Jopgo Po Asęani Elalubo Buku 9:8 - Godigo dwagi yai po buku

⁸ Agaduba deligo naga dagalu ugwade dinigina palai dao. Te tamu ąį holobo sogo da, te ąįba hologobe aga ugwadu bilibo dao.

Jopgo Po Asęani Elalubo Buku 9:8 Referans Kwoze

Aisaia 44:24

“Ena Genuai Bidi, ena dage tudibadu pogwalu, te dage ma dobola sabo bidi, eno naga eno sisilama, dage dąį ilali, te ena hani da olama, te dage e tǫba pedalisiąbadi tama tiali. Eno te tiwai po dageba wainu ebao. Enaduba deligo naga eno te tigidali nai pedela silimainu ilali. Eno naga eno te dagalu me tǫ nigilama, te augwali bidabo pesageba munama, te megi elalubo dao.

Aisaia 40:22

Te Genuai Bidi aga naga te dagalu daide te sia kingde dugulaluali, agai te tigidali nai nigai dao. Agai te dagalu te name ugwa tiwai dinigina palama, te aga sel ugwa be sęalubo tiwai elaluai. Te agai gedude, te tǫde we bidi te olo nai kuli mano tiwai dao.

Sekaraia 12:1

Te e po da, te Genuai Bidigo po da, aga te dagalu genuai kegelalma, me te tǫ dodolama nigali God dao, tama agai te we bidi dabe augwaliba bidibo ula mabo da. Agai po te Israel dabeba mayu, te tama wali,

Jopgo Po Asęani Elalubo Buku 37:18

God agai dagalu nigilama, tama diniginai. Tama te dagalu te gesabidi subo nai dula te brasgo nigai tiwai dao. Mena tama tiali, nago agai te sę dabe ebo tau saibawe?

Jeremaia 10:11

Dage Israel, dagego te Genuai Bidigo po odisąbo bidi hani augwaliba te tiwai po wao, “Te dagego godigo te tǫ me dagalu nigibeo, tama te god dabe dolobaso da, te munu ma tǫde me dagalu dologode me bidigobeo,” te po wao.

Godigo Nogi Ugwaba Sabo Tęąbi Po Wabo Buku Dabe 33:6

Genuai Bidi Godigo te po naga obadi, tama te giliga, me polua, me hǫ dabe te dagalude pedelai. Awe, agai po naga obaso, tama tigidali nai te ogwade pedelai dao.

Dwagi Yai Gesi Po Jongo Asęani 6:19

Augwali te gebadu ąį todogo pali, te kilomita a naga ma te a naga olama me badu nogo deli tama dąį egi pai. Tama augwaligo suali, Jisas ąį daidu asiyu tama te geba pąba sabolainogo asai. Tama augwali moni wi yai.

Aisaia 42:5

God Genuai Bidigo te dagalu me tǫ nigilama, te augwa pesageba munama, elalubao. Tama agai te tǫde haniani nai ni me nosai pedalumainu ilali. Tama agai te bidibo ula te tǫde we bidi dabeba mobo ponama, mawai. Te Godigo aga sę bidiba te tiwai po wali,

Jopgo Po Asęani Elalubo Buku 38:16

“Te tamu ąį dologoba pelama, nago te wę pedalobo madi nago suai yali bogo. Tama nage te pesagede bilai dawe?

Jopgo Po Asęani Elalubo Buku 38:11

Tama eno tamu ąįbolo e tama po walai dao, ‘Nago genuai wę asobo dąį e tama dąį yagasao,’ po wai dao. ‘Habu seleyu, munu me e dąį me bolamo,’ po wai dao.”

Godigo Nogi Ugwaba Sabo Tęąbi Po Wabo Buku Dabe 77:19

Nage wali te tamu wę tomode bilali. Nago sunumi te genuai tamu ąį tomode elaluali. Tiali goli, dago te nago sągą pasalu me susiąbo dao.

Tigidali Nai Gagalama Nigali Side 1:1

Polobadu mu, te Godigo dagalu de tǫ si gagalama nigali sogo, hasia bolo te tǫ dago megi subo tiwai gilama me ebeo. Menio.

Jopgo Po Asęani Elalubo Buku 26:7

Godigo dagalu nigiyu, dįnįgįlai elalubo. Me ma, Godigo e tǫ olo walumainu nigilai dao. Te magi nai mego e tǫ aga bidibo pesagede bidimainu tolalubo menio.

Jopgo Po Asęani Elalubo Buku 26:13

God aga digi bomai wali tagala palama, te pǫ dabe sela sąwai dao, tama dagalu sisi ma yai dao. Tama aga nogogo digi naga te bulu hwa gula mani ma isilai dao.

Aisaia 51:13

Te dagego Genuai Bidi, enaba homu kone gegeda palali homu yali. Eno tama eno dage nigali. Eno te dagalu aga pesagede muani, te eno nigilama, eno te tǫ page dąų walali. Magi baso dage te elaluama, te dolainu ebo dwai bidi dabede wi ebawe? Te bidi dabego dageba magi sę me egobeo. Augwa haliga sębę te odolali silaibao.

Jeremaia 10:12

Te God da, aga bomogo digi te tǫ nigai dao. Awe, aga wiegi yai koneani homu kolesagade agai te tǫ dodolama muai dao. Aga homu kolesagade agai te dagalu nigiyu elama, diniga palali.

Jeremaia 51:15

Te aga bomogo digi Genuai Bidigo te tǫ nigai dao. Awe, aga wiegi yai koneani homu kolesagade agai te tǫ dodolama muai dao. Aga homu kolesagade agai te dagalu nigiyu elama, diniga palali.

Tuni Bidi Dabego Po Elalubo Buku Deli 16:26

Magi baso meni, te gasa hani we bidi augwaligo god dabe augwali te tibo god naga da. Tialima Genuai Bidigo naga te dagalu nigai dao.