubadi digi te augwaligo augwa hasi te doado bage dobola saibao.

Israel Hanigo Namba 10:2

“Megi dagego te kapa silva meba selama, hamago elama, te bu wabo nai biugel si nigiąo. Tama nago te biugel te nago te we bidi sisinagasomainu i wabo sogo me eliyu, me te painu doado bage sisi ebo sogo me eliyu yao.

Aisaia 13:6

Dage gela bomonama wao. Magi baso meni. Te Genuai Bidigo aga tigidali we bidi po tųde dodolabo bodolu pąba polo yagasalio. Tama te sogo God Tigidali Bomo Elalubo Bidigo te genuai dolabo sę taga palaibao.

Aisaia 13:9

Mu tama, te dwai sogo megi te pedalobao. Te da te Genuai Bidigo polo bodolu muani, te sogo te agai genuai sębę dali asiyu, tigidali tǫ dabe doliyu, tama te dwai sę ebo we bidi dolama, silaibao.

Esekiel 21:12

Tǫde bidio, nago i hae weyu, hobede ebo gela wao, magi baso meni, te bainat hwągo te Israel dabe polalubo bidi dabe eleyu, te eno we bidi dabe dali elaibao. Nago gela weyu, te bidigo hobede mu yabo kolesaga yao.

Sefanaia 1:7

Tigidali Nai Tonalubo Genuai Bidi Godigo bubuga pąba polo yagasalio. Tialima, dage aga pageba aselama, tama pedauwali pania selama elaluao. Genuai Bidigo aga we bidi elabo dola selama elalubao, te bidi dabego ofa ebo hasa dabe elebo tiwai yaibao. Tama agai meba bidi dabe i wali, te agai ebo sę dabe suagasomainu. Tama agai augwalibolo agai gedude wiegi yai pedalobo kolesaga emainu yao po wali.