Jopgo Po Asęani Elalubo Buku 9:16 - Godigo dwagi yai po buku

¹⁶ Ma, tama eno aga i olama, tama te po tų odagasa obaso da, tama aga asigi sogo da, teda eno homugo agai eno po odogi menio.

Jopgo Po Asęani Elalubo Buku 9:16 Referans Kwoze

Dwagi Yai Gesi Po Lukgo Asęani 24:41

Augwaligo Jisasbolo homu munama, te Jisas dao augwaligo me konebe. Augwali dwagi yai homu mu yai digi, augwali noma sai. Tama Jisas agai augwalibolo te po wai, “Tama dagego tubo nai ede me munalubowe?” Jisasgo augwalibolo hanalu wali.

Godigo Nogi Ugwaba Sabo Tęąbi Po Wabo Buku Dabe 126:1

Te Genuai Bidigo da te Saionba ma odasa asali sogo, dago homugo te dago olo nade ebo tiwai homu yai.

Godigo Nogi Ugwaba Sabo Tęąbi Po Wabo Buku Dabe 18:6

Ena haliga sęgę dwai ebaso, tama eno Godiba i wai. Eno gedu haluasa po te ena Godiba weyu, te agai ena tau somainu yai. Aga te aga wiegi yai be mude bidiyu, tama eno po odali. Te eno gedu haluasa po wabo te agai oloba pedelali.

Jopgo Po Asęani Elalubo Buku 29:24

Tama eno siade dao po te olo bidi dabe dali wabo sogo da, augwali noma selama, genuai bidi mego augwalibolo po wabo subo dao. Tama te kolesagago eno augwaligo haliga dąų walai dao.

Te Israel Tobolu Bidi Dabe 6:13

Tama Gideongo agabolo te po wali, “Genuai bidi, eno te po me deli nagebolo hanalu obao. Te Genuai Bidi da dali bidibao wida, magi baso te dwai sę dabolo pedelama elalubawe? Tama agai polobadu dago hani tau sali wiegi yai kolesaga, te tobage kolesaga agai te megi ma ebo menio. Magi basowe? Agai te dago wąį dabe te Isipdu sela soali, tama dago aya dedego dabolo te tiwai po pusai. Tiali goli, megi da, Genuai Bidigo da tagalama, tama da te Midian dabego nogode bidibao.” Gideongo te po wali.

Ma Dobola Sali 6:9

Tama Mosesgo te po Israel hani dali wai, tiali goli augwaligo agai po odobeo. Magi basowe, te sę dene yaligo augwali homu aiyaba mu tula palai.

Jopgo Po Asęani Elalubo Buku 9:15

Tagala eno magi sęgę meniama, magi po meniama, tama te po tų ebode ena dolo dali pai. God aga digi aga te po tų odobo bidi dao, tama agai ena po tų ebo dao. Tiali goli, eno agabolo ena hobede ya po hanalu waibao.

Jopgo Po Asęani Elalubo Buku 9:17

Agai moni tulubage dali, wali dali si tagala paligi dao. Tama ena aiyaba elaluama, tama eno dwai sę yai elalubao wainu, tiali goli agai ena mu doliyu igi dao.” Jopgo te po wali.

Jopgo Po Asęani Elalubo Buku 13:22

Ma, nago tama tiyu da, teda nago ena dali po obaso da, eno nago po wei ponoyu yaibao. Ma, meniyu da, eno nagebolo po bolo waibao. Tama nago enaba po wei ponoyu yagameo.