Jopgo Po Asęani Elalubo Buku 8:3 - Godigo dwagi yai po buku

³ Godigo tigidali bomo elalubo, te doloba pai kolesaga hasegelama, tama da kegebo meni. Mu menima. Tigidali sogo agai kolesaga doloba pai naga dao.

Jopgo Po Asęani Elalubo Buku 8:3 Referans Kwoze

Tuni Bidi Dabego Po Elalubo Buku Si 19:7

Genuai Bidi dago God agai te po tų ebo pauli ebo, me abagi tau sabo, me te bidi dabego dage mone menama dage nagame yainogo ebo sula tagalabo, te tama kolesaga dabe agai godolo munu ma ebeo. Tama tialima, dage po tų ebo odobo bidi dabe, dagego God dologode mu elaluyu, tama dagego po tų ebode bugagia peda selama elaluao,” Jehosafatgo te po wali.

Bomai Po 32:4

Dago God te tama tigidali sogo bidibo dao. Aga da, te genuai masigi me tiwai dao, te me hasegelisąwai masigi tiwai dao. Tigidali sogo agai aga po wali pabo dao, tama agai ili po me wabo menio. Tama agai kolesaga da, wiegi yai mu elama, doloba pai mu dao.

Tigidali Nai Gagalama Nigali Side 18:25

Nago te wiegi yai bidi dabe augwali te dwai bidi dabe augwali dali elainu ebo. Te wiegi yai egobeo. Nago tama tiwai me elamuo. Tiyu, te wiegi yai bidi dabe te dwai bidi dabe augwali dali dolabuo. Te dwai mu dao. Nage da, te tigidali tǫ pedaide po tų odobo bidi dao. Nago te doloba pai kolesaga wali pomainogo egobewe?” Abrahamgo te po hanalu wali.

Daniel 9:14

God, dago Genuai Bidi, nago te dago yali dwai sę wei ponainu sisi elama tonaluali. Tama megi da, te sę nago yalio, magi baso meni, nage te doloba pai kolesaga naga ebo God dao. Tiali goli, dago te nago po me odobeo.”

Kraisgo Geme Dualali Sę Pedelabo Po Jonbolo Ola Mani 16:7

Tama eno odali, te Godibolo mabo nai ulubo alta saigo i wali, “Awe, mu tama, Genuai Bidi, Tigidali Bomo Elalubo God, nago te bidi dabe augwali po tųde dagaliyu, tama mu po naga wali peyu nago po tų te dolo mu naga tigidali ebo dao,” te po wai.

Kraisgo Geme Dualali Sę Pedelabo Po Jonbolo Ola Mani 15:3

Tama tiyu, augwaligo te Godigo sę yali bidi Mosesgo polobadu wali tęąbi weyu, tama te Kibu Sipsip Waigo tęąbi me wai. Te tęąbi po wali e dao: “Genuai Bidi, nage te God te Tigidali Bomo Elalubo Bidi dao. Tigidali sę nago ebo, te genuai mu eyu, tama dago te sę ebo suyu, tama da noma siyu homu hauwa ebo dao. Nage tigidali hani bidigo tuni bidi, tama nago kolesaga te dolo eyu tama tigidali mu naga ebo dao.

Polgo Po Pas Rom Dabeba Asęani 2:5

Tiali goli nago naga homu mu palia selama, tama nago homu me begelebeo. Tialima tebo kolesagago te nago te dwai dene sabo sę ebo te pesage genuai holobao, te mone ge sabobo piduai tiwai. Te nosali te bodolu mani side te Godigo doloba pai po tų ebode te agai sębę hania haninama pedalaibao, tama nage te dwai dene te sogo saibao.

Esekiel 33:20

Tiali goli, dage Israel dabego te po wabo dao, Genuai Bidi eno kolesaga dolo meni po wabo dao. Teda odao. Nosali eno dage po tų elama, tama dagego kolesaga osola sulama, tama dage deli deligo ebo kolesaga dagalaibao,” Genuai Bidigo enabolo te po wai.

Esekiel 33:17

“Tiali goli, tǫde bidio, naga abagi dabego te po wabo dao, Genuai Bidi eno kolesaga dolo menio po wabo dao. Tiali goli, menio, te Israel dabe augwa kolesaga te dolo menio.

Esekiel 18:25

“Tiali goli, dagego te tama po obao, ‘Genuai Bidigo ebo te kolesaga, te dolo menio,’ wali. Tialima, dage Israelgo, eno po wabo bugagia odao. Dagego homude eno kolesaga te dolo meni da homu eba, agawe? Menio. Te dagego ebo kolesaga da, te dolo me ebe dao.

