Jopgo Po Asęani Elalubo Buku 9:6 - Godigo dwagi yai po buku

⁶ Agai te tǫ dąų walalubo nai mumunu baso, tama te tǫ mali genina mu emainu ebo dao.

Jopgo Po Asęani Elalubo Buku 9:6 Referans Kwoze

Hibru 12:26

Tama polobadu Godigo pedauwalide tǫ mali ilai. Tiali goli megi agai dabolo e dąų wali po walio, “Te eno tǫ deli sogo ma mali ilaibao. Tama tǫ naga me tegobeo. Te eno tǫ de dagalu dali si mali ilaibao.”

Hagai 2:6

“Ena Genuai Bidi, ena Tigidali Bomo Elalubo Bidi da, eno tama po obao, tama eno te pęwadage sogo tama te eno dagalude elalubo nai me, tama me te tǫde elalubo nai me, tama me te tamu ąįde elalubo nai me, te nai dabe tigidali me memenege ma eduaibao,” wali.

Aisaia 2:21

Tama te sogo da, Genuai Bidigo te tǫ mali iliyu, tama tǫde wi mu yabo sę dabe yaibao. Tama te we bidi dabe me wi mu elama, te masigi ola beba me, bulu du dologode elalubo masigi dedageba dabe wi duala sigi paibao. Te augwaligo te Genuai Bidi aga ula dali, bomo dali, asobo augwaligo suidali weyu.

Godigo Nogi Ugwaba Sabo Tęąbi Po Wabo Buku Dabe 75:3

Tǫ dali tede bidalubo nai tigidali te hagawaibao. Tiali goli, te tǫ page da, te eno tolalu, tama bomo elalueibao.

Aisaia 2:19

Tama te sogo Genuai Bidigo te tǫ mali iliyu, tama e tǫde nai dabe wi mu ilaibao. Tama te we bidi dabe me wi mu elama, tama masigi dudulaweba me, tǫ dudulaweba me, wi duala sigi paibao. Te augwaligo Genuai Bidi aga bomo dali, genuai ula dali, asobo augwaligo suidali weyu.

Jopgo Po Asęani Elalubo Buku 26:11

Te Godigo sębę ebo sogo da, teda te tǫ dali, dagalu dali si bomona ma posogwa sąnama, noma genuai mu sabo dao.

Hagai 2:21

Genuai Bidigo e tama po wali, “Te tobolu bidi Serubabelbolo te po wao, Juda hanigo tobolu bidi, e tama tiwai, ‘Eno homugo te dagalude elalubo nai me, te tǫde elalubo nai memenege ma eduaibao,’ wali.

Godigo Nogi Ugwaba Sabo Tęąbi Po Wabo Buku Dabe 114:7

Tǫ, megi da Genuai Bidi asobaso, tama nage mumunu yao. Te Jekopgo God asalio, tama nage mumunu yao.

Kraisgo Geme Dualali Sę Pedelabo Po Jonbolo Ola Mani 20:11

Te eno suali, genuai tedela yai te tuni bidi duabo nai elaluali, tama bidi te duabo naide dulaluai. Tama tǫ dali dagalu si te agade wi pali, tama augwaligo bulu ma elalugobeo. Menio. Augwali si mu silalio.

Joel 2:10

Augwali pobadi, te tǫ dali, dagalu dali si mumunu yaibao. Tama giliga dali, polua si, te hulia saibao, tama te hǫ ula ma egobeo.

Jeremaia 4:24

Te eno suali, te bulu du dabe gęǫ page mu elama, te augwa tobolu ugwa peyu, eda asu yalio.

Aisaia 24:1

Genuai Bidigo tǫ mu dolama, tama tǫ olo mu elaluaibao. Agai te tǫ agalama, tama tǫ bebegelama, tama te tǫ gasagi yai mu pedalaibao. Tama agai te we bidi dabe subigila wi tedela pomainu yaibao.

1 Samuel 2:8

Agai te magi doado bage meniama, te sǫą pabo we bidi dabe tau selama, tama augwali bugagia bidaibao. Tama agai augwali te augwa bulu tǫde te genuai pedelama, bidimainu ilama, tama te we bidigo augwaliba genuai nogi mawaibao. Agai te tama tebo, magi baso meni, te e tǫ tolalubo bomai nai dabe augwali te Genuai Bidigo digi nigilai nai dabe, tama aga digi te nai dabe daide ugwadu te tǫ sese nigilama elalubo dao,” wali.

Godigo Nogi Ugwaba Sabo Tęąbi Po Wabo Buku Dabe 114:6

Te bulu du dabe, magi baso dage te meme sasa mano pelabo tiwai ebawe? Te dwasianu bulu du dabe, magi baso dage te sipsip sasa mano pelabo tiwai ebawe?