Jopgo Po Asęani Elalubo Buku 9:21 - Godigo dwagi yai po buku

²¹ Mu tama mu, eno magi sęgę sę deli mu me ebe. Tiali goli, eno homugo ena te olo nai dabe mu ąǫ te ebao. Tama ena bidibo ula mu da ena hagela mu ebao.

Jopgo Po Asęani Elalubo Buku 9:21 Referans Kwoze

Jopgo Po Asęani Elalubo Buku 1:1

Te sia ge asobo badu, te tǫ kantri nogi Us, tede bidi me deli bidali, aga nogi Jop dao. Te bidi Jop aga Godigo gedude dwagi yai doloba pai bidi mu bidai, dwai kolesaga mu meni yai dao. Aga lotu po weyu, Godigo po dologode naga biliyu, tama agai po wali peyu yai. Tama tiyu, agai dwai sę ebo hagela homu yai.

Bugagia Bidibo Kolesagade Po Asęai Buku 28:26

Te bidigo te homu eyu, te aga koneani kolesagago digi te aga tau selama, te tigidali sę ebo usu yaiba homu yali da, teda agade te wiegi yai homu kolesaga me elalubeo. Tiali goli, te bidigo te wiegi yai homu ebo kolesaga wali pobaso da, teda aga bugagia mu bidaibao.

Jopgo Po Asęani Elalubo Buku 7:21

Magi baso nago eno sęgę dali, dwai sę dali si tagalobo homu ebewe? Dwasianu sogo ena isama, ena gų pagede pila muaibao. Tama nago ena gegebo sogo, te nago ena munu ma sugobeo,” Jopgo Genuai Bidibolo te po wali.

1 Jon 3:20

Magi baso meni. Dago homude te dena homugo da dali po tų ebaso da, teda dago koneani, te God agai dago homu kolesaga aiyaba elalubo dao, tama agai homu kolesaga genuai ugwanu mu ela holai elalubogo, tama agai tigidali nai mu konebo dao.

1 Korin 4:4

Mu tama, te Godigo enabolo mani sę ebode eno homugo eno te sęde sǫą pabeo, bugagia yai dao. Tiali goli te eno tama tiwai po wabo usu me egobe: “Ena doloba pai bidi da,” te wagobeo. Te ena dagalobo sę ebo bidi te Genuai Bidigo sę naga dao.

Jopgo Po Asęani Elalubo Buku 6:9

Eno godolo ebo da, God agai ena sągągo agalama, tama elama, isilimai homu eba.

Jopgo Po Asęani Elalubo Buku 9:15

Tagala eno magi sęgę meniama, magi po meniama, tama te po tų ebode ena dolo dali pai. God aga digi aga te po tų odobo bidi dao, tama agai ena po tų ebo dao. Tiali goli, eno agabolo ena hobede ya po hanalu waibao.

Jopgo Po Asęani Elalubo Buku 10:7

Nago koneani, eno dwai kolesaga mu meni. Tiali goli, nago eno tigide dene mabo sę ebo. Tama nago koneani, ena nago nogode gasa bidigo dobola sabo usu meni,” wali.

Jopgo Po Asęani Elalubo Buku 12:4

Tiali goli, megi da, dage eno abagi dabe, dagego ena gisugu mabo dao. Eno dwagi yai kolesaga naga eyu, tama Godigo gedude dwai sę me ebeo. Tama polobadu da, agai eno gedu haluasa po wabo odai dao. Tiali goli, megi da, dagego gisugu magasobao.

Jopgo Po Asęani Elalubo Buku 13:18

Godibolo pusabo po polo usu selama elalubao, eno te bidigo po tų ebode po pusainu ebo gilama. Eno koneani, eno dwai sę meni, tama tiyu, eno te po tų ebode eno po ela holaibao.

Jopgo Po Asęani Elalubo Buku 33:9

nago dwai kolesaga me yai menio, po wali. Tama tibaso, nage Godigo gedude meda meni yai bidiba. Tama nago magi nai mede sę menio, po wali.