Jopgo Po Asęani Elalubo Buku 9:5 - Godigo dwagi yai po buku

⁵ Ma, God agai sębę deli sogo eyu da, agai bulu du dabede deli sogo ibaba kidilibo dao. Tama augwali mu dolama, tagalobo dao.

Jopgo Po Asęani Elalubo Buku 9:5 Referans Kwoze

Dwagi Yai Gesi Po Lukgo Asęani 21:11

Genuai genuai gęǫ e tǫde pedalaibao. Me badu habu badu genuai nasi dali genuai gasi dali yaibao. Te dagalude te we bidi wi yabo moni haniani sę pedelaibao.

Matyu 27:51

Tama te sogo naga te Moni Lotu Be tempel tomode walaluali genuai bobage dąį ilali nami ugwa te ugwadu gagalasa aiyaba mu pedasa dulama, tama pedai si pedalali. Tama tǫ mali ebadi, tama genuai masigi dabe me pebeda palio.

Kraisgo Geme Dualali Sę Pedelabo Po Jonbolo Ola Mani 11:13

Tama te sogo naga, genuai tǫ mali eyu, tama te moni hanu me badu dolali, tama a naga olama me si me si habu badu naga elaluai. Tama we bidi hauwa mu te bidi sese umabo te 7,000 bidi dabe te te mali yali digi isai. Tama te isisąwai we bidi augwali wi mu eyu, tama augwaligo te dagalude bidibo God nogi ugwaba sai.

Kraisgo Geme Dualali Sę Pedelabo Po Jonbolo Ola Mani 6:14

Tama te dagalu me aga tomode buguluyu, te somo bebe pelama dąų wabo tiwai yai. Tama tigidali bulu du me, te tamu ąį tomode elalubo dwasianu tǫ tigidali me, augwali memenege elama tama bidali bulu taga soai, tama augwali gasa buluba kilasa pai.

Matyu 21:21

Tama Jisasgo po wei ponoyu, augwalibolo te po wai, “Eno mu po dagebolo obao, dagego te Godide konealubo po mu dąų olama, tama dagego homu si me isąbaso da, teda dagego eno e ni kayade yali tiwai sę dagego me ebo te usu yaibao. Tama dagego te sę naga egobeo. Menio. Te dagego e elalubo bulu dubolo te po weyu, ‘Nage hodaluama, nage te tamu ąįba samonao’ po obaso da, teda agai te tiwai yaibao.

1 Korin 13:2

Ma, eno te profet bidigo wabo po tiwai te Godigo po pusubo bomo elaluyu, tama eno te Godigo geme dualali po tigidali koneyu, tama eno gasa haniani homu kolesaga me koneyu, tama eno Godide bomai konealubo po dąų elaluyu, tama eno te genuai bulu du gasaba pogolobo usu iligi da, ena te tiwai bidiyu, tiali goli eno te gasa we bidi dali dwagi yai homu eyu godolo ebo kolesaga esiąyu da, teda ena te olo nai tiwai dao.

Sekaraia 4:7

Tialima, genuai nai dabe te bulu du tiwaigo nago sunumi palia sobaso da, teda eno tigidali sela sąwaibao. Tama nago eno be ma sę yaibao. Tama nago namba wan masigi aga pesagede mubo si da, teda te we bidigo hai bomona weyu e tama po waibao, ‘Te da, wiegi yai be mu dao,’ augwaligo te po waibao,” wali.

Habakuk 3:6

Te aga dolugulubo sogo da, tigidali tǫ midigi eyu, mumunu ebao. Agai te we bidi dabe augwali subo sogo da, augwali te ibaba kila sesa peyu, midigi sabo dao. Te genuai bomai bulu du dabe te alua pelama, tulaluaibao. Te polobadu aga bilali dwasianu bulu du dabe augwali te aiyaba kilasa dulubo dao. Genuai Bidigo ebo kolesaga dabe te sesemane sogo elalua paibao.

Aisaia 40:12

Te me deli bidibo bidi agai nogode te tamu ąį tigidali sabua sabo bidi bidiba, agawe? Te dagalu daide ugwadu usu siyu ebo bidi me deli elaluba, agawe? Te tǫ tigidali kabude bubo bidi me deli elaluba, agawe? Te bulu du dabe te skelba munama, skel ebo bidi me deli bidibawe?

Godigo Nogi Ugwaba Sabo Tęąbi Po Wabo Buku Dabe 114:6

Te bulu du dabe, magi baso dage te meme sasa mano pelabo tiwai ebawe? Te dwasianu bulu du dabe, magi baso dage te sipsip sasa mano pelabo tiwai ebawe?

Godigo Nogi Ugwaba Sabo Tęąbi Po Wabo Buku Dabe 68:8

Te sogo te tǫ gęǫ elama, tama tulubage genuai aiyaba tulali, magi baso meni, God, nage asalio. Mu tama, te da Israel dabego God nage asobaso, tama te Sainai bulu du gęǫ umabo mu yai dao.

Godigo Nogi Ugwaba Sabo Tęąbi Po Wabo Buku Dabe 46:2

Tama tiyu, te haniani sę dabe pedalubo side, te dago wi me elamuo. Tǫ te mali eyu aluaibao, tama te bulu du dabe te tamu ąį tomoba degasa dulaibao.

Jopgo Po Asęani Elalubo Buku 28:9

“Augwaligo te bomai masigi bulu diganama, te moni bulu du pageba pabo dao.

Jopgo Po Asęani Elalubo Buku 34:25

Agai augwaligo ebo dwai kolesaga sese mu konea silai dao. Tama hulide agai augwali aiyaba elaluama, mesegelama, tagalobo dao.

Jopgo Po Asęani Elalubo Buku 41:11

Te tigidali nai e tǫde elalubo nai dabe da, eno nai dabe naga dao. Tama dego mu ena dali usu si elama, tama eno bomo aiyaba elaluama, tama enabolo aga nai me mao po wabo usugowe?”

Jopgo Po Asęani Elalubo Buku 40:11

Tama nago te bidi dabego dwai kolesaga ebo sulama, tama augwa nogi ugwaba sobaso da, teda nago sębę genuai mu elama, augwali aiyaba mu elaluagameo.

Nahum 1:5

Tigidali bulu du te Genuai Bidigo gesabidide mumunu elama, te olo wę tiwai me pedelali. Te Genuai Bidi sabalubo sogo tǫ te mumunu yai, te tigidali we bidi me mumunu elama gęo page ebo dao, wali.

Nahum 1:6

Te aga haliga sębę ebo sogo da, de mu te bugagia bidaibawe? Te de aga me dologobe dawe? Mu menio. Agai te we bidi dabeba wado eyu, te agai gedu te sia bogoli tiwai penelą pelama, te masigi dabe pepeda pelama, te hogomu pobele bage pedalubo dao.