Jopgo Po Asęani Elalubo Buku 9:9 - Godigo dwagi yai po buku

⁹ Tama God agai te hǫ dabe nigai, tama te hǫ dabe augwa nogi deli deli elalubo.

Jopgo Po Asęani Elalubo Buku 9:9 Referans Kwoze

Amos 5:8

Godigo te hǫ dabe pedalumainu ilama, tama tigidali ula ebo nai ugwadu elalubao. Agai te be huliali hasegeleyu, tama te be posobo dao, te ula elalubo hasegeleyu, tama be hulibo dao. Tama agai te tamu ąį asomainu i ola asama, tama agai te tǫba ugwadu gea palagasaibao. Agai te bomai bidi dabe me doliyu, te augwa bomai be dabe me dolobo dao. Godigo digi te tobage tigidali sę ebo dao, tama aga nogi e tiwai elalubao, Genuai Bidi dao.

Tigidali Nai Gagalama Nigali Side 1:16

Godigo te genuai ula si pedalumainogo ilali. Genuai da, te giliga te be posobo tonaluyu, ula mabo da, tama dwasianu da, te polua tego da, te hulide tonaluyu, ula mabo da. Tama Godigo te hǫ dabe me pedalumainu yai.

Godigo Nogi Ugwaba Sabo Tęąbi Po Wabo Buku Dabe 147:4

Agai augwaligo namba te hǫgo dąį ilama, tama mu tama, agai te augwali deli deligo nogi nodigi pabo dao.

Godigo Nogi Ugwaba Sabo Tęąbi Po Wabo Buku Dabe 104:13

Nage bulu ugwade bidiyu, nago tulubage bulu duba tulumainogo tagala palobo dao. Tama tiyu, nago te tǫde elalubo nai tigidali dali dwagi yai sę ebo dao.

Godigo Nogi Ugwaba Sabo Tęąbi Po Wabo Buku Dabe 104:3

Tama nago be ąį daide ugwadu sęwai. Dagalu pǫ te nago dulalubo nai karis tiwai, tama waligo nage selasa pabo dao.

Jopgo Po Asęani Elalubo Buku 37:9

Te bomai wali dabe augwa pesagedu asobo gagalama, asobo dao. Tama te genuai waligo moni kedau sesebo sogo asobo dao.