Godigo Nogi Ugwaba Sabo Tęąbi Po Wabo Buku Dabe 99:4

Bomai king, nago te doloba pai kolesaga wei ebo dao. Nago da Israel we bidi dabeba te doloba pai me wiegi yai kolesaga menama, tama dago wali pali. Tama nago dago te gasa we bidi dabe te doloba pai kolesagade dagalumainu ilali.

Godigo Nogi Ugwaba Sabo Tęąbi Po Wabo Buku Dabe 89:14

Nage te king bidiyu, tama nago te we bidi dabe doloba pai kolesagade tonalubao. Tama nago po tų dolo naga ebao. Nago te tigidali we bidi wei mu elama, tama nago naga po sesemane wali peyu yali, tama nago po hasegelama eyu, me egobeo. Te tobage kolesaga ebo da, te nago naga we bidi tonalubo sę page mu dao.

Jopgo Po Asęani Elalubo Buku 40:8

Nago po bomonama, e tama wali, nago tigidali kolesaga dolo dao, po wali. Tiali goli, nago ena magi baso po tų ela maniwe? Tama nago magi baso eno doloba pai kolesaga ebeo po waliwe?

Jopgo Po Asęani Elalubo Buku 40:2

“Jop, nago pogo ena dali hwįbo tiwai walio. Ena da, Tigidali Bomo Elalubo God dao. Tama nago ena po tų ela manio. Tama megi da, eno nago eno po wei ponomainu agebele e ilibao. Nago wei ponobo usu yaibawe? Ma, meni yaibawe?” Godigo te po wai.

Jopgo Po Asęani Elalubo Buku 35:13

Augwaligo doloba pai kolesaga meni. Tama tibaso, God Tigidali Bomo Elalubo Bidigo augwaligo i wabo odogobeo.

Jopgo Po Asęani Elalubo Buku 34:5

“Jop agai e tama po wai dao. ‘Eno magi sę me dolobeo,’ po walio. ‘Tiali goli, Godigo doloba pai kolesaga enabolo ebeo,’ po wali.

Jopgo Po Asęani Elalubo Buku 21:20

Awe, augwa digi sulama, dene konemainu te Godigo sębę, te God Tigidali Bomo Page Bidi.

Jopgo Po Asęani Elalubo Buku 21:15

Me ma, augwaligo e tama wabo, ‘God te Tigidali Bomo Elalubo, te dewe?’ wabo, ‘dago magi baso agaba lotu po weyu, aga dologode elaluaibawe? Tama dago ma agaba gedu haluasa po weyu da, dago mena dwagi yai nai saibawe?’ Augwaligo te tobage po wabo dao.

Jopgo Po Asęani Elalubo Buku 19:7

Godigo ena diluai sę mu elama, elalio. Tama tibaso, eno agai ena taga palomainao olama, i bomonama mu obao. Tiali goli, agai eno i wei ponobeo. Tama agai ena dali doloba pai sę ebeo.

Jopgo Po Asęani Elalubo Buku 10:3

“Mena tama tiali? Nago homugo naga digi nigai bidi dolobo usu dawe? Te dwagi yai kolesaga dawe? Ma, te kolesaga nago bidi dwai dabe homu dwagi yai ilibo, te dwagi yai kolesaga dawe?

Jopgo Po Asęani Elalubo Buku 9:2

“Mu tama, eno koneani, nago po dolo mu dao. Tiali goli, bidi Godigo po tų eboba sabolagi peyu da, teda mena tama aga Godigo gedude doloba pai bidi pedalaibawe?

Jopgo Po Asęani Elalubo Buku 4:17

‘Godigo tigidali we bidi nigai dao. Tama augwali aga dologode bidibao. Tama God agai gedude doloba pai bidi me bidibeo, te God aga tiwai.

Jopgo Po Asęani Elalubo Buku 36:3

Agai ena nigai, ena haniani dwagi yai kolesagago pągąnalubao. Tama megi eno te koneani kolesaga po pusaibao, tego nage e tama ola mawainu, Godigo yaide doloba pai kolesaga sesemane idubo dao.

Jopgo Po Asęani Elalubo Buku 36:23

Tama dego Godigo yabo sę dabe po dego ola mawaibawe? Ma, dego agabolo ‘Te nago geda muani’ po wabo usu yaibawe? Te tama tiabo bidi mu meni.

Jopgo Po Asęani Elalubo Buku 37:23

Tigidali Bomo Elalubo God te ugwanu mu elalubo, tama da aga pąba pabo usu egobeo. Agai genuai bomo mu elalubo, tama aga doloba pai mu dao. Agai te po tų dodolobo sę ebode doloba pai kolesaga naga ebo dao. Tama agai da olo dali aiyaba elalugobeo.

Jopgo Po Asęani Elalubo Buku 19:6

“Tiali goli, dolo koneao, eno dwai sę me ebe. E sę dabe yali God aga homugo digi yalio, tama te dolo menio. Agai ena aga sųgų sabo naide tola salio